Search

سوالیہ جملے کی بناوٹ کو دہرائیے۔ اب what اور where وغیرہ لفظوں کے ساتھ shall, would,
should, were, has, had, is, are, am, was, will, وغیرہ معاون فعل helping verb کو
اچھی طرح ذہن نشین کر لیجئے۔ ان سے اکیلے بھی سوالیہ جملے بنتے ہیں۔ یہ بات آپ سابقہ
اسباق میں پڑھ چکے ہیں۔ اب پھر دہرا لیجئے۔

آپ گذشتہ سبق میں What, Who, How لفظوں کا استعمال کرنا دیکھ چکے ہیں۔ اب یہاں پر When, Where, Which اور Why کا استعمال سیکھئے۔ Which کا استعمال عام طور پر بے جان چیزوں کے لئے کیا جاتا ہے۔ When وقت بتاتا ہے۔ اور Where سے جگہ کا پتہ چلتا ہے۔ اسی طرح Why وجہ بتاتا ہے۔ ان سب لفظوں کے استعمال کی ایک خصوصیت یہ ہے کہ ان کے ساتھ do, did یا کوئی اور helping verb ضرور لگانا پڑتا ہے۔

انگریزی زبان میں کچھ الفاظ بے آواز، یعنی (Silent) ہوتے ہیں، جو لکھے تو جاتے ہیں مگر پڑھے نہیں جاتے اور یہ غیر ملکی زبان ہونے کی وجہ سے انگریزی سیکھنے والے طلباء و طالبات کے لئے ایک مسئلہ بن جاتے ہیں۔ یہاں ایسے الفاظ کو بڑے دلچسپ انداز سے پیش کیا گیا ہے۔ آپ اپنے مطالعہ اور مشق سے ان لفظوں پر عبور حاصل کرسکتے ہیں۔