Search

Us k honton se ada hone laga hon ab main
Thaher aye zeest DUAA hone laga hon ab main

Khud se lipta le mujhe , Choom le matha mera
Aye zameen tujh se juda hone laga hon ab main

Shayed ab hijer e musalsal meri kismat thehray
Ik mohabbat mein khara hone laga hon ab main

Badan se uthti thi us k khushbo, saba k lehjay mein boolta tha
ye meri aankhein thi uska bistar, wo meray khawabon mein jaagta tha

haya se palkein jhuki hoi thin hawa se saansen ruki hoi thin
wo meray senay mein sar chupaey, najnay kya baat, soochta tha!

koi tha chashm e karam ka talib, kisi pe shouq e wisaal ghalib
sawaal phailay thay chaar janib, bus aik main tha jo chup khara tha

ajeeb muhabbat ajeeb rut thi, khamoosh bethay hoey thay donon
main uski awaaz sun raha tha, wo meri awaaz sun raha tha

wo aur hon gay ke jin ko "AMJAD" naey manazir ki chaah ho gi
main us k cheray ko dekhta hon, main us k cheray ko dekhta tha!

Kabhi Uska Chehra Gulab Hua Karta Tha,
Sab Ki Nazron Ka Woh Khuwab Hua Karta Tha,

Chand Sitaray Us K Samnay Maand Partay Thay,
Woh Toh Khud Mahtab Hua Karta Tha,

Lehja Aisa Tha Jaise Khilti Hui Kali,
Apni Baaton Mein Woh La-Jawab Hua Karta Tha,

Phir Yun Hua Ishq Ho Gaya Kissi Se,
Muhabbat Lafz Jis K Liye Mazak Hua Karta Tha......!!!!

Mairay Israar Par Aakhir,
Bohat Majboor Ho Kar Aaj.
Mujhay Apni Nigaahoon Ki,
Udaasi Soanp Di Uss Nay.
Bohat Baybas,
Bohat Tanha,
Bohat Bikhri Mohabbat Ki.
Haqeeqat Khol Di Uss Nay.
Khalish Jo Uss Kay Dill Main Thi,
Wo Ab Meri Amaanat Hay.
Shikasta Lehjay Ki Jitnni,
Thakan Thi,
Boal Dii Us Nay.
Meri Khatir Mujhay Apni,
Mohabbat Keh Nahin Paai.
Magar Aaj Apnay Aansoo Say,
Mohabbat Toal Di Uss Nay.
Haqeeqat Khol Dii Uss Nay...........

Aaj us ki yaad nay humain tarpaya bohat
Aaj na chahattay howay bhi woh yaad aayi bohat

Us kay baad to jaisay vehshatoon say dosti ho gayi
Phir kyon aaj tanhaiyoon nay darraya bohat

Woh mera tha, mera hai, mera rahay ga
Hum nay is khayal say khud ko behlaya bohat

Shamma kay jalnay per hum afsoos kerain kyoon
Hum nay bhi manind shamma khud ko jallaya bohat

Hum nay jis kissi ko bhi humdard samjha "APNA"
Woh humaray dukh pah na janay kyon muskuraya bohat

Teri us ada say bhi houn aashna
tujhay jis pay itna ghuroor hai

Mein jeeoun ga teray baghair bhi
mujhay zindagi ka shaoor hai

Na hawis mujhay maya naab ki
na talub saba-o-sahab ki

Teri chashm-e-naz ki khair ho
mujhay bay piye hi saroor hai

Jo samajh liya tujhay bay wafa
to phir is mein teri bhi kiya khataa

Yeh khalal meray dimagh ka
yeh meri nazar ka qasoor hai

Koee baat dil mein woh thaan kay
na ullajh paray teri shan say

Woh niyazmand jo kay sir ba khum
kaee din say teray huzoor hai

Mein nikal kay bhi teray daam say
na giron ga apnay maqaam say

Mein QATEEL-e-jor-o-sitam sahi,
mujhay tum say ishq zaroor hai..!!

Ab Tak Us Ki Muhabbat Kaa Nashaa Taarii Hai
Phool Baaqii Nahiin Khushbu Ka Safar Jaari Hai

Sehar Lagtaa Hai Pasiine Mein Nahaayaa Huaa Jism
Ye Ajab Khuaab Mein Dobi Hui Bedaari Hai

Aaj Kaa Phool Teri Kokh Se Zaahir Hoga
Shaakh-E-Dil Khushk Na Ho Ab Ke Teri Baari Hai

Dhyaan Bhi Us Ka Hai Milte Bhii Nahin Hain Us Se
Jism Se Bair Hai Saaye Se Vafadaari Hai

Dil Ko Tanhaai Kaa Ahasaas Bhi Baaqi Na Rahaa
Vo Bhi Dhundhalaa Gayi Jo Shakl Bahut Pyaari Hai

Is Tag-O-Taaz Mein Tote Hain Sitaare Kitane
Aasmaan Jeet Sakaa Hai Na Zameen Haari Hai

Koi Aayaa Hai Zaraa Aankh To Kholo 'Shehzad'
Abhi Jaage The Abhi Sone Kii Taiyaari Hai

meri zandagi ko ik tamasha bana dia us nay
bhari mehfil me tanha bitha diya os nay

aisi kya nafrat us ko is masoom dill say
khushian chura kar gham thma dia us nay

bohat naz tha us ki wafa pay kabhi hum ko
mujh ko hi meri nazroon me gira dia us nay

khud bewafa thi meri wafa ki kya qadar karti
anmol thaa main khak me mila dia us nay

kisi ko yad karna to us ki fitrat mai shamil nahie
hawa ka jhonka samaj kar bhula dia us nay