Search

Mujh se bicher k mujh ko rula ker udaas tha,
Meri tarah wo khud ko jala ker udaas tha,

Aisay ajeeb dard k pehre thay chaar soo,
Ab k wo mere shehar main aa ker udaas tha,

Mujh ko bhi us ki yaad satati rahi bohat,
Wo Bhi diyaar-e-ghair main ja ker udaas tha,

Mere ilawa bhi hai koi us ka shaher main,
Itni see baat mujh ko bata ker udaas tha,

Us ko udaas ker gayi beete dinon ki yaad,
Guzri rafaqaton ko ganwa ker udaas tha...!!!

sufaid saada udaas kaaghaz

qalam ko apny qareeb rakhy

meri tawaja ka muntazir tha

qalam ka shula pakar k mein nay

sufaid saada udaas kaaghaz k saary chehray ko

kalay kalay moheeb lafzon say bher dia tha

sufaid kaaghaz ka dukh mitanay ki justuju mein

sufaid kaaghaz k dukh ko mein nay barha dia tha

so maire lehjay ki wehshaton nay

jo lafz kaaghaz pay rakh diy thay

wo lafz itny taveel thy k

udaas kaaghaz k saary chehry pay cha gay thy

wo dukh jo mein nay sahy muslsal

wo aik kaaghaz pay aa gay thay

Udaas Mousam Main Zard Patay

Muntazir Hain Bahaar Teri

Na Janay Kitni Ruton Say Pyasay

Ye Dasht Tum Ko Bula Rahay Hain

Kabhi Tu Louto

Kabhi Tu Paltoo

K Zindagi Main Veeraniyaan Hain

Bina Tumharay Ye Mousamon Ki Addain Dekho

Kabhi Hansayain

Kabhi Rulayain

Tum Hi Kaho Ab Kia Karay Hum

Yaad Rakhay Ya Bhool Jaye

Mera Dil Bahut Udaas Hai
Ye Raatein Be Sukoon Hai
Ye Din Be Araam Hai
Mujhe Mohabbat Ki Pyaas Hai
Mera Dil Bahut Udaas Hai

Ab Jo Tu Mujhse Bichhad Gaya
Mera Chain Bhi Mujhse Kho Gaya
Na Jane Kyon Phir Teri Aas Hai
Mera Dil Bahut Udaas Hai

Tujhe Bhulne ki Jab Koshish Kari
HaQeeQat Ko Samajhne ki Koshish Kari
Yun Laga Tu Kahin Aas Paas Hai
Mera Dil Bahut Udaas Hai

Zindagi Aise Dourahay Par Aayi Hai
Ke Sirf Main Aur Meri Tanhayi Hai
Na Jaane Ye Kaisa Ajeeb Ehsaas Hai
Mera Dil Bahut Udaas Hai

Dil udaas hai bahut koyi paigaam hi likh do
Tum apna naam na likho gum naam hi likh do

Meri qismat mein gham-e-tanhayi hai lekin
Tamaam umr na likho magar ek shaam hi likh do

Zaroori nahi ki mil jaaye sukoon har kisi ko
Sar e bazm na aao magar benaam hi likh do

Ye jaanta hoon ki umr bhar tanha mujhko rehna hai
Magar pal do pal, ghadi do ghadi, mere naam hi likh do

Chalo hum maan lete hai ke sazaa ke mustahiq thahre hum
Koi inaam na likho koi ilzaam hi likh do

Jaltay Diyay K Saamnay...

Jhaunka Hawa Ka Daikh Kar...

Tum Kyun Udaas Ho Gaey...

Mausam Khizaan Ka Daikh Kar...


Mausamon K Rog Ka...

Dard Mat Saha Karo...

Udaas Mat Raha Karo..


Yeh Dard Hain Hayaat K...

Kuch Rang Kaaeynaat K...

Kuch Dukh Ki Taiz Baarishain..

Kuch Phool Hain Nishaat K..


Tum Phool Bas Chuna Karo..

Udaas Mat Raha Karo..!!

Udaas Logo Ki Bustiyon Mai
Wo Titliyon Ko Talash Karti
Wo Aik Larki . . .

Wo Gol Chehra, Wo Kaali Aankhain
Jo Karti Rehti Hazaar Baatain
Mizaaj Saada,,, Wo Dil Ki Achi
Wo Aik Larki . . .

Saari Batain Wo Dil Ki Maanay
Wohi Karay Wo, Jo Dil Mai Taanay
Koyi Na Janay,, Kya Os Ki Marzi
Wo Aik Larki . . .

Wo Chahato K Saraab Dekhay
Mohabatoon K Wo Khwab Dekhay
Wo Khud Samandar Magar Hai Pyasi
Wo Aik Larki . . .

Wo Dosti K Nisaab Janay
Wo Janti Hai Ehd Nibhanay
Wo Achi Dost Wo Achi Saathi
Wo Aik Larki . . .

Wo Jaam Chahat Ka Peena Chahay
Wo Apne Marzi Se Jeena Chahay
Magar Hai Darti,,, Magar Hai Darti
Wo Aik Larki . . .

Mohabbato Ka Jo Falsafa Hai
Wo Janti Hai,,, Osay Pata Hai
Wo Phir Bi Rehti Dari Dari Si
Wo Aik Larki . . .

Wo Jootay Logo Ko Sacha Samjay
Wo Sari Dunya Ko Acha Samjay
Woh Kitni Saadi,,, Wo Kitni Pagli
Wo Aik Larki

Aaye Ho Itni Raat Gaye Kewoon Hamaray Pass
Pichhla Pehar Guzara Hay Tum Bin Bada Udaas

Uljhee Hay Kewoon Yeh Zulf-E Parishan Na Poochhiye
Hum Kya Bataein Kuchh Bhi Nahi Baat Koee Khaas

Muddat Ke Ba'ad Aaye Nazar Ke Woh Saamnay
Heraniyoun Mein Hosh Raha Na Rahay Hawaas

Sari Umar Usooloun Peh Kerta Raha Gumaa
Woh Shukhs Kaash Hota Zra Bhi Nazar Shanaas

Khushyan Jo Dhoondhtay Hein Kissi Dil Ko Tod Ker
Phir Zindagi Unhain Bhi Tou Aati Nahi Hay Raas

Chahat Tou Ik Fareb-E Nazar Hay Sanbhal Ke Chal
Kaghaz Ke Phool Detay Nahi Hein Kabhi Bhi Baas

Terk-E Ta'alluqaat Se Sabat Hain Silsilay
Pani Rahay Jou Door Tou Badhti Hay Aur Pyaas,

Bichar Kay Mujse Kabhi Tu Nay Yea Bhi Socha Hay..!!
Adora Chand Bhi Kitna Udaas Lagtha Hay…!!

Yea Khatam-E-Wisal Ka Lamha Hay, Rai’ghaan Na Samaj..!!
Keh Iskay Baad Wohi Doori’yun Ka Sehra Hay..!!

Kach Aur Dher Na Jharna Udasiyun Kay Shajar..!!
Kissey Khaber Teray Sa’ye Mein Kaun Bayta Hay..??

Yea Rakh Rakhao Muhabat Sekha Gaye Usko..!!
Woh Rooth Kar Bhi Muje Muskura Kar Milta Hay..!!

Mein Kis Tarah Tuje Dekhoon Nazar Ji’jikh’ti Hay..!!
Tera Badan Hay K Yea Aai’noo Ka Darya Hay…??

Kuch Is Qadar Bhi Toa Asaan Nahe Hay Ishq Tera..!!
Yea Zaher Dil Mein Utter Kar Hi Raas Aata Hay..!!

Mein Tujko Paa Kay Bhi Khoya Howa Sa Rehta Hoon..!!
Kabhi Kabhi Toa Mujey Tu Nay Theek Samja Hay..!!

Muje Khaber Hay K Kya Hay Judai’yun Ka Azaab..!!
Keh Meinne Shaakh Say Gull Ko Bichartey Dekha Hay..!!

Mein Muskura Bhi Paraa Hoon Toa Kyun Khafa Hein Yea Log..!!
Kay Phool Too’ti Howi Qaber Par BHi Khiltha Hay..!!

Ussey Ganwaa Kay Mein Zinda Hoon Iss Tarah Say Mohsin ..!!
Keh Jaisay Taizz Hawa Mein Chiraagh Jalta Hay..!!,