Search

Meri zindagi main bs ik kitaab hai
ik chirag hai
ik khawab hai
Or Tum Ho.....!

Kabhi Tum Bhe Nazar Aao
Subha Se Shaam Tak Hum Ko
Bohat Se Log Miltay Hain
Nigahon Se Guzrtay Hain
Koi Andaaz Tum Jesa...
Koi Humnaam Tum Jesa
Magar, Tum He Nahin Miltay
Bohat Bechain Phirtay Hain
Barre Betaab Rehtay Hain
Dua Ko Haath Uthtay Hain
Dua Mein Ye He Kehtay Hain
Lagi Hai Bheer Logon Ki
Magar Iss Bheer Mein Mohsin!
Kabhi, Tum Bhe Nazar Aao....
Kabhi, Tum Bhe Nazar Aao!!!!

Chahat Kay Is Darya Per
Darya Or Kinaray Per
Dil Ko Yon Azad Kia
Main Nay Tum Ko Yaad Kia


Tanhaii Ki Raton Main
Khud Hi Baaton Baaton Main
Is Dil Ko Yon Shaad Kia
Main Nay Tum Ko Yaad Kia


Jab Say Tum Ko Dekha Hay
Jab Say Tum Ko Chaha Hay
Har Ak Pal Faryaad Kia
Main Nay Tum Ko Yaad Kia


Is Jeewan Kay Nisaabon Main
Or Raaton Kay Khuwabon Main

Jaag Kay Bhi Dil Shaad Kia
Main Nay Tum Ko Yaad Kia


Phool Yeh Khilnay Say Pehlay
Tum Ko Milnay Say Pehlay
Khud Ko Yon Barbaad Kia
Main Nay Tum Ko Yaad Kia

Kabi Tum Apni Mohabbat Ka Aitbaar To Do
Mai Chahoon Toot K Tum Ko Ye Ikhtiyaar To Do

Guzarti Hi Nahi Mujh Se Ye Zindagi Tanha
Sahara Pyaar Ka Deker Isey Guzaar To Do

Mai Sochti Hoon Tumhare Bagair Kya Hoga?
Dil-o-Dimaagh Per Ek Bhoj Hai Utaar To Do

Mere Khayal Ki Raahon Ko KehKashaan Kar Do
K Roshni Se Meri Zindagi Sanwaar To Do


Umeed-e-Wafa Ghum-e-Hijar Ka Mudawa Hai
Mai Intizaar Karoon Magar Zabt-e-Intizaar To Do

Hum Main Hi Thi Na Koi Baat, Yaad Na Tum Ko Aa Sakey
Tum Ne Hamen Bhula Diya, Hum Na Tumhain Bhula Sakey

Tum Hi Na Sun Sako Agar, Qissa-E-Gham Sune Ga Kaun
Kis Ki Zubaan Khule Gi Phir, Hum Na Agar Suna Sakey

Raunaq-E-Bazm Ban Gaye, Lab Pe Hikaayaten Raheen
Dil Main Shikayaten Raheen, Lab Na Magar Hila Sakey

Shouq-E-Wisaal Hai Yahan, Lab Per Sawal Hai Yahan
Kis Ki Majaal Hai Yahan, Hum Se Nazar Mila Sakey

Hum Main Hi Thi Na Koi Baat, Yaad Na Tum Ko Aa Sakey
Tum Ne Hamen Bhula Diya, Hum Na Tumhain Bhula Sakey..

Tum Bhi Khafaa Ho Log Bhi Beraham Hain Dosto
Ab Ho Chalaa Yaqeen Ke Bure Ham Hain Dosto

Kis Ko Hamaare Haal Se Nisbat Hai Kyaa Karein
Aankhein To Dushmanon Ki Bhi Pur-Nam Hain Dosto

Apane Sivaa Hamaare Na Hone Kaa Gam Kise
Apani Talaash Mein To Ham Hi Ham Hain Dosto

Kuchh Aaj Shaam Hii Se Hai Dil Bhii Bujhaa Bujhaa
Kuchh Shahar Ke Chiraag Bhi Maddham Hain Dosto

Is Shahar-E-Aarazuu Se Bhi Baahar Nikal Chalo
Ab Dil Ki Raunaqein Bhi Koi Dam Hain Dosto

Sab Kuchh Sahi 'Faraz' Par Itanaa Zaruur Hai
Duniyaa Main Aise Log Bahut Kam Hain Dosto

Chand ko sitaron se aur mujhe tum se Mohabbat hai
Phoolon ko baharon se aur mujhe tum se Mohabbat hai

Mehfil main jo milna nigahen jhuka lena
koi samjh na paye ke mujhe tum se Mohabbat hai

Ab tere hijr main bus ek kaam hai Aasman takna
Tum sitaron pe likh dena mujhe tum se Mohabbat hai

Hai hamain ehsas tum ko bhi hum se Pyaar hai lekin
Yeh mere rubaru kehna mujhe tum se Mohabbat hai ..!

ham bhii sharaabii tum bhii sharaabii
chhalake gulaabii chhalake gulaabii
taqadiir dil kii Khaanaa_Kharaabii

jab tak hai jiinaa Khush ho ke jii len
jab tak hai piinaa jii bhar ke pii len
hasarat na koii rah jaaye baaqii


bas raat bhar ke mehamaan ham hain
zulfon mein shab ke thore se kham hain
baaqii rahegaa saaGar na saaqii

Mujay tum raaegan kerna,
Mager ye dhiyaan mein rakhna,
Bhulaa daina….
Mager bus ek zara,
Ye dhiyaan mein rakhna,
Kay jazbay mar nahien sktay,
Basher to mar be sktay hien,
Shajer to gir be sktay hien,
Salamat phir bhi rehtay hien,
Wo kuch pal….
Jo kisi kay derd kay dumsaaz bun jaaien,,
Chamakte rung bun ker,
Kisi masoom chehray per bikher jaaien,
Tamaazat phir be daitay hien,
Thitharti shab mein marti zindgi ko,
Bachaa lainay walay garam jhoonke,
Haraarat phir be daitay hien,,,
Ye gum phir be nhi merta,
Her ek pal saans laita hay,,
Muhabbat kernay walay ko,
Ajab si piyaas daita hay,
Milan ki aas daita hay