Search

aek aah bhari main ne !!!
aapna hinnai hath
uske sisaktay laboon pe rakha
aur kaha
''kuch na poochho mujh se !!!
mere khwaab hoe chakna choor kese ?
tumhain kiya maloom
kitna mushkil hae chalna
NaNgay paaun
un khowaboon pe
jo toot ke bikhray to
hoe chakna choor
mujhe bhi ker gae rezah rezah'

Merey wehm o guman se bhi zyada toot jata hai
Ye dil apni hadoon mein reh k itna toot jata hai

Mein roaon to dar o deewar mujh pey hansnay lagtey hain
Hansoon to merey andar janey kya kya toot jata hai

Mein jis lamhey ki khawahish mein safar karta hoon sadyon sey
Kahin paoon taley aa kar who lamha toot jata hai

Merey khawaboon ki basti sey janazey uthtay jatey hain
Meri aankhein jisey choo lein who sapna toot jata hai

Najaney kitni mudat se hai dil mein ye amal jari
Zara si theeas lagti hai zara sa toot jata hai


Muqadar mein merey sagar shikast o rakhat itni hai
Mein jis ko apna keh doon wo sitara toot jata hai

Wo Bicharnay Laga Mujh Say Tu ANA Toot Gaii
Routh Jana Hi Ada Hay Mujhay Maloom Na Tha

Subah Honay Pay Bhi Aankhon Say Andhera Na Gia
Raat Suraj Say Khafa Hay Mujhay Maloom Na Tha

Routh Janay Pay Manana Usay Aata Hi Nahi
Ye Bhi Meri Hi Khataa Hay Mujhay Maloom Na Tha

Zindagi Jurm -e- Anasar Hay Zamanay Main
Saans Laina Bhi Saza Hay Mujhay Maloom Na Tha

kisi ko yu toot k chahen ge socha na tha,
apne bhi gulshan mein faqat yaadon k gul reh jayengen socha na tha,
maana wafa ka wafa se milan hy kathin bahut,
koi humse bhi yun ruth jayega socha na tha,
jaante hain rah-e-ishq ki manzil hy door bahut,
pr beech raah mein tum saath choar jaoge socha na tha,
muhabbat mein milti ruswayi hy amooman jaante hain sbhi,
koi humko bhi yun bhool jayega socha na tha,
apna hi dil khud hi ko lgne laga hy paraya,
kisi k ishq mein yu fana ho jayenge socha na tha,
faqt dil hi toh tha paas apne apna kehne k liye
woh bhi yu kisi ka ho jayega socha na tha,
kisi ki chah mein yun sb bhula bethenge hum
koi humko humse bhi zyada aziz ho jayega socha na tha,
hamari hi bhool thi jo humne usay chaha, usay apna mana,
itni si khatta pe BADNAAMI KA TAAJ sir sajega socha na tha

Kuch Khuwab Suhanay Toot Gaye,
Kuch Yaar Puranay Rooth Gaye,

Kuch Zakhm Lagey Thay Chehry Per,
Kuch Andar Se Hum Toot Gaye,

Kuch Hum Thay Tabiyat K Saada,
Kuch Log Beganay Loot Gaye,

Kuch Apno Ne Badnaam Kiya,
Kuch Ban Afsany Jhoot Gaye

Kuch Apni Shakista Nao Thi,
Kuch Hum Say Kinaray Chhuot Gaye...

yeh sheshay yeh sapnay yeh rishtye yeh dhaagay

kisay kya khabar hai kahan toot jayen

muhabbat kay darya mein tinke wafa kay

nah janay yeh kis more par doob jayen


ajab dil ki bastii ajab dil ki waadi
har ik more mousam nai khawahishon ka


lagaye hain hum nay bhi sapnon kay poday

magar kya bharosa yahan baarishoo ka


muradon ki manzil kay sapnon mein khoye

muhabbat ki raaho peh hum chal parrey thay

zara dour chal kay jab ankhain khulein tou

kari dhoop mein hum akailey kharay thay


jinhein dil say chaha jinhein dil say pooja

nazar arhay hain wohi ajnabi say

riwayat hai shayad yeh sadiiyon purani

shikayat nahi hai koi zindagi say ,

Aao Kisi Shab Mujhe Toot K Bikharta Dekho,
Meri Ragoon Mein Zehar Judayi ka Utarta Dekho,

Kis Kis Ada Se Tujhay Manga Hai RAB Se,
Aao Kabhi Mujhe Sajdon Mein Sisakta Dekho,

Teri Talash Mein Hum ne Khud Ko Kho Diya Hai,
Mat Aao Samnay Magar Kahin Chhup K Mujhe Tarapta Dekho,

Baday Shoq Se Mar Jayein Gay Hum Agar,
Tum samnay Beth Kar Sans Ka Tasalsul Tot'ta Dekho......!!!!

Na Chairho Khilti Kalyon, Hanste Phoolon Ko
In Urti Titliyon, Aawara Bhawron Ko,
Tassalsul Toot Jaay Ga!

Fiza Mehw e Samaat Hai,
Haseen Honton Ko Naghma Rez Rehne Do,
Nigahaen Neechi Rakho
Aur
Mujassam Gosh Ban Jaao
Agar Junbish Labon Ko Di,
Tassalsul Toot Jaay Ga!

Ufuq Mein Doobte Sooraj Ka Manzar
Iss Bulandi Se Zara Dekho
Issi Rangeen Kinaare Par,
Shafaq Sona Lutaye Gi
Yoonhi Tum Be- Hiss-O-Saakit Raho
Aise Mein Palkain Bhi Zara Jhapkain
Tassalsul Toot Jaay Ga!

Wo Khwabeeda Hai, Khwabeeda Hi Rehne Do
Na Jaane Khwaab Mein Kin Waaadiyon Ki Sair Karti Ho
Bulandi Se Phisalte Aabsharon Mein Kahin Gum Ho
Falak- Asaar Choti Par Kahin Mehw e Tarranum Ho
Agar Awaz Di Tum Ne
Tassalsul Toot Jaay Ga!

Main Shayar Hoon,
Meri Fikr-E- Rassa, Ehssass Ki Uss Satah Par Hai
Jiss Mein Khushboo Rang Banti Hai
Sada Ko Shakl Milti Hay
Tassavvur Bol Uthta Hai
Khamoshi Gungunaati Hai
Yeh Wo Waqfa Hai _ _ _ _ _ _ Aise Mein,
Agar Daad-E-Sukhan Bhi Di
Tassalsul Toot Jaay Ga!

DEKH KAR APKO HUMNE
DIL ME BASAYA HAI
JANA NA MUJHSE DOOR CHOD KAR HUME
MAIN TOOT SA JAUNGA BIN TERE