Search

Hujoom Mein Tha Voh Khul Kar Na Ro Saka Hoga
Magar Yaqeen Hai Kh Shab Bhar Na So Saka Hoga

Voh Shakhs Jis Ko Samajhney Mein Mujhko Umar Lagi
Bichar K Muj Se Kisi Ka Na Ho Saka Hoga

Laraztey Haath, Shikasta Si Dor Saanson Ki
Voh Khushak Phool Kahan Tak Piro Saka Hoga ?

Boht Ujaarr Thy Pataal Uski Ankhon K
Voh Ansuon Se Na Daman Bhigo Saka Hoga

Merey Liye Voh Qabeeley Ko Chhor Kar Ata
Muje Yaqeen Hai Yeh Uss Sey Na Ho Saka Hoga

Aik Chota Sa Larka Tha Main Jin Dinon
Aik Mailay Main Puhncha Humakta Hoa
Jee Machalta Tha Aik Aik Shay Per Magar,
Jaib Khali Thi Kuch Mol Lay Na Saka
Laut Aya Liye Hasratain Sainkron
Aik Chota Sa Larka Tha Main Jin Dinon

Khair Mehroomion K Wo Din Tu Gaey,
Aaj Maila Laga Hay Ussi Shaan Say
Aaj Chahon Tu Ik Ik Dukaan Mol Lon
Aaj Chahon Tu Sara Jahan Mol Lon
Naa Rasai Ka Ab Jee Main Dharka Kahan?
Per Wo Chota Sa Nanha Sa Larka Kahan??

Be-Aitbar Shakhs Tha So War Ker Gaya..
Lakin Mery Shaoor Ko, Bedaar Kr Gaya..

Kch Main Nay Ishtiaal Main Shikway Gilay Kiay..
Kch Wo Shikaayatain, Sar'e'bazaar Ker Gaya...

Pahlay Wo Meri Zaat Ki Tameer Main Raha..
Phir Mujh Ko Apnay Hath Say Masmaar Ker Gaya..

Wo Aa Mila To Faslay Kat'tay Chalay Gaiy...
Bichra Tou Rastay Mery Dushwar Ker Gaya,.

Kabhi Soncha Na Tha
Mohabbat Mein Itna Door Nikal Jayenge
Kabhi Socha Na Tha,
Hum Wafa Karke Bhi Bewafa Kehlayen Ge
Kabhi Socha Na Tha,
Zamane Se Tanha Hi Takrayen Ge
K(K)Abhi Socha Na Tha,
Hum To Pyaar Ke Naam Se Hi
Na Aashna The,
Chahat Ki Itni Badi Saza Payenge
Kabhi Socha Na Tha,
Uska Har Andaaz Dusron Se
Juda Lagta Hai,
Uske Rang Mein Hum Rang Jayenge
Kabhi Socha Na Tha…

Ik Dost Main Nay Banaya Tha
Dil Main Usay Basaya Tha
Usay Acha Sathi Samjha Tha
Usay Hamdard Apna Jana Tha

Per Mujh Ko Ye Maloom Na Tha
Dil Ghair Say Us Nay Lagaya Tha
Mujhay Hamdardi Ka Dawa Tha
Wo Her Dam Mujh Say Nalan Tha

Jab Us Ki Nazar Say Milti Thi
Meri Nazar Jhuk Jati Thi
Kuch Keh Bhi Na Sakta Tha Us Ko
Zaban Si Yun Ruk Jati Thi

Janay Kia Phir Baat Hue
Wo Mujh Say Uon Naraz Hua
Sab Gussa Us Ka Bikhar Gia
Phir Bujha Bujha Sa Rehnay Laga

Usay Sathi Us Ka Chor Gya
Dil Kuch Aisay Us Ka Tor Gya
Na Mera Hua Na Us Ka Hua
Bus Yadon Ka Samaan Chor Gya...

Jo Ranjishein Thiin Jo Dil Mein Gubaar Tha Na Gaya
K Ab Ki Baar Gale Mil K Bhi Gila Na Gaya

Ab Us K Wada-E-Fardaan Ko Bhi Taraste Hain
Kal Uski Baat Pe Kyun Aitbaar Kia Na Gaya

Ab Us K Hijr Mein Royain Na Wasl Main Khush Hon
Wo Dost Ho Bhi To Samjho K Dostaana Gaya

Nigaah-E-Yaar Ka Kya Hai Huii Huii Na Huii
Ye Dil Ka Dard Hai Pyaare Gaya Gaya Na Gaya

Sabhi Ko Jaan Thii Pyaari Sabhii The Lab Basta
Bas Ik Faraz Tha, Zaalim Se Chup Raha Na Gaya

Tery Baare Mein Jab Socha Nahi Tha
Mein Tanha Tha Magar Itna Nahi Tha

Teri Tasveer Se Kerta Tha Baatain
Mery Kamray Mein Aayena Nahii Tha

Samandar Ne Mujha Piyasa Hi Rakha
Mein Jab Sehra Mein Tha Piyasa Nahi Tha

Manane Ruthne Ke Khel Mein Hum
Bich'har Jayenge Ye Socha Nahi Tha

Suna Band Ker Li Us Ne Aankhain
Kayi Raatoon Se Vo Soya Nahii Tha