Search

AAJ PHIR SHAAM DHALE

Phir wahi dard sa jaaga hai ragoon mein meri

Phir wahi aah si nikli hai mere seeney sey

Phir wahi khwaab se tootey hain meri aankhoan mein

Phir wahi dard ki talkhi hai meri batoon mein

Phir wahi ashq se thahre hain meri palkoan pr

Phir wahi raat si jeevan mein utar aai hai

Phir wahi aakhiri manzar hai meri aankhoan mein

Aaj phir shaam dhale mughe tum yaad aai ho

Kaho Phir Kiya Kia Jaye?
Mujhe Tum Achi Lagti Ho
Tumhain Main Acha Lagta Hon
Kaho Phir Kiya Kia Jaye?
Tumhari Jagmagati, Muskurati,
Geet Gati, Dil Ruba Aankhain
Boht Gehri Badi Katil Nihayat
Khushnuma Aankhain
Mere Dil Se Meri Be-tabiyon Se
Khelti Aankhain
Khamoshi Ki Zuban Me
Mujh Se Kiya Kuch Bolti Aankhain
Bazahir Doston Me Khil-Khilati
Chor Nazron Se Mujhe Muskurati
Aawaz Deti Dhondti Aankhain
Wo Meri Rouh K Rukhsar Ko
Ek Faasle Chumti Aankhain
Ye Sb Batain Batati Hay
Main Tum Ko Acha Lagta Hon
Wo Mere Zabt Kho Denay
Pe Pemaish Bhari Nazrain
Adaa-E-Be-Niazi Ka Wo Ek
Naa-Kaam Sa Manzar
Wo Ek Kamzor Si Be-ittifaqui,
Be-rukhi K Sir Pe Ek
Mohoom Si Kawish
Mujhe Han Mujhe
Yun He Nazar Andaz
Karne Ki Wo Ek
Dil-Chusp Si Koshis
Sar-E-Mehfil Tumhara Raaz
Khul Jane K Dar Se
Be-irada Ghair Ehem Logon Se
Rasm-E-Guftogu Karna
Ye Sb Batain Btati Hay
Tumhain Main Acha Lagta Hon
Kaho Phir Kiya Kia Jaye?
Mere Be-sakhta Fiqray
Mere Lehjay Ki Hr Shokhi
Mera Hr Waqt Hr Ek Simt
Tum Ko Dhondtay Rehna
Nazar Partay He Tum Pr
Zor Se Dil Ka Dharak Uthna
Ye Sb Batain Batati Hain
Mujhe Tum Achi Lagti Ho
Tumhain Main Acha Lagta Hon
Kaho Phir Kiya Kia Jaye?
Hamaray Darmiyan Rasmon, Riwajon Ka
Samaji Martabe Ka Umr Ka Or Khandanon Ka
Boht Gehra Khalaa Hay
Usay Kesay, Kesay, Kesay Pur Kiya Jaye?
Kaho Phir Kiya Kia Jaye?
Kaho Phir Kiya Kia Jaye?

Phir Aaj Koi Ghazal Us k Naam Na Ho Jaye
Aaj Kahin Likhte Likhte Sham Na Ho Jaye

Kar Rahe Hain Intezar Us k Izhar-e-Mohabbat ka
Isi Intezar Mien Kahin umar tamam Na Ho Jaye

Nahi Laite Hain Uska Naam Sar-e-Aam Is Darr Se
Kahin Naam Uska Badnaam Na Ho Jaye

Mangtay Hain Dua Jab Wo Yaad Atay Hain
K Judai Mere Pyar Ka Anjam Na Ho Jaye

Sochte Hain Aksar Darte Hain Tanhai Mien
Uske Dil Mai Kisi Aur Ka Mukam Na Ho Jaye

Daikho Phir Se Na Yun Kehna
K Yeh Sher Acha Hai
Mujhay Acha Nahi Lagta
K Meray Dard Ki Shiddat Ko
Koi Ghazal Samjh Baithay
Suno..!
Mai Phir Se Ye Kehti Hoon
Kabhi Aisay Na Yun Kehna
K Buhat Tum Khoob Likhti Ho
Ye Tumnay Kahan Se Seekha Hai
Ye Ghazal Buhat Hi Achi Hai
Suno Ye Batain Na Phir Kehna.!!

Ye Dard Mit Gaya To Phir?
Ye Zakham Sill Gaya To Phir?
Bichar K Sochti Hoon Mai..
Wo phir Se Mil Gaya To Phir?
Usay Bhi Kuch nahi Mila..
Mujhe Bhi Kuch Nahi Mila..
Tamam Umer K Liye..
Ye Dard Mil Gya To Phir?
Mai IS Liye To Aj TAk..
Sawal Bhi Na Kar Saki..
Agar Mere Sawal Ka..
Jawab Mil Gya To Phir?
Mai Titlion k sheher Mai..
Jaoon To Mujh Ko Khauf Hai..
Wo Phool Jo khila Nahi..
Wo Phool Khil Gaya TO Phir?
Ye Sach hai Laut Kar Phir..
Mere hi Dil Mai AAo ge..
Magar Ye Soch Lo Zara..
Badal YE DIL Gaya To Phir????

Phir Daaman-E-Ummiid Vo Pholon Se Bhar Gayaa
Jaaduu Bhari Nigaah Se Jadu Saa Kar Gayaa

Bas Dekhate Hii Dekhate Duniyaa Badal Gaii
Kuchh Sochate Hii Sochate Cheharaa Utar Gayaa

Betaab Beqaraar Thaa Pahale Hii Dil Bahut
Phir Aap Kaa Aanaa Aur Bhii Betaab Kar Gayaa

Ik Bekhudi Kaa Naam Muhabbat Hai Dosto
Chaahat Main Kis Ko Khabar Hai Kyaa Kyaa Guzar Gayaa

Kuchh Bhii Pataa Nahin Hai Muhabbat Main Ay Dost
Kab Raat Subah Ban Gai Kab Din Guzar Gayaa..

Phir Kisi Yad Nay Shab Bhar Hay Jagaya Mujh Ko
Kiya Saza Di Hay Mohabat Nay Khudaya Mujh Ko

Din Ko Aaram Hay Na Rat Ko Hay Chain Kabhi
Janay Kis Khaak Say Qudrat Nay Banaya Mujh Ko

Dukh To Yeh Hay Keh Zamanay Main Milay Ghair Sabhi
Jo Mila Hay Woh Mila Ban Kay Paraya Mujh Ko

Jab Koi Bhi Na Raha Kandha Meray Ronay Ko
Ghar Ki Deewaron Nay Seenay Say Lagaya Mujh Ko

Uoon To Umeed-E-Wafa Tum Say Nahein Hay Koi
Phir Charaghon Ki Tarah Kis Nay Jalaya Mujh Ko

Bewafa Zindagi Nay Jab Chorh Diya Hay Tanha
Maot Nay Piyar Say Pehloo Main Bithaya Mujh Ko

Woh Diya Hoon Jo Mohabat Nay Jalaya Tha Kabhi
Gham Ki Andhi Nay Sar-E-Sham Bujhaya Mujh Ko

Kaisay Bhoolon Ga Wohi Wasl Kay Lamhay
Yad Aata Raha Zulfon Ka Hi Saya Mujh Ko..

Ho Kar ZaMeen Ka AasMaan Ki Chaah Kyon Karun,
Main Tujhko Paane Ki TaManna Kyon Karun,

Mujhko Khabar Hai Judayi Tadpayegi Tujhe Har Pal,
Isliye Bata De Main Tujhse Wafa Kyon Karun,

Meri MasooMiyat Ko Rab Ne Banaya Hai Mohabbat Ke Liye,
Tujhe Chahne Ki Phir Main Khata Kyon Karun,

Farishte Bhi Tadap Jaate Honge,
Jab Meri Aankh Se Ashq Chalakte Hia,
Ye Dard Tujhe De Kar Main Koi Gunaah Kyon Karun,

Teri Meri QisMat Ki Raahein Hia Juda Juda,
Main Phir Tera Ban Jaane Ki Aarzu Kyon Karun,

Mere Haathon Ki Lakeeron Mein Nahi Hia NaaM Tera,
Main Tera NaaM Apne NaaM Se Milane Ki Justuju Kyon Karun,

Meri Baatien Tere Dil Mein HaMesha Bas Jaati Hai,
Is Baat Ki Khabar Rakh Kar Main Koi Guftagu Kyon Karun,

Baaton Baaton Mein BenaaM Fasane Ban Jaate Hai,
Aur Aisi Adhuri Kahani Ko Main Shuru Kyon Karun,

Jo Bhi Jazbaat Hai Dil Mein Dil Tak Mehfooz Hia,
Ye Batao Ke Main Unka Zikr Dubara Kyon Karun,

Maana Ke Mohabbat Bhari Nazar Dil Par Ghera Asar Karti Hia,
Use Pyaar Se Dekhkar Us Par Koi Jaadoo Kyon Karun,

Mere Liye Ye MuMkin Nahi Ke Main Tera Ban Jaun Kabhi,
To Phir Main Tujhse Mohabbat Ka Izhaar Kyon Karun...,

Main hosh mein tha tou phir Uss pe mar gaya kaise
Yeh zehar mere lahoo mein utter gaya kaise

Kuch Uss k dil mein lagawat zaroor thi warna
Woh mera haath daba ker guzar kaise

Zaroor Uss ki tawajo ki rehbari ho gi
Nashe mein tha tou main apne hi ghar gaya kaise

Jise bhulaye kayi saal ho gaye Kamil
Main aaj Uss ki Gali se guzar gaya kaise,