Search

Nazrein Milti hey par nazarey nahin miltey
Be saharo ko kahin saharey nahin Miltey

Zindagi eik nadi hey tertey he jayiye
Doobtey Insaan Ko Kinarey Nahin Miltey

Mere Mehboob ki jo mujh par nazar Ho Jaye
Zindagi chain say meri bhi basar ho jaye

Sabkey hothon say tabassum ki shu’ayen niklein
Uskey aaney Ki Jo Mehfil Mei Khabar Ho Jaye

Hanstey Hanstey Wo mila ley jo Nigahen mujh say
Hasraton ka meri shaadab shajar ho jaye

Rukh pay aanchal jo giraye tau andherey chaayen
Rukh say aanchal jo uthayein tau seher ho jaye

Aashiyan dil mei wo jo bana le aakar Sana
Phir tau jannat say bhi pyaara yeh nagar ho jaaye

Wo Ghazal pad kar mulakaat ko aayein ghar par
Merey ash’aar mei Itna Tau asar Ho Jaaye

Har jaghah par baithna INTAZAR Nahi hota...!
Har baat ka matlab IKRAAR Nahi hota...!
Yun to najar milti hai HAJARON Se...!
Par har NAZAR ka milna PYAAR nahi hota...!

gaza par aaj talak sham-e-gharibaan ka samaan hai
jo museebat say bacha laye usay voh shakhs kahan hai

chaa gaya milat-e-islam peh museebat ka ghubaar
khoon mai tar hai Phalestine har ghar mai fughaan hai

mout ne khita-e-kashmir ko taraaj aur veeran kiya
unkay bachoon k muqadar mai faqat taigh-o-sina hai

hamay adaat hai ghulaami ki yoon barbaad hain hum
humaree bay bassi baichaargi chehroon sey ayaan hai

kissi zamanay mai kehtay hain bakamaal thay hum
aaj hum aandhioon ki zidd mai hain har samt dhuaan hai

Andher nagri hai duniya mai kaheen doour chalain
tumhee bataoo bhala rehnay k qabil yeh jahaan hai