Search

Mohabbat Karne Walay Dil

Bas Unka Aik Hi Mahwar

Bas Unka Aik Hi Markaz

Bas Unki Aik Hi Manzil

Bas Unki Justaju Ka Aur Tarap Ka

Aik Hi Haasil

Unhain Bas Aik Hi Dhun Hai

KHUDA Mehboob Ko Unke

Hamesha Shaadman Rakhay

Na Uska Dil Kabhi Tootay

Na Koi Saneha Guzray

Koi Ghum Choo Nahi Paaye

Udaasi Pass Na Aaye

Mohabbat Karnay Walay Dil

Buhat Hassaas Hotay Hain

Mohabbat Karnay Walay Dil

Kabhi Sauda Nahi Kartay

Na Koi Shart Rakhte Hain

Na Unke Moawzey Ki Hiras Hoti Hai

Kisi Rad-E-Amal Se Ya Badal Se

Unko Kya Matlab

Ana Se Unka Kya Rishta

Jafa Se Kya Ilaqa

Unhe To Aik Hi Dhun Hai

KHUDA Mehboob Ko Unke

Hamesha Shaadmaa Rakhey

December K Mahine Ka
Wo Shayd Panchwa Din Tha

Baras Guzray Kaee
Main Ne "MOHABBAT''
Lafz Likha Tha


Kisi Kaghaz K Tukray Par
Achanak Yad Aya Hey

Kisi Se Baat Karni Thi
Usay Kehna Tha Jaan-E-Jaan

Mujhey Tum Se MOHABBAT Hai
Magar Main Keh Nahi Paya

Wo Kaghaz Aj Tak Lipta Para Hai Dhool Main Lekin
Kisi Ko De Nahi Paya..,,

Doobara Chah Kar Bhi Me
Muhabbat Kar Nahi Paya

Suno!
Mohabat Karnay
Waly Chehra
Nahe Dekha Karty
Balkay.....
Dilon Mein Utra Karty
Hein......
Aur Mein Nay B....
Tumharay Dil Mein
Uter Kar Tumhe
Chaha Tha!

Me Laakho’n Aadmiyon Se Zyaada
Nidar, Dileer or Ba-Himmat Hoo’n
Is K Ba-wajood
TUMHARI Mohabbat K Maamle Mai
Mera Dil…….!
Ik Sehme Howe Kamzor Or
Ghamzad Bache Ki Maanind Hai

Mohabbat Phir Mohabbat Hai
Kabhee Dil Se Nahi Jati...

Hazaron Rang Hain Is Kay..
Ajab He Dhang Hain Is Kay..

Kabhee Sehra , Kabhee Darya..
Kabhee Jugno , Kabhee Aansu..

Hazaroon Roop Rakhti Hai...
Badan Jhulsa Kay Jo Rakh Day..

Kabhee Wo Dhoop Rakhti Hai...
Kabhee Ban Kar Ye Ek Jugno...

Shab E Ghum Kay Andhairoon Main...
Diloon Ko Aas Daiti Hai...

Kabhee Manzil Kinaray Par...
Pyaasa Maar Daiti Hai..

Aziyyat He Aziyyat Hai...
Magar Yeh Bhee Haqiqat Hai...
Mohabbat Phir Mohabbat Hai...

Jab Chaand Sitarey Chamak Rahey Hoon
Jab Yaadon Ke Phool Mahek Rahey Hoon
Jab Deedar Ko Nain Taras Rahey Hoon
Jab Aankhon Say Aansou Baras Rahey Hoon

Meri Pagal Mohabbat Tumhein YAAD Aayegi

Jab Tanhai Se Dil Ghabraye Ga
Jab Tumhein Akela-Pan Satayega
Jab Koi Khuwab Hi Nahin Aayega
Jab Phool Kitaab Mein Hi Reh Jayega

Meri Pagal Mohabbat Tumhein YAAD Aayegi.

Jab Chaand Sitarey Chamak Rahey Hoon
Jab Yaadon Ke Phool Mahek Rahey Hoon
Jab Deedar Ko Nain Taras Rahey Hoon
Jab Aankhon Say Aansou Baras Rahey Hoon

Meri Pagal Mohabbat Tumhein YAAD Aayegi

Jab Tanhai Se Dil Ghabraye Ga
Jab Tumhein Akela-Pan Satayega
Jab Koi Khuwab Hi Nahin Aayega
Jab Phool Kitaab Mein Hi Reh Jayega

Meri Pagal Mohabbat Tumhein YAAD Aayegi.

Mohabbat Taaq E Dil Per
Jalne Waala
Wo Charaagh E Aakhir E Shub Hai
Ke Is Ki Lo'
Agar Madhum Bhi Pad Jaaye
To Andar Ka Ujaala
Kum Nahi Hota
Mohabbat Karne Waalon Ko Khabar Hai
Mohabbat, Waswason Aur Waahamon Ke Darmayaan
Kuch Din Yoonhi Be'khwaab O Be'khwaahish
Aseeri Kaat Sakti Hai
Hameisha Ke Liye Laikin
Ye Mehwar Se Nahi Hatti
Mohabbat Aisa Rasta Hai
Ke Jis Pe
Waapsi Mumkin Nahi Hoti

Muhabbat Jin Se Hoti Hai
Unhain Khone Ka Der Her Waqt DAMAN GEER Rahta Hai
Yaqeen Ki Akhri Manzil Pe Aa Kar Bhi
Koi Khadsha, Koi Shak, Koi Andesha
Buhat Bechain Rakhta Hai
Muhabbat Jin Se Hoti Hai
Unhain Khone Ka Dar Har Waqt DAMAN GEER Rahta Hai
Kahin Yeh Visaal Ke Lamhe
Badal Jayain Na Furqat Main
Kahin Ye Qurb Ki Gheriyan
Judai Main Na Dhal Jayain
Kahin Aisa Na Ho K Koi Usko Badgumaa Kar De
Kahin Aisa Na Ho K
Jis Ko Hum Ne Hasil-E-Umr-E-Rawan Samjha
Jhatak Kar Hath Wo Bedard Sab Kuch Raigaan Kar De
Kahin Aisa Na Ho K
Wo Meharbaan Ankhain Badal Jayen
Kahin Aisa Na Ho K
Ye Garamjoshi Sard Par Jaye
Tapaak-E-Jaa’n Se Milne Ki Rawish
Yakh Basta Ho Jaye
Ada’e Dilbarana Berukhi Ka Roop Dhare
Aur Dil Ka Dard Ban Jaye
Muhabbat Jin Se Hoti Hai
Unhain Khone Ka Dar Har Waqt DAMAN GEER Rahta Hai
Kabhi Mahfil Mai Sab Ke Samne Wo Ahtiyatan Bhi
Agar Nazrain Churaye Tou Dil Pe Thees Lagti Hai
Ansoo’n Ka Mena Barasta Hai
Kabhi Masrofiat Mai, Mahwiyat Main
Phone Ki Ghanti Ka Wo Notice Na Le
Aur Rabte Ka Silsila Moqoof Ho Jaye
Dharak Uthta Hai Dil
Kya Janiye Kya Ho Gaya Us Ko
Tawajja Main Kami Kyun Agai…?
Kyun Us Ki Janib Ik Sannata Sa Chaaya Hai….?
Jo Apna Is Qadar Apna Tha
Akhir Kyun Paraya Hai..?
Muhabbat Jin Se Hoti Hai
Unhain Khone Ka Dar Har Waqt DAMAN GEER Rahta Hai