Search

mat pooch mujh se dost marey
ku sham dhale in aankhon main
benam see ik udasee ki
ghanghoor ghatain rehtee hain

ku be khood ho ker is lamhe
dhlta hua sooraj takta hoon
aankhon main kisi ka aks liey
ku band kitabain takta hoon

mat pooch waqt hi aisa hay
mujhe dil peh zor nahi rehta hay
main lakh chupata hoon lakin
ashkoon ko rok nahi sakta

ik qarz chukane ki khatir
ye kuch lamhoon ki choree hay
bus yun hi samjh le YAAR marey
YE SHAM MERI KAMZOREE HAY

mere GHam kaa Hisaab mat keejo
vaqt apnaa KHaraab mat keejo

shikvah e iztiraab mat keejo
us ke ruKH ko gulaab mat keejo

maiN ne tujh ko chunaa hai, KHair hu`ee
tu miraa intiKHaab mat keejo

do hee din kaa faqat tamaashaa hai
kuchh GHuroor, ai shabaab! mat keejo

zindagee kis se fatH hotee hai?
i'tibaar e saraab mat keejo

jo miree chashm e tar meiN rehte haiN
un peh yaa rab! 'azaab mat keejo

mujh se tanhaa`ee meiN nimaT leejo
bazm meiN aab aab mat keejo

sharmsaaree see sharmsaaree hai
Hashr meiN tu Hisaab mat keejo

maiN bahot aas le ke aayaa huN
aaj ke din Hijaab mat keejo

kahiyo :Aamir: se "shaGHl she'roN kaa
ai taKHallus_ma`aab! mat keejo",

is umer k wadoon ko shumaar mat kerna
kisi ajnabi ko apne dil ka qarar mat kerna

is umer main khush fehmian acchi nahi hotein
is umer main tum kisi say payar mat kerna ,

Ab Agar Aao To Jaane ke Liye Mat Aana
Sirf Ahsaan Jataane ke Liye Mat Mana

Maine Palkon Pe Tamannaen Saja Rakhi Hain
Dil Par Umeed ki 100 Rasmen Jala Rakhi Hain
Ye Hanseen Shamen Bujhaane ke Liye Mat Aana

Pyar ki Aag Main Zanjeer Pighal Sakti Hai
Chahne Walon ki Takdeer Badal Sakti Hai
Hoon Bebas Ye Batane ke Liye Mat Aana

Mujhse Milne ki Agar Tumko Nahi Chahat koi,,
Tum Sirf Rasmen Nibhane ke Liye Mat Aana.,

Tumhein Udas Dekh Kar,
Kisi K Rang Kho Gaye,
Kahin pe Chand Bujh Gaya,
Kahin Sitaray So Gaye,

Kahin Pe Barishon Ki Rut,
Ghazab Ki Piyas Ban Gaye,
koi Bahar Ruth Kar,
Sarapa Aas Ban Gaye,

Kisi K Mousamon Ko Yun,
Azaab Mat Diya Karo,
Udas Mat Hua Karoo,
Udas Mat Kiyaaa Karooo.......!!!!,

kabhi naraaz mat hona
gilay chahay bohat karna
rulana aur bohat larna
suno naraaz mat hona
kabhi aisa jo ho jayae
keh teri yaad say ghaafil
kisi lamhay jo ho jaoon
bina daikhe teri soorat
kisi shab mein jo so jaoon
tou sapnoo mein chalay aana
mujahe ehsaas dِla jana
suno naraaz mat hona
kabhi aisa jo ho jayae
jinhein kehna zaroori ho
woh mujh say lafz kho jayen
anaa ko beech mat lana
meri aawaz ban jana
kabhi naraaz mat hona

Haal Mat Pooch Ishq Karny Ka..
Umar Jeenay Ki, Shoq Marny Ka.

Wo Mohabbat Ki Ahtiyat K Din..
Haaye Mosam Wo Khud Se Darny Ka..

Ab Usy Aayiny Se Nafrat Hai..
Kal Jisy Shoq Tha Sanwarny Ka.

Khud Kushi Ko Bhi Rayigan Na Samjh..
Kaam Ye Bhi Hai Kr Guzrny Ka..

Umar Bhar K Azaab Se Mushkil..
Ek Lamha Sawal Karny Ka..

Khoon Rona Bhi Ek Hunar Thehra..
Baanjh Mosam Mein Rang Bharny Ka..

Toot'ty Dil Ko Shoq Hai MOHSIN,,
Soorat-E-Barg-E-Gul Bikharnay Ka..,

Mat Tor Woh Taluk Jo Teri Zaat Se Hai,
Tu Khafa Meri Kis Baat Se Hai,

Tu Bhi Na Uljha Kar Mujhse Is Tarah,
Jo Tu Achi Tarah Wakif Mere Jazbat Se Hai,

Main Kaise Ji Lon Tumse Rooth Kar,
Meri Har Saans Wabasta Teri Yaad Se Hai,

Mera Taluk Jura Hai Kuch Is Tarah Tumse,
Jaise Insan Ka Rishta Khud Apnay Ap se Hai......!!!!