Search

Aaj roothay hue saajan ko bohat yaad kia
Apne ujRe hue gulshan ko bohat yaad kia

Jab kabhi gardish-e-taqdeer ne ghaira hai hamein
Gaisu-e-yaar ki uljhan ko bohat yaad kia

Jis k maathe pe naee subh ka jhoomar hoga
Ham ne us waqt ki dulhan ko bohat yaad kia

Aaj TooTe hue sapnoN ki bohat yaad aaee
Aaj beete hue saawan ko bohat yaad kia

Ham sar-e-tor bhi mayoos-e-tajali hi rahe
Us dar-e-yaar ki chilman ko bohat yaad kia

Mutmain ho hi gaye daam o qafas mein Saghar
Ham aseeroN ne nasheman ko bohat yaad kia...!

meri khamoshi ko woh meri khataa kehta hai

kitna nadaan hai wafaoon ko jafa kehta hai

woh ke anjaan e mohabbat hai usay kiya kahiye

dil ke rone ko wo dharkan ki sada kehta hai

mai usay kitna bhi chahoon per nahi us pe asar

meri diwaangi ko apna huner kehta hai

yaan to awaaz uthaane ki saza maut hi hai

tum bhi maano wohi jo hakim-e-waqt kehta hai

bus woh aaghaaz e mohabat ke chaand lamhe hain yaad

jin ko woh larakpan ki khataa kehta hai...!

Agar Tum Mujh ko Mil Jatay
bohat mumkin tha
mere paon se zeest k
kantay nikl jatay
bohat mumkin tha
meri raah k pathar pighal jatay
jo dewarain mere rastay mein
hayel theen
mere agay se hat jati
bohat mumkin tha
angaroon bhari es zindagani mein
tumharay paon k ujlay kanwal khiltay
rafaqat ki sunheri jheel mein
dono k aks zoofishan hiltay
bus ek khafa-e-musal sal ki fiza rehti
hmari rooh khoob hum
se khafa rehti
yeh subh kuch aeen mumkin tha
aggar tum mujh ko mil jatay...!

MUJH KO RUSWA SAR E MEHFIL

TO NA KERWAYA KARE

KAASH ANSOO MERI

ANKHON MAI HI REH

JAAYA KARE

AI HAWA MAINE TO BAS

USKA PATA POOCHHA THAA

AB KAHAANI TO NA

HAR BAAT KI BAN

JAAYA KAREY...!

Mere ishq ko na nidhal ker,
Kabhi Be hijab wasal ker,
Meri ankh ko benai de,
Mere qalab ko ujaal ker,
Mujhe dars de fana ka,
Mere ishq me bura haal ker,
Mujhe de saza koi sakhat si,
Mujhe es jahan me misal ker,
Meri asal sorat bigar de,
Kisi ishq bhatti me dal ker,
Mujhe bhi pila koi aesi shay…,
Kabhi meri ankhein bhi laal ker,
Wo jo es jahan me halal he,
Kabhi us jahan me halal ker,
Teri talab me hun Dar badr,
Kabhi es samat bhi khiyal ker....!

chaman mein jab bhi saba ko gulaab pochte hain
Tumhari ankh ka ehwaal,khwab pochte hain

Kahan kahan hoye roshan humare baad charagh
Sitaray deeda e tar se hisaab pochte hain

Woh tishna lab bhi ajub hain ju moj e sehra se
suraag e habs mizaaj e saraab pochte hain

Kahan basi hain woh yaadain,ujaarna hay jinhain?
Dilon ki baanjh zameen se azaab pochte hain

Baras pare teri ankhain tou yeh bhaid khula
Sawal khud se bhi apna jawab pochte hain

Hawa ki humsafari se ab aur kya hasil
Bus apne shaher ko khaana kharab pochte hain

Ju be nayaz hain khud apne husn se Mohsin
Kahan woh mujh se mera intikhab pochte hain...!