Search

har bezabaaN ko sholaa navaa kah liyaa karo
yaaro sukuut hii ko sadaa kah liyaa karo

Khud ko fareb do k na ho talKh zindagii
har sangdil ko jaan-e-vafaa keh liyaa karo

gar chaahate ho Khush rahen kuchh bandagaan-e-Khaas
jitne sanam hain un ko Khudaa keh liyaa karo

insaan kaa agar qad-o-qaamat na barh sake
tum is ko nuqs-e-aab-o-havaa keh liyaa karo

apne liye ab ek hii raah-e-nijaat hai
har zulm ko razaa-e-Khudaa keh liyaa karo

le de ke ab yahii hai nishaan-e-ziyaa "Qateel"
jab dil jale to us ko diya keh liyaa karo

Agar talash karo to mil hi jaye ga
Magar kon hamari tarha tum ko chahy ga
Tumhein zaroor koi chahtoon say dekhay ga
Magar woh ankhein hamari kahan say laye ga
Tumharay sath yeh mosam gulabon jaisa hai
Tumharay baad yeh mosam bohat rulaye ga.