Search

Kaha tha naa...!!
Meri khamoshi ko...
Tum koi maani nahi daina...
Judai ki sabhi baatein...
Meri ankhon main parh laina...
Meri es muskurahat main...
Agar mehsoos kar pao...
Tu...
Meray aansoon ki tum...
Nami mehsoos kar laina...
Kaheen jo reh gayi hai...
Woh kami mehsoos kar laina...
...
Meri sochein...
Meray alfaz ka jab roop laiti hain...
Tumhara aks banta hai...
Meri neendon main jab jab...
Ratjago kay deep jaltay hain...
Tumhara zikr chalta hai...
Tumhari yaad maazi kay dareechay khol daiti hai...
Tumhari shabnami aahat yeh mujh say bol daiti hai...
Kaha tha naa...!!
Hamaray darmiyan yeh faaslay...
Qismat main likhein hain...
Aur es qismat kay likhay ko...
Badal tum bhi nahi sakti...
Badal main bhi nahi sakta...
Magar...
Mushkil yehi hai...
Hijr kay pur paich raston par...
Sambhal tum bhi nahi sakti...
Sambhal main bhi nahi sakta...
Tou behtar hai kay...
Ham ek dosray ki yaad kay hamrah ho jayen...
Kay ab kay es mohabbat say...
Nikl tum bhi nahi sakti...
Nikl main bhi nahi sakta...
Suno Jaana...!!
...
Tumhari shabnami aahat...
Meray andar dharakte hai...
Magar...
...
Jab khamoshi say tum koi maani nahi laiti...
Tou yeh dil rooth jata hai...
Meray andar kaheen par kuch...
Achaanak toot Jata hai...!!

Us ne kaha ke ishq ka nasha uter gaya
main ne kaha ke husun bhee tum sey muker gaya

us ne kaha ke tujh ko dilani hain choriyan
main ne kaha ke ab wo zamana guzar gaya

us ne kaha ke kia hoa kajal kee dhaar see
main ne kaha ke ankh sey durya guzar gaya

us ne kaha ke ye tere chiryoun sey dostee
main ne kaha keh dil mera duniya sey bhur gaya

us ne kaha ke kia mila sub sey bigaar ke
main ne kaha ke waqt tu acha guzar gaya

us ne kaha ke khawab main anay ka waqt do
main ne kaha ke neend ka mausam guzar gaya

us ne kaha ke woh teray soraj ka kia bunna
main ne kaha ke woh meray dil main uter gaya

us ne kaha ke woh nahein dey ga tumhara sath
main ne kaha ke woh chalo wada tu ker gaya

akhir ko tung aa key kahee us ne itnee baat
woh tum kahan gayen wo zamana kidher gaya

US NAY KAHA MUJH SAY TUMHEN KITNA PYAR HAI

MEIN NAY KAHA SITARON KA BHI KOI SHUMAAR HAI

US NAY KAHA KON TUMHEN HAI BOHAT AZEEZ

MEIN NAY KAHA DIL PAY JISAY IKHTIYAR HAI

US NAY KAHA KON SA TOHFA HAI MANPASAND

MEIN NAY KAHA WO SHAM JO AB TAK UDHAAR HAI

US NAY KAHA KHIZAAN MEI MULAQAT KA JAWAZ

MEIN NAY KAHA QURB KA MATLAB BAHAAR HAI

US NAY KAHA SAINKRON GHAM ZINDAGI MEI HAIN

MEIN NAY KAHA KEH GHAM NHI JAB GHAMGUSAAR HAI

US NAY KAHA SATH KAB TAK NIBHAO GAY

MEIN NAY KAHA JITNI YEH SAANSON KI TAAR HAI

US NAY KAHA MUJH KO YAQEEN AAEY KIS TARAH

MEIN NAY KAHA KE NAAM MERA AITBAAR HAI

Kaha dil nay dharak kar, vasl ka lamha nazar aaye
jawaban aankh mein yaadon bharay aansu ubher aaye

kaha! jazbaat kyun alfaaz mein dhalnay say qaasir hain?
kaha! kuch rang qudrat kay, bayaan say balatar aaye

kaha! gham ki tapish to aankh ko bay noor ker de gi
kaha! qudrat Khuda ki, aankh mein paani utar aaye

kaha! tum beej dil mein pyar kay bo kar kahan gum ho?
zara daikho to palkon par, samar kitnay utar aaye

abhi to ik lehar maachli hai, bolo! darr gaye ho kyun?
barri baatein banatay thay, behar aaye, bhanwar aaye

kaho! kitnay ishaaray aur daikho gay to jaano gay
suno! rakht-e-safar bandho, najanay kab safar aaye

Kaha! main nay payamber der payamber sab sikha daala
jahannum bhi hai jannat bhi, idher aaye, udher aaye

kaha yeh dard ney ik baar phir ubhartay hoye
ke thora waqt to lagta hai zakhm bhartey hoye

phir is kinaarey pe lotounga kab KHUDA janey
mein sochta raha darya ko paar kartey hoye

hameiN yeh teri udaasi bhali nahiN lagti
sukoot e shab sey kaha jugnuoN ney dartey hoye

meiN bujh sa jata hooN manzar yeh jab bhi dekhta hooN
kisi nasheb mein ik saaye ko utartay hoye

meri ragoN meiN bhi utrey haiN kuchh khizaN mausam
mujhey bahaar ney dekha nahiN bikhertay hoye

meiN be niyaz hi guzra tha 'shaad' raahoN sey
uboor ho gayin kuch manzileiN guzartey hoye

kaha tha kis ne ke ahad-e-vafa karo us se
jo yuN kiya hai to phir kyuN gila karo us se

ye kya ke tum hi Gam-e-hijr ke fasane kaho
kabhi to us ke bahane suna karo us se

nasib phir koi taqreeb-e-qarb ho ke na ho
jo dil men hon vahi baten kiya karo us se

Faraz tark-e-taalluq to Khair kya hoga
yahi bahut hai ke kam kam mila karo us se

Tumhin Kis Nay Kaha Pagli
Mujhay Tum Yaad Aati Ho
Bohat Khush Fehm Ho Tum Bhi
Tumhari Khush Gumani Hai
Meeri Ankhon Ki Surkhi Main
Tumhari Yaad Ka Matlab???
Meray Shab Bhar Kay Jagnay Main
Tumharay Khwaab Ka Matlab???
Yah Ankhien To Hameesha Say Hi
Meri Surkh Rehti Hain
Tumhin Malom Hi Hoga
Is Shahar Ki Faza Kitni Aalooda Hai
Tu Yah Sozish,,Ussi Fizza Kay Bayes Hai
Tumhin Kis Nay Kaha Pagli
Kh Main Shab Bhar Nhin Sota
Mujhay Is Nokri Kay Sab Jhameelon Say
Kabhi Fursat Milay To Tab Hai Na
Meeri Baaton Main Larzish Hai???
Main Aksar Kho Sa Jata Hon??
Tumhin Kis Nay Kaha Pagli
Mohabbat Kay Ilawa Aur Bhi To Dard Hotay Hain
Fikr-E-Muaash,Sukh Ki Tlaash,
Aisay Aur Bhi Gham Hain
Aur Tum
Un Sab Ghamon Kay Baad Aati Ho
Tumhin Kis Nay Kaha Pagali
Mujhay Tum Yaad Aati Ho
Yah Dunya Walay Pagal Hain
Zara Si Baat Ko Yah To Afsaana Samjhtay Hain
Mujhay Ab Bhi Yah Pagal Tera Dewana Samjhtay Hain
Tumhin Kis Nay Kaha Pagli!!!
Magar Shyed!!!
Magar Shyed Main Jhoota Hon
Main Reza Reza ,Toota Hon

Yeh Sach Kaha Tumnay
Kh Yeh Achi Hai Mri Ghazlain
Likin Itna To Samjh Jao
Kh Koi Ye Kion Likhta Hai
Kabhi Khud Se Bhi Pocha Hai
Tumhay Ye Kio Pasand Ai
Is Mai Dard Jo Shaamil Hai
Tumharay Seenay Mai B Dafan Hai
Mat Bhago Haqeqat Se
Yahi Ik Raz Hai Jaanam
Jo Teray Dil Mai Chupa Hai
Mainay Ye Mehsos Kia Hai
Zara Tum Thehar To Jao
Yun Muskura Kio Rahay Ho
Chupana Chahtay Ho Mujhse
Tum Zindgi Apni
Suno Mai Phir Se Kehti Hoon
Mai Wo Shaks Hoon Janam
Jo Tumhain Bechain Ker De Ga
Tumhain Sonay Nahi Day Ga
Tum Majbor Ho Jao Ge
Mujhay Sochnay Per Yar
Mujse Milnay Ki Chahat To
Teray Dil Mai Hai Ab Jagi
Likin Yeh Bhi Tum Sun Lo
Hum Kabhi Mil Na Payen Gain..!!