Search

jo hum mehsoos kartay hain
agar tum tak pahonch jaye
tou bas itna samajh lena
yeh in jazbun ki khushbu hai
jinhein hum keh nahi saktay
magar tum jo ijazat dou
tou chand alfaaz mein keh daloon
keh tum bin ji nahi saktay
keh tum bin mar nahi saktay

Main yeh kis key naam likhoon Jo alam guzar rahay hain
Meray shehar jal rahay hain, Meray log mar rahay hain

Koi ghuncha ho kay gul ho, Koi shaakh ho shajar ho
Woh hawa-e-gulistan hain kay sabhi bikhar rahay hain

Kabhi rehmatain thein nazil is hi khitta-e-zameen par
Wohi khitta-e-zameen hai kay aazaab uttar rahay hain

Wohi taroun ke jhurmat jo hawa main jhooltay thay
Woh fiza ko tak rahay hain tu aah bhar rahay hain

Koi aur to nahin hai pas-e-khanjar aazmai
Ham hi qatal ho rahay hain Ham hi qatal ker rahay hain

jo khushi tumahray qareeb ho
woh sada tumhein naseeb ho
tujhay woh khuloos milay keh
jo teri zindagi peh muheet ho
jo khayaal dil mein aseer ho
aur dua mein bhi taseer ho
tujhay woh jahan milay
jidhar gamoon ka nah guzar ho
jidhar roshni ho khuloos ki
aur nafratoon ko khabar nah ho

NA GILA KIYA NA KHAFA HOWE
YUNHI RASTY MEIN JUDA HOWE
NA WOH BEWAFA NA MAIN BEWAFA
JO GUZAR GAYA SO GUZAR GAYA

WOH GHAZAL KI IK KITAB THA
WOH GULON MEIN IK GULAB THA
ZARA DAIR KA KOI KHWAB THA
JO GUZAR GAYA SO GUZAR GAYA

WOH UDAAS DHOOP SAIK KAR
KAHIN WADION MEIN UTAR GAYA
USY AB NA DY MERY DIL SADA
JO GUZAR GAYA SO GUZAR GAYA

YEH SAFAR BHI KITNA TAWEEL HAI
YAHAN WAQT KITNA QALEEL HAI
KAHAN LOUT KR KOI AAYE GA
JO GUZAR GAYA SO GUZAR GAYA

Khuli Jo Aankh To Wo Tha Na Wo Zamana Tha
Dehkti Aag Thi Tanhai Thi Fasana Tha

Ghamon Ne Bant Liya Mujhy Yun Aapas Men
K Jaisy Main Koi Loota Hua Khazana Tha

Ye Kia Chund Hi Qadmon Pr Thak K Baith Gaye
Tumhen To Sath Mera Door Tak Nibhana Tha

Mujhy Jo Mery Lahu Men Dubo K Guzra Hai
Wo Koi Ghair Nahi Yaar Ik Purana Tha

Khud Apny Hi Hath Se Us Ko Kaat Diya
K Jis Darakht Ki Tehni Pe Aashiyana Tha

Jo Ho sakey to Nawaz do!

Meri Subha Ko Nikhaar do!

Meri Sham Ko Sanwaar do!

Mery dukhon Ko Qarar do!

Ye Na Ho sakey to Yun Karo

Mujhey 5 Hazar udhaar do ;-)

Jo Shajar Sookh Gaya Hai Vo Hara Kaise Ho
Main Payamabar To Nahin Mera Kaha Kaise Ho

Dil Ke Har Zarre Pe Hai Naqsh Muhabbat Usaki
Noor Aankhon Ka Hai Aankhon Se Juda Kaise Ho

Jis Ko Jaana Hi Nahin Usko Khuda Kyun Maane
Aur Jise Jaan Chuke Hain, Vo Khuda Kaise Ho

Umr Saari To Andhere Mein Nahin Kat Sakati
Ham Agar Dil Na Jalaayen To Zia Kaise Ho

Jis Se Do Roz Bhi Khul Kar Na Mulaqaat Hui
Muddaton Baad Mile Bhi To Gilaa Kaise Ho

Kin Nigaahon Se Usey Dekh Raha Hun "Shehzad"
Mujh Ko Maaluum Nahin, Us Ko Pata Kaise Ho