Search

Mujhe Kaamil Yaqeen Hai Tum Meri Ho Jao Gi Ik Din
Tumhare Dil Main Utrain Gay, Muhabbat Ki Sada Ban Kar


Mere Josh-e-Junoon Par Saari Khalqat Mujh Ko Takti Hai
Zara Tum Bhi Nazar Dalo, Na Betho Youn Khuda Ban Kar


Tumhein Ye Raaz Batla Doon, K Aksar Chand Raaton Main
Tere Aangan MaiN Aata Hoon SitarOn Ki Zia Ban Kar


Jigar Ka Khoon Laya Hoon Tairay Singhar Ki Khaatir
Hatheli Per Racha Lena Ye Mehke Ga Heena Ban Ker

Kisi Rut Ka Koi Dukh Ho

Koi Sukh Ho

Humein Mehsoos Hota Hai

Yehi"Ehsas"Honay Ki Alamat Hai

Humari Zindagani Ki Alamat Hai

Tumhein Hairan Honay Ki Zaroorat Kya ?

Chalay Jao

Tumhein Kya Wasta is Se ?

k Hum Tanhayion Mein Kis Tarah Reh Kar

Guzar Aoqat Kartay Hain

Tumhein Ho Kion Garaz is Se ?

K Jeetay Hain k Martay Hain

Chalay Jao

Humaray Zakhm Bharnay k Nahi Hain In Dilasoon Se

Koi Dekhay To Kion Dekhay

K Kaisy Sabar Aata Hai

Humein Tareek Raaton Mein

Koi Dekhay To Kyu Dekhay

K Kaisy Mehv Rehtay Hain

Hum Apnay Sath, Baaton Mein

Chalay Jao

Humein Mehsoos Karnay Do

Humary Zakham Bharnay Do

Mere humraaz Aao To

Bhuja Do Roshniyan Saari

Ghubaar is Dil Ka Niklay Ga

Bohat Tareek Kamray Mein

Mujhay Ab Hichkiyaan Lete

Koi bhi Dekh Paye Kion ?

Mere Anjaam Pe Aakhir

"Wo Chehra" Muskuraye Kion ?

Chalay Jao

Humein To is Samey Ghar k

Dar-o-Deewar bhi Achay Nahi Lagtay

Chalay Jao !

Chalay Jao! ! !

Sarapa Ashk Hoon Main Ab Bikhar Jao Tu Behter Hay
Jidhar Jatay Hain Ye Baadal Udhar Jao Tu Behter Hay

Ye Dil Kehta Hay Teray Shaher Main Kuch Din Thehar Jao
Mager Halaat Kehtay Hain Keh Ghar Jao Tu Behter Hay

Dilon Main Faraq Aayen Gay Taluq Toot Jayen Gay
Jo Dekha, Jo Suna, Us Say Mukar Jao Tu Behter Hay

Yaha Hay Koun Mera Jo Mujhay Samjhaye Ga Faraz
Main Koshish Kar Kay Ab Khud Hi Sudhar Jao Tu Behter Hay

Chalay jo ho to bata k jao
Ke kitni shaamein udaas aankhon mein kaatni hein
Ke kitni subhain akelay pan mein guzaarni hein
Bata k jao Kh kitne sooraj azaab rastoon ko dekhna hai
Ke kitne mehtaab sard raatoon ki wusaton se nikaalne hein
Bata k jao kh chaand raatoon mein waqt kaise guzaarna hai
Khamosh lamhoon mein tujh ko kitna pukaarna hai
Bata k jao kh kitne lamhay shumaar karne hein hijr raton ke
Kh kitne mousam aik aik kar k judaiyon mein guzaarne hein
Bata k jao ke panchiyon ne akele pan ka sabab jo poocha
To kia kahoon ga???
Bata k jao ..main kis se tera gila karoon ga
Bichhar ke tujhse Habeeb..kis se mila karoon ga
Bata k jao kh aankh barsi to koUn moti chuna karay ga
Udaas lamhon mein dil ki dhadkan suna karay ga
Bata k jao kh mousamon ko payam dene hein ya nahin
Fallak ko, taron ko, jugnuon ko slaam dene hein ya nahin
Bata k jao kh kis peh hai aitebaar karna
To kis ki baaton pe be-niazi kay silsale ikhtiyaar karna
Bata k jao kh ab ravviyoon ki chaal kiya ho
Jawaab kiya ho, sawaal kiya ho
Arooj kiya ho, zawaal kiya ho
Nighah, rukhsaar, zulff, chehra ..nidhaal kiya ho
Bata k jao kh meri halat pe chandni khilkhila parri to

main kya karoon ga
Bata k jao kh meri soorat pe teergi muskara parri to
Main kiya karoon ga
Bata k jao kh tum ko kitna pukaarna hai
Bichhar k tujhse yeh waqt kaise guzaarna hai
Ujaarna hai? nikhaarna hai?
Chalay jo ho to bata kay jao
kh loutna bhi hai ya... ???????

bhool jao ke apne maazi mein rakha kya hai?
ye hi na!
do chaar mulaqaten
adhore shikwe
adhori baten
aur kuch udas shamen
chand tooti hoye umangen
phone ki berabt callen
aur kya hai apne maazi mein?
bhool jao.....,

Aj Mujh Se Lipat K So Jao,
Aj Kro Kuch Aisa Mujh Me Kho Jao

Apne Nazuk Se Malmal Se Jism Ki Khushbu Se,
Mere Badan Ko Mehka K So Jao

Musalsal Sans Se Sans Jor Do Jana,
Aj Mere Tan Se Apna Tan Mila K So Jao

Chand Si Chandni Me Taaro Ka Dikhao Jalwa,

Aj Mjhe Pyar Do Ya Pyar Kr K So Jao,

Aa Bhi Jao Ke MausaM Badalne Lage,
Aa Bhi Jao Ke Ye Dil Dhadakne Lage,

Aa Bhi Jao Ke Ab Chandni Dhalne Lagi,
Aa Bhi Jao Ke ShabnaM Bahekne Lagi,

Aa Bhi Jao Ke Shab-E-Firak Ab Hui TaMaaM,
Aa Bhi Jao Ke Dil Hua TuMhare NaaM

Aa Bhi Jao Ke Titliyan Raqs Karne Lagi,
Aa Bhi Jao Ke Saansein Machalne Lagi,

Aa Bhi Jao Ke TuM Yaad Aane Lage,
Aa Bhi Jao Ke Jazbat Phir Jazbaat Hai,

Aa Bhi Jao Ke Hathon Ko Hai ThaMna,
Aa Bhi Jao Ke Mere Ye Ehsaas Hai...,

Kaho kia bhool jao gay ?
MSN ki woh mulakatein
woh pyar bhari baatein
woh LOGIN hone ka intezar
woh intezar ki sa'atein

kaho kia bhool jao gay ?
woh farzi naam ka batana
HAHA likh ker jhoota kehkaha lagana
woh ASL poochne per
apni umer ko aur kam batana

kaho kia bhool jao gay ?
woh pyar bhari tehrirein
woh MSN ki EMOTICON tasveerein
woh NICK mein haal-e-dil likhna
woh NET ko taiz karne ki tadberain

kaho kia bhool jao gay ?
woh typing se ungliyon mein dard hona
kisi baat per ghussey se chehre ka zard hona
lafz sorry ka screen per aate hi
lehjey ka phir se sard hona

kaho kia bhool jao gay ?
woh jaagna rooz raaton mein
woh jhalakna pyar baaton mein
woh TYPE karte karte
leina MOUSE hathoon mein

kaho kia bhool jao gay ?
woh MSN per dosron ko ignore karna
her jumley per buhat ghour karna
woh dil per hath rakh ker BYE kehna
aur zara aur rukhne per zoor daina

kaho kia bhool jao gay ?
tumarhe LOGIN hotey hi
doston ka woh jhumghata lag jana
tum se baat karne ki khatir
sir dard ka woh jhoota bahana

kaho kia bhool jao gay ?
bewaja baaton per takraar karna
bar bar NETMEETING la israar karna
woh roman urdu mein ki gayeen baatein
pyar ka dabay lehjey mein izhar karna

kaho kia bhool jao gay ?
woh doston se tumhari ID chupana
kabhi FONT badalna kabhi gun gunana
dair se jawab aane per
BUSY hone ka ilzaam lagana

per lagta hai tum bhool gaye ...
MSN ke aanchal per likhi hoi kahani
per mujh ko yaad hai her ek lafz zabani
khuda ra na tum aisa sitam karo
na karo tum aisi naadani ...,

Iss Be'naam Se Rishte Ko Nibha Jao Kisi Din !!!!!!!
Jo Mil Jaye Kabhi Fursat To Paas Aa Jao Kisi Din,

Milta Hy Sabhi Kuch Sabhi Ko Ye Suna Hai .....
Mujh Ko To Faqat Tum Hi Mil Jao Kisi Din .....

Barson Se Ye Dil Mera Khali Hi Parha Hai ....
Tum Apne Naam Ki Takhti Hi Laga Jao Kisi Din ..

Barson Ki Muhabbat Ko Kis Tarha Bhulate Hain
Mujh Ko B Hunar Aisa Sikha Jao Kisi Din ..........

Muqadar Main Jo Likha Hy Na Mit Paye Ga.
Fursat Mile To Dil Ko Ye Samjha Jao Kisi Din ......