Search

Mei kisi aur ki hon itna bata ker roi
Woh mujhe mehandi lagay hath dikha ker roi

Mein Be-Kasoor hon Qudrat ka faisla hai yeh
Lipat k mujh se bas woh itna bata ker roi

Mujh peh aik qarb ka toofan hogaya haayal
Jab mere samne khat mere jala ker roi

Meri nafrat aur adawat pighal gai pal mei

Woh bewafa hai to kion mujhko rula ker roi

Sab shikwe aik pal mein beh gaye WASI
Jheel c aankhon mei jab aansu saja ker roi....

Mujhay bas itna kehna hai
Kabhi main yaad aaoon to
Kabhi tanhai ki raatain
Tumhain ziada sataein to
Kabhi titli na bolay to
Aur jugnoo lout jaye to
Kabhi jab dil bhi bhar jaye
Koi jab sunn na paye to
Agar sab dost sathi bhi
Jo tum se rooth jaaein to
Kabhi jab khud se lar lar kar
Thakan se choor ho jao
Kabhi chahtay huay bhi khud akelay
Ro na paao to
Apni aankhon ko band karna
Mujhay aawaz de dena
Aur phir meray tasawwur se
Jo chaho batain keh dena
Meray kaandhay pe sir rakh kar
Tum jitna chaho ro lena
Phir khud main jab loat jao to

Us he duniya chalay jana
Magar bas itna kehna hai
Ke jab bhi dukh ya khushiyon main
Hamain dil se pukaro gay
Hamain tum saath pao gay...,

Ya Rabb gham-e-hijran mein itna to kia hota
Jo haath jigr per hai wo dast-e-dua hota

Ek ishq ka gham aafat aur us pe ye dil aafat
Ya gham na dia hota ya dil na dia hota

Nakaam-e-tamanna dil is soch mein rehta hai
Youn hota to kya hota, youn hota to kya hota

Umeed to bandh jati taskeen to ho jati
Waada na wafa krte waada to kia hota

Gheiron se kaha tum ne, gheiron se suna tum ne
Kuch hum se kaha hota kuch hum se suna hota,

Chandni shab thi..
Hawa bhi sard thi…
Kuch bhi zehn mein nahi
Bus itna yaad hai…
Tumharay kaandhay per mera sar tha
Aur mere kaandhay per tumharay bazoo….!

Chandni shab thi..
Hawa bhi sard thi…
Kuch bhi zehn mein nahi
Bus itna yaad hai…
Tumharay kaandhay per mera sar tha
Aur mere kaandhay per tumharay bazoo….!

Itna toota hoon k choonay say bikhar jaaoonga,
Ab agar aur dua dogay to mar jaaoonga !

Pooch kar mera pata, waqt raegaa na karo,
Main to banjara hoon, kya jaanay kidhar jaaoonga !

Har taraf dhund hai, jugnu hai na charag koi,
Kaun pehchanayga, basti mein agar jaaoonga !

Zindagi, main bhi musaafir hoon teri kashti ka,
Tu jahan mujh say kahegi main utar jaaoonga !

Phool rah jayeengay guldaan mein yaadon ki nazar,
Main to khushboo hoon fizaon mein bikhar jaaoonga !

Itna toota hoon k choonay say bikhar jaaoonga,
Ab agar aur dua dogay to mar jaaonga !

Tadap raha hun itna kya bataun kitna
jaise ke manjdhaar ko koi saahil nahi mila

Aaya hun mai aage kitna ab pata chala
Dekha joo piche mud kar raahe nahi mila

masoom si muhabbat ka bas itna sa fasana hai
kagaz ki haweli hai barish ka zamana hai..

kya shart-e-muhabbat hai kya shart-e-zamana hai
awaz bhi zakhmi hai aur geet bhi gana hai

us paar utarne ki umeed bahot kam hai
kashti bhi puraani hai tufaan bhi aana hai..

samajhe wo ya na samajhe is andaaz-e-muhabbat ko
ek shakhs ko aankhon se ek shair sunana hai..

bholi si aada koi phir ishq ki zid par hai
phir aag ka dariya hai phir doob ke jana hai..