Search

....Aao fariG ho To tuM ko bhi leY chaluN
Adaalt-E-Ishq Mein.....

....Suna hai aJ mohabbat ko saza_E_moat honi hai....

suno! sahib e ishq se akelay me kehna,
ibn e aadam par haath zara halka rakhe!

#poetry

Teesri baat jhoot hoti hai, ishq hota hai ya nahee hota

Teesri baat jhoot hoti hai, ishq hota hai ya nahee hota

Har pal dhiyaan main basne wale log afsaane ho jaate hain
aankhain boorhi ho jaati hain, khuwab purane ho jaate hain

saari baat taaluq wali jazbon ki sachaayi tak hai
mayl diloun main aa jaaye to ghar weerane ho jaate hain

manzar manzar khil uth'ti hai perahan ki qous-e-qazah si
mausam tere hans parne se aur suhaane ho jaate hain

jhon'pariyon main har ik talkhi, paida hote mil jaati hai
isi liye to waqt se pehle, tifl siyaane ho jaate hain

mausam-e-ishq ki aahat se hi har ik cheez badal jati hai
raatain pagal kar deti hain, din deewane ho jaate hain

Kisi ka ishq kisi ka khayal thai ham bhi
gaye dino mai bohot ba-kamal thai ham bhi

hamari khauj mai rehti thee'n titliya'n aksar
k apnay sheher ka husn o jamal thai ham bhi

zamee'n ki gaud mai sar rakh k so gaye aakhir
tumharay ishq mai kitnay nidhal thai ham bhi

zaroorato'n ne hamara zameer chaat liya
wagar na qaail e rizq o halal thai ham bhi

ham aks aks bikhartay rahay isi dhunn mai
k zindagi mai kabhi la-zawal thai ham bhi