Search

Ye Hum Jo Apna Badan Khaak Mein Mila Rahy Hen
Hum Apny Bujhty Chiraaghon Ka Gham Mana Rahy Hen

Hum Apny Ahd K Wo Mutmain Munaafiq Hen
Jo Apny Ap Ko Tarteeb Se Ganwa Rahy Hen

Hawa-E-Asr Koi Taaziyat To Kar Hum Se
Hum Apny Mulk Mein Hijrat Ka Dukh Utha Rahy Hen

Ye Badtareen Siyaahi Bhi Apny Bakht Mein Thi
K Ghar Jala Rahy Hain Aur Muskra Rahy Hen

Hum Na Samjhe Teri Nazron Ka Taqaza Kia Hai
Kabhi Jalwa Kabhi Parda Ye Tamasha Kia Hai

Mujh Ko Madhosh Sa Kr Rakha Hai Teri Aankhon Ne
Werna Saaqi Tere Maikhaane Main Rakha Kia Hai

Dekh Le Laila Tere Majnu Ka Kaleja Kia Hai
Khaak Main Mil K B Kehta Hai Bigra Kia Hai

Ye Suraahi Sa Badan Le Ker Maire Saamne Na Aa
Main Sharabi Hoon Sharabi Ka Bharosa Kia Hai

Apne Honton Ko Maire Honton Se Chonay Na De
Ek Do Ghoont Se Botal Ka Bigarta Kia Hai ,

hmm tairay shehar mein aaye hain musafir ki tarah
sirf aik baar mulaqaat ka mouqa day day

meri manzil he kahan mera thikana he kahan
subah tak tujh say bicher kar mujahe jana he kahan
sochnay kay liye ik raat ka mouqa day day

apni aankhon mein chhupa rakhay hin jugno mein nay
apni palkon peh saja rakhay hain ansoo mein nay
meri aankhon ko bhi barsaat ka mouqa day day

aaj ki raat mera drdِ muhabbat sun lay
kapkapatay hoye honton ki shikayat sun lay
aaj izhaar khayalat ka mouqa day day

bhoolna tha tou yeh iqraar kya hi kiyon tha
bay wafa tou nay mujahe pyar kya hi kiyon tha
sirf dou chaar sawalaat ka mouqa day day

hmm tairay shehar mein aaye hain musafir ki tarah
sirf aِk baar mulaqaat ka mouqa day day

teri yaadion ki mehak saath liye aksar hum
dour khawabon kay jazeery mein utar jatay hain
" kiyon keh hum tum " !
sirf khawabon he mein mil saktay hain
mein nay socha hai keh
iss baar tumahray hamrah iss jagah utroon gi
aur woh baat jo mein keh nahi payi tum say
samnay tum ko baitha kar bari himmat kar kay
tum say keh duun gi
tum say keh duun gi keh tum sirf mairay ho
tum jo chaho
mairay yak tarfa muhabbat ko sahara day dou
zindagi you juta tou bohat kam hai muhabbat kay liye
jitna bhi pyar day sako sara day dou
apni duniya tou sada pyar say khaali he rahi
tum meri doobti kashti ko sahara day dou
kuch tou boulo
kuch tou boulo meri jaan
mujahe dar hai keh sehar hotay he
tum chalay jao gay
aur hum phir say
apni duniya mein lout aieen gayien
yeh he yaden yeh he baten tou asasa hain mera
bas yeh he chand khayalat liye
teri yaadion ki mehak saath liye
aksar hum
dour khawabon kay jazeery mein utar jatay hain

Hum Aftaab Se Dhaltay Hain Kuch Khaber Hai Tumhain
Khud Apni Agg Mai Jaltay Hain Kuch Khaber Hai Tumhain

Jo Sang Tout Na Paye Jahan Ki Kosish Se
Humaray Ghum Mai Pighaltay Hain Kuch Khaber Hai Tumhain

Tabahiyoon Pay Humari Jo Kal Tak Khush Thay
Sunna Hai Hath Wo Maltay Hain Kuch Khaber Hai Tumhain

Tumhari Raah Mai Ankhain Bichaa Rahay Thay Kabhi
Jo Ajj Raah Badaltay Hain Kuch Khaber Hai Tumhain

Bulandiyoon Pay Na Dhoondho Kay Johar-e-Nayaab
Zamee'n Ki Goud Mai Paltay Hain Kuch Khaber Hai Tumhain

Zamaana Jaisay Behalta Hai Meri Jaan Hum Se Bhi
Usi Terha Se Behaltay Hain Kuch Khaber Hai Tumhain

Hum Aabb-e-Saaim Ki Manind Sari Raat Adeel
Bina Tumharay Machaltay Hain Kuch Khaber Hai Tumhain

Hum Bhi Kitney Dewaaney Nikley

Diye Say Andehra Mitaney Nikley

Gham-e-Dil Pe Hamare Jo Hasa Kartey Hain

Hum Unko Hi Haal-e-Dil Sunaney Nikley

Kaaghzi Phoolon Par Aati Nahi Bahaarain

Ye Jaan Kar Bhi Gulshan Sajaney Nikley

Dunia Me Bikti Hain Jhooti Kahaniyan

Sachey Afsaney Sab Hum Jalaney Nikley

Log Behtay Hain Bhar Ke Muthi Me Namak

Janey Kia Soch Kar Hum Zakham Dikhaney Nikley

Tere' maqtal ki aabroo hum the'
Qatl ke' waqt baa wazoo hum the'

Ye' nadii ab kise' bulaati hai?
Pahle' to is ki justajoo hum the'

Apni basti ko yaad hai ke' nahin
Us ki galiyon ki hao hoo hum the'

Apne' kaam aa gaii wo mahroomi
Pyaas ke' din kinaar-e-joo hum the'

Apne' kuch khwaab yaad aane' lage'
Raat maazi ke' roo ba'roo hum the'

Hum Apnay Ap Pe Hi Zahir, Kabhi Dil Ka Haal Nahi Kartay,
Chup Rehtay Hain, Dukh Sehtay Hain, Koi Ranj-o-Malal Nahi Kartay,

Hum Jo Kuch Hain, Jaise Hain, Waise Hi Dikhayi Detay Hain,
Chehre Pe Bhabhoot Nahi Maltay, Kabhi Kalay Baal Nahi Kartay,

Hum Haar Gaye Tum Jeet Gaye, Hum Ne Khoya Tum Ne Paya,
In Jhooti Sachi Baaton Ka, Hum Koi Khayal Nahi Kartay,

Tere Deewanay Ho Jatay Hain, Kahin Sahraon Mein Kho Jatay Hain,
Deewar-o-Dar Mein Qaid Humein Agar Ahal-o-Ayaal Nahi Kartay,

Teri Marzi Par Hum Raazi Hain, Jo Tu Chahay Woh Hum Chahein,
Hum Hijr Ki Fiker Nahi Kartay, Hum Zikar-e-Wisaal Nahi Kartay,

Humein Tere Siwa Is Duniyan Mein, Kissi Aur Se Kya Lena Dena,
Hum Sab Ko Jawab Nahi Detay, Hum Se Sawal Nahi Kartay,

Ghazalon Mein Humari Bolta Hai, Wohi kaanon Mein Ras Gholta Hai,
Wahi Band Kivaarh Kholta Hai, Hum Koi Kamal Nahi Kartay.......!!!!!

Jab Dastaan Hum Kaheingy, Karenge Tera Ziker Bhi HUm,
Magar Na Fiker Kar Tu, Lengay Na Tera Naam Tak hum,

Suntay Rahay sab Kay Dil Ki Dastaan Hum,
Keh Na Sakay Apna Haal-e-Dil Hum,

Apnay Sabhi Ajnabi Lagay, Jo Kanhi Raah Mein Milay,
Abhi Ghar Se Chalay Thay DO Hi kadam Hum,

Kyun Waqt Be-Rukhi Se Kata, Jab Baat har Kissi Se Ki,
Rehtay Hain Khob Khush Jab Milta Hain Khud Se Hum,

Shehron mein Toh Har Kissi Ki Kahani Hai Ek Si,
Nayi Zindagi Jeenay Chalay Gaaon Ki Taraf Hum,

Zindagi Ek Din Mein Simat Gayi Aise,
Suraj K samnay Jaltay Rahay Ban K Deep Hum.....!!!!