Search

Es karri dhoop mein jalty hue paaon ki tarha
Tu kisi or k aangan mein hai chaon ki tarha

Tu to waqif hai mere jazbon ki sachaai se
Phir kion khaamosh hai pather k khudaon ki tarha

Main to khusbu ki tarha saath raha hun tere
Tu bhatakta raha be chain hawaon ki tarha

Wo jo barbad hue thay wohi badnam hue hein
Tu to masoom raha apni adaaon ki tarha

Gham to ye hai k humein koi khushi raas nahi
Zindagi kaat rahy hein hum sazaon ki tarha

Ujrre Hue Logon Say Gorezan Na Howa Kar
Halaat Ki Qabron Kay Yeh Kutbay Bhi Parha Kar

Har Waqt Ka Hansna Tujhay Barbaad Na Karday
Tanhaaee Kay Lamhoon Mein Kabhi Ro Bhi Liya Kar

Ae Dil Tujhay Dushman Ki Bhi Pehchan Kahan Hai
Tou Halqa-E-Yaran Mein Bhi Mohtaat Raha Kar

Kya Janye Kiyon Taiz Hawa Soch Mein Gum Hai
Khwabedaa Parindon Ko Darakhton Say Ura Kar

Uss Shakhs Kay Tum Say Bhi Marasim Hain Tou Hongay
Woh Jhoot Na Bolay Ga Marey Samnay Aakar

Pehla Sa Kahan Ab Meree Raftaar Ka Aalam
Ae Gardish Dauraa Zara Tham Tham Kay Chala Kar

Ik Rooh Ki Faryaad Nay Chonka Diya Mujhkoo
Tou Ab Tou Mujahe Jisam Kay Zandan Say Raha Kar

Ab Thokrain Khaye Ga Kahan A Gham Ahbaab
Mein Nay Tou Kaha Tha Keh Marey Dil Mein Raha Qr

Iss Shab Kay Muqaddar Mein Sehar He Nahi Mohsin
Dekha Hai Kayi Baar Chraghon Ko Bhuja Qr

Har Ek Harf-E-Aarzu Ko Dastan Kiye Hue
Zamana Ho Gaya Hai Un Ko Mehmaan Kiye Hue

Surur-E-Aish Talkhi-E-Hayat Ne Bhula Diya
Dil-E-Hazin Hai Bekasi Ko Hijr-E-Jan Kiye Hue

Kali Kali Ko Gulistan Kiye Hue Vo Ayenge
Vo Ayenge Kali Kali Ko Gulistan Kiye Hue

Sukun-E-Dil Ki Rahaton Ko Un Se Mang Loon
Sukun-E-Dil Ki Rahaton Ko Bekaran Kiye Hue

Vo Ayenge To Ayenge Junun-E-Shauq Ubhaarne
Vo Jayenge To Jayenge Tabahiyan Kiye Hue

Main Un Ki Bhi Nigah Se Chhupa Ke Un Ko Dekh Loon
K Un Se Bhi Hai Aj Rashk Bad-Guman Kiye Hue

woh huay meharban dushman par
phatt parrey aasman dushman par
jaan iss bay wafa ko hum nay di
jis ki jati hai jaan dushman par
apni pehchan ko qiyamat mein
kijiyej kuch nishaan dushman par
bohat achi hai aap ki talwar
kijiyej imtihaan dushman par
log kehtay hain kya ؟ suno tou sahi
jhuk para ik jahan dushman par
kis ki mehfil mein yeh hui izzat
kya barasti hai shaan dushman par
tum nay bhi kuch suna ؟ keh hai charcha
ghash hai ik nojawan dushman par
ab barasne lagey woh hum par bhi
khil gayi hai zabaan dushman par ؟
daagh tum dil ko dost samjhay ho
dosti ka gumaan dushman par ؟

Apney Uljhey Huwey Din Raat Bhi Suljha Na Sakey
Itney Be-Faiz Hain Khud Apney Hi Kaam Aa Na Sakey

Saaya-E-Zeest Ko Dhaltey Huwey Daikha Lekin
Taptey Sehra Pay Koi Naqsh-E-Khushi Paa Na Sakey

Dil Bhi Machla Tha Nigahein Bhi Palat Jaati Theen
Unn Ki Dehleez Pay Lekin Ye Qadam Jaa Na Sakey

Dil Ki Taskheer Hi Darasal Fatah Mandi Hai
Unn Ko Paa Kar Bhi Magar Hum Unhein Apna Na Sakey

Daastan Kehney Ki Kuch Waqt Ne Mohlat Hi Na Di
Lab Kusha Ho Na Sakey Dil Unhein Dikhla Na Sakey

Khilti Kaliyon Ke Tabasum Ki Haqeeqat Kya Hai
Bikhrey Phoolon Say Jo Poocha To Woh Samjha Na Sakey ….!

Ek nanhi si masoom chidiya mili thi mujhe chehekte hue
aankhein shayad uski thaki nahi thi mohabbat karte hue,

puchha maine teri shokh palken hai kis dard ke bojh tale
kyon simat rahi hai teri awaz teri dhadkanein sisakte hue,

yehi daal thi jab dekha tha tera aashiyaana maine pehle
kahan gaya wo gharonda tere piya ki khushbu se mehekte hue,

ye sunke ek thaka hua sa aansu jhalak aaya uski aankhon mein
khaak mein mil gaya wo uske chehre par aawara safar karte hue,

kaha usne ke maine mohabbaton se paala tha is shaakh ki har dali ko
aaj usi shaakh ne fanaa kiya mere armaano ko jo rahe bilaktey hue,

kaha usne ke dekh mere pankh jo bharte the udaan mere piya ke sath
aaj wohi pankh hai zakhmi kuch parwaazon se zakhmi rotey hue,

kaha usne, ke mohabbato ne ye hashr kiya hai mere haalaaton ka
ke har saans meri reh gayi ehsaanon ki numayish bante hue.