Search

Usay Kehna
Mukamal Kuch Nahi Hota

Milna Bhi Na Mukamal Hai
Judai Bhi Adhoori Hai
Yahan Aik Mot Poori Hai

Usay kehna

Udasi Jab Ragon Main
Khoon Ki Manind Utarti Hai
Bohat Nuqsan Karti Hai

Usay Kehna

Bisat-E-Ishq Main Jab Mot Hoti Hai
Dukhon K Sheher Main Jab Raat Hoti Hai

Mukamal Bas
KHUDA Ki Zaat Hoti Hai.

Kabhi chaho gay to chahat se bulain gy tumhein
dard-e-dill hota hai kya ye dikhain gay tumhein

mohabbat hoti hai kya mohabbat kar k dekh laina
phir mere pass aana kuch or bataain gy tumhien

kabhi na aain ankh mein aanso to aisa karna
ek shaam mere pass aana bohat rulain gay tumhein

har pal raho gay bechain mohabbat mein
khayal ban kar pal pal satain gay tumhein

pochtay ho jo zinda rahne ka sabab
chalo kisi roz zindagi se milwain gay tumhein

Jab Naraz Hoti Ho

Meri Jaan Tum Kabhi Mujh Say




Main Hansna Bhool Jata Hoon

Mujhay Aansoo Nahi Aatay





Mager !!!





Aankhon Kay Gooshon Main Nami Mehsoos Hoti Hay ,

Mujhay Har Cheez Main Jana Kami Mehsoos Hoti Hay !!!

Labon pe uss ke kabhi bad-dua nahee hoti
bass ik maa hai jo kabhi khafa nahee hoti

Ager Wo meherban hoti
to maire ankh main
Na jhilmilati nami hoti
na maire dil ki wadi main
Khizan ka Qafla rukta
Ager wo meherban hoti
Maire benoor Ankhoon main
sitaray Qaid ker deti
Mare Zakhmi hatheli per
wo ik phool dher deti
mare hathoon ko apnay hath main le ker
Wo yeah kehti …
muhabbat roshni hai , rang hai
Khushboo hai sitara hai
Qasam mujhko muhabbat ki
Mujhe tu Sab se payara hai
Mager
Aisa wo tab kehti
Ager wo meherban hoti

Muhabbat jin se hoti hai

Unhain khone ka dar har waqt DAMAN GEER rahta hai

Yaqeen ki akhri manzil pe akar bhi

Koi khadsha, koi shak, koi andesha

Buhat bechaen rakhta hai

Muhabbat jin se hoti hai

Unhain khone ka dar har waqt DAMAN GEER rahta hai



Kahin ye visal ke lamhe

Badal jayain na furqat mai

Kahin ye qurb ki ghariyan

Judai main na dhal jayain

Kahin aisa na ho k koi usko badgumaa kar de

Kahin aisa na ho k

Jis ko hum ne hasil-e-umr-e-rawa samjha

Jhatak kar hath wo bedard sab kuch raiga kar de

Kahin aisa na ho k

Wo meharbaan ankhain badal jayain

Kahin aisa na ho k

Ye garamjoshi sard par jaye

Tapaak-e-jaan se milne ki rawish

Yakh basta ho jaye

Ada-e-Dilbarana berukhi ka roop dhaaray

Aur dil ka dard ban jaye

Muhabbat jin se hoti hai

Unhain khone ka dar har waqt DAMAN GEER rahta hai

Kabhi mahfil mai sab ke samne wo ahtiyatan bhi

Agar nazrain churaye tou dil pe choot lagti hai

Ansooun ka mina barasta hai

Kabhi masrofiat mai, mahwiyat mai

Phone ki ghanti ka wo notice na le

Aur rabte ka silsila moqoof ho jaye

Dharak uthta hai dil

Kya janiye kya ho gaya us ko

Tawajja mai kami kyun agai…?

Kyun us ki janib ik sannata sa chaaya hai….?

Jo apna is qadar apna tha

Akhir kyun paraya hai..?

Muhabbat jin se hoti hai

Unhain khone ka dar har waqt DAMAN GEER rahta hai

Din Guzarte Hain Kahan Raat Kahan Hoti Hai
Dard K Maaron Se Yeh Baat Kahan Hoti Hai

Ek Se Chehre To Hote Hein Is Duniya Main
Ek Si Sorat-E-Haalaat Kahan Hoti Hai

Zindagi K Wo Kissi Mor Pe Jab Mil Hi Gaye
Mil To Jaate Hain Mulakaat Kahan Hoti Hai

Aasmano Se Koi Boond Nahi Barse Gi
Jalte Sehraao Main Barsaat Kahan Hoti Hai

Yoon To Auron Ki Bohat Baatein Sunaai Unn Ko
Apni Jo Baat Hai Woh Baat Kahan Hoti Hai

Jaisi Agaaz-E-Mohabbat Main Hua Karti Thi
Waisi Phir Shidat-E-Jazbaat Kahan Hoti Hai

Pyar Ki Aag Bana Deti Hai Kundan Jin Ko
Un K Zehno Main Bhala Zaat Kahan Hoti Hai

Din Guzarte Hain Kahan Raat Kahan Hoti Hai
Dard K Maaron Se Yeh Baat Kahan Hoti Hai

Ek Se Chehre To Hote Hein Is Duniya Main
Ek Si Sorat-E-Haalaat Kahan Hoti Hai

Zindagi K Wo Kissi Mor Pe Jab Mil Hi Gaye
Mil To Jaate Hain Mulakaat Kahan Hoti Hai

Aasmano Se Koi Boond Nahi Barse Gi
Jalte Sehraao Main Barsaat Kahan Hoti Hai

Yoon To Auron Ki Bohat Baatein Sunaai Unn Ko
Apni Jo Baat Hai Woh Baat Kahan Hoti Hai

Jaisi Agaaz-E-Mohabbat Main Hua Karti Thi
Waisi Phir Shidat-E-Jazbaat Kahan Hoti Hai

Pyar Ki Aag Bana Deti Hai Kundan Jin Ko
Un K Zehno Main Bhala Zaat Kahan Hoti Hai