Search

Toote hue dilon ki Duaa mere saath hai,
Duniya teri taraf hai Khuda mere saath hai.

Awaaz ghungro ki Nahin hai to kya hua
Saagar ke tootne ki Sadaa mere saath hai

Tanhai kisko kehte hain Mujhko pata nahin
Kya jaane kis hasin ki Duaa mere saath hai

Paimana saamne hai to Kuch ghum nahin Nizaam
Ab dard-e-dil ki koi Dava mere saath hai

Duniya teri taraf hai Khuda mere saath hai
Toote hue dilon ki Duaa mere saath hai....!

Tu Aaina Hai Mujhko Tera Khayal Rakhna Hai
Kahin Tu Toot Na Jaiy Tujhay Sambhal Rakhna Hai

Harr Ek Masley Ka Teray Hal Nikaal Rakhna Hai
Zahanat Se Apni Tujhay Hairat Main Daal Rakhna Hai

Gar Jo Kabhi Tu Tark-e-Talluq Ki Baat Karay
Rok Kar Tujhay Kal Taal Rakhna Hai

Teray Dard Ko Chun Lena Hai Palkon Se Apni
Teray Waastey Khud Ko Nidhaal Rakhna Hai

Nahi Doobnay Dena Tujhay Dukh Ke Darya Main
Teray Wajood Ki Naaow Ko Uchaal Rakhna Hai

Balaaon Ko Teri Duaaon Se Rook Loon Apni
Teray Chaar Soo Apnay Hathon Ki Dhaal Rakhna Hai

Sunaoon Aisi Dhunn Kay Na Ho Tujhko Kabhi Talab
Apni Hansi Mein Woh Munfarid Kamaal Rakhna Hai

Na Ho Jaye Kabhi Tujhko Meray Ro Baru Nadamat
Teray Samnay Hamesha Aasan Sawal Rakhna Hai

Bichar Ke Mujhse Na Jaye Tu Dunya Ki Thokaron Main
Tujhko Apnay Paas Rakh Kar Lazawaal Rakhna Hai

Kho Na Jaye Tu Zindagi Ke Andhairon Main Kahin
Teray Waastay Ujaaloon Ko Ghulam Rakhna Hai

Raha Muntazir Uska Tu Dhoop Main Ahl-e-WAFA
Woh Jab Lautay Tou Chaoon Ko Nikaal Rakhna Ha

Tu Aaina Hai Mujhko Tera Khayal Rakhna Hai
Kahin Tu Toot Na Jaiy Tujhay Sambhal Rakhna Hai

Dil ke labon pe ek dua rehti hai,

Har ghari muje aap ki parwah rehti hai,

Khuda har sukh zindagi ka karay atta app ko

Har dua mei meri ye ilteja rehti hai.

Salam kia hal hai me thek hun Mujhe apko ye btaty howy b0hat khushi aur fakhar mehsoos ho raha hy k Allah k fazal o karam aur waldein ki duaon aur ap jese azeem dosto ki muhabat or hosla afzai ki badolat aaj mera

KHARBOOZA

Meetha nikla hy
Shukria.

Kya chaal hai tumhaari, jaise chalti hai koi cat
What is your ICQ number, aao karein hum chat

Dosti Dil Hai Dimag Nahin,
Dosti Soch Hain Aawaj Nahi,
Koi Ankhon Se Nahi Dekh Sakta Dosti Ke Jajbo Ko,
Kyunki Dosti Ehsaas Hai Andaz Nahin'

Yun lagta hai usne mujhe kuch yun dua di hai
Jese kanton main Khuda ne pholon ko panah di hai

Yun aawaz di thi usne bichartay waqt mujhe
Sehra main jese kisi musafir ne sada di hai

Dekh kar qismat ko yun lagta hai ab mujhe
Muqadar ne jese kahin bewaja saza di hai

Ghalat hai agr dunya main kisi ko chahna yaron
To zindagi main hum ne bohat bari khata ki hai

Loutna mumkin nahi ab yahan se kabhi
K kisi ki khatir main ne apni hasti bhula di hai...!

Ruki hue hai abhi tak bahaar ankhon main
Shab-e-wisaal ka jese khumaar ankhon main

Mita sake gi isse gard-e-mah-o-saal kahan
Khinchi hue hai jo tasweer-e-yaar ankhon main

Bus ik shab ki musafat thi or ab tak hai
Mah-o-najoom ka saara ghubaar ankhon main

Hazaar sahib raksh saba mizaaj aaye
Basa hua hai wohi sehsawar ankhon main

Wo aik tha pe es ko jab tahe talwaar
To bat gaya wohi chehra hazaar ankhon main...!

ek hunar hai jo kar gayaa huuN maiN
sab ke dil se utar gayaa huuN maiN

kaise apnii haNsii ko zabt karuuN
sun rahaa huuN ke ghar gayaa huuN maiN

kya batao ke mar nahi paata
jitay ji jab se mar gayaa huuN maiN

ab hai bus apna samna darpesh
har kisii se guzar gayaa huuN maiN

ajab ilzaam huuN zamaane kaa
ke yahaaN sab ke sar gayaa huuN maiN

kabhii Khud tak pahunch nahiiN paayaa
jab ke vahan umr bhar gayaa huuN maiN

tum se jaanaaN milaa huuN jis din say
Khud se darr gayaa huuN maiN

kuu e jaanaaN meN sog barpaa hai
ke achaanak, sudhar gayaa huuN maiN...!