Search

hai aur kya jisay dekhien teray jamaal key bad
tamam umr katti intezar mein apnii
koii bhi dukh na milla phir teray malal key bad
jawaab mil gya mujhey teri khamoshi sey
tumharey lafz kyoun khoye meray sawaal key bad
tumharey meray taaluq pey youn khizaan chaye
kabhi urooj nahi hai jisay zawaal key bad
main teri yaad key chehray ko dhaanp doon lekin
bachay ga kya meri jholi mein es kamaal key bad
wo ab kii baar milla es qadar takaluf sey
k kuch bhii na pooch paya main us sey haal key bad...!

shareek-e-Gham Hua Jo Mere Chot Khanay K Bad
Kho Diya Maine Usko Panay K Bad

Mujhe Naaz Raha Faqat Us Amal Par Sada
Usne Mujhe Apna Maana Azmanay K Bad

Suna Hai Tarap Raha Hai Woh Meri Wafa K Liye
Shayad Pachta Raha Hai Mujhe Thukranay K Bad

Aaj Yun Sar-e-Rah usay Nazar Ja Mili MOHSIN
Woh Ro Diya Mujhse Nazar Milanay K Bad

Kis Kis KO Doon Yeh Ilzaam Bewafai Ka
Har Koi Chor Gaya Mujhe Apnanay K Bad...!

TU NAY DEKHA HAI KABHI EK NAZAR SHAAM KAY BAD
KITNAY CHUP CHAAP SAY LAGTAY HAIN SHAJAR SHAAM KAY BAD

ITNAY CHUP CHAAP KAY RASTAY BHI RAHAIN GAY LA ILM
CHOR JAIN GAY KISI ROZ NAGAR SHAAM KAY BAD

MAI NAY AISAY HI GUNAAH TERI JUDAAI MAI KIYE
JAISE TOOFAAN MAI KOI CHOR DE GHAR SHAAM KAY BAD

SHAAM SAY PEHLAY WO MAST APNI URANOON MAI RAHA
JIS KAY HAATH MAI THAY TOOTAY HUWAY PAR SHAAM KAY BAD

RAAT BEETI TAU GINNAY AABLAY AUR SOCHA
KAUN THA BAES AGHAAZ-E-SAFAR SHAAM KAY BAD

TU HAI SOORAJ,TUJHAY MALOUM KAHAN RAAT KA DUKH
TU KISI ROZ MERAY GHAR MAI UTTAR SHAAM KAY BAD....!

aaj barson kay bad dekha hai,

ab bhi aankhon ka rang gehra hai,

aur mathay ki sanwali si lakeer,

dil main kitnay diye jalati hai,

teri qaamat kay saaye ki khushboo,

guftgo main bahaar ka mausam,

be sabab aitbaar ka mausam,

kyun mujhay saaray dhang yaad rahay,

kitni hairaan ho gayi khud per,

main tujhay aaj tak nahiin bhooli,

pichlay mousam ki yaad baaqi hai.....

es DIL Nay Teray Bad Mohabbat Bhi Nahi Ki
Hadd Ye Keh Dharaknay Ki Jasarat Bhi Nahi Ki

Tabeer Ka Aizaaz Howa Hay Usay Hasil
Jis Nay Meray Khowabon Main Sharakat Bhi Nahi Ki

Ulfat Tu Bari Baat Hay Hum Say Tu Sar -e- Shehar
Logon Nay Kabhi Dhang Say Nafrat Bhi Nahi Ki

Aadab -e- Safar Ab Wo Sikhetay Hain Jinho Nay
Do Chaar Qadam Tay Ye Musafat Bhi Nahi Ki

Kia Apni Safai Main Bayaan Detay Ke Hum Nay
Na Karda Gunahoon Ki Wazahat Bhi Nahi Ki

Khamosh Tamashai Kay Manind Sar -e- Bazam
So Zakham Sahay Dil Pay, Shikayat Bhi Nahi Ki

Us Ghar Kay Sab Hi Log Mujhay Chornay Aaye
Dehleez Talak Us Nay Ye Zehmat Bhi Nahi Ki

Us Nay Bhi Ghulamon Ki Safoon Main Humay Rakha
es DIL Pay Kabhi Jis Nay Hakomat Bhi Nahi Ki