Search

Mere hum safar mere hum nasheen
Me ne Rab se manga to kuch nahi
Me ne jab bhi mangi koi duaa
Nahi manga kuch bhi Tere Siwa
Ye talab kia ke mere Khuda!
Sabhi rahatain
Sabhi chahtein
Wo attaa kare tujhe manzilen
Ye talab kia k mere Khuda!
Tujhe bakht de
Tujhe taaj de
Tujhe takht de
Mere hum safar
Mere chara gar
Ye hai dosti ka kathin safar
Mere sath chalna zara soch kar
Zara dekh to mera hosla
Mere paas jo bhi wo hai tera
Nahi Or Kuch Bhi taire Siwa
Meri dosti
Meri zindagi
Meri khamoshi
Meri be basi
Mera ilm bhi
Mera naam bhi
K meri subah
Meri shaam bhi
Ke jo mil sakein mere daam bhi
Wo sabhi kuch tujhe attaa kare
Mere chara gar tu yakin to kar
Mujhe mangna to na aa saka
Me ne phir bhi mangi yehi dua
Ke gawahi de ga mera Khuda
Me ne jab bhi us se talab kia
Nahi manga kuch bhi Tere Siwa...!

Dil Ki Taak Pe Diye Jalane Aaon Ga
Mein Tum Ko Kuch Yaad Dilane Aaon Ga

Mere Dard Ko Tum Bhi Na Seh Pao Gey
Apne Aansoo Tumhein Rulane Aaon Ga

Shouq Bohat Tha Jin Galiyon Mein Basane Ka
Wahin Pe Ik Din Khaak Urane Aaon Ga

Mere Tum Se Kesay Kesay Rishte Hain
Tum Ko Ik Baar Or Batane Aaon Ga

Bujh Bhi Jaein Gi Yeh Sansein Phir Bhi Mein
Roz Tumhare Naaz Uthane Aaon Ga

Jeetnay Doon Ga Tumhein Her Baazi Aur
Apni Haar Ka Jashan Manane Aaon Ga...!

Meri aankhon mein umand aya hai dariya dil ka
Phir kaheen toot gya ho na kinaara dil ka

Bas mohabbat se rivayat hai kahaani dil ki
Chaar harfon se ibaarat hai fasaana dil ka

Saans rukti hai to phir jaan ka khayaal aata hai
Dil dharakta hai to lag jaata hai dharka dil ka

Isi koshish mein bohat umar ganwaa di maine
Phir bhi poora na hoa mujh se khasaara dil ka

Meri payaab tamanain batati hain mujhay
Sookh jay ga kuch roz me dariyaa dil ka

Badli badli si sadaa deti hai dharkan dil ki
Hijr mein or hi ho jaata hai lehjaa dil ka

Kiyoon na ay dost abhi tark a mohabbat kar lein
es se pehlay ke badal jay iraada dil ka

Fikr-e-duniya mein mere dil ko bhulanay walay
Teri duniya se zyada hai asaasa dil ka

Ishq kaattay ga abhi or chahtain SAGHAR
Aqal dekhay gi abhi or tamaasha dil ka...!

Tasveer Teri Dil Mera Behla Na Sakegi
Ye Teri Tarah Mujhse To SharMa Na Sakegi

Main Baat Karunga To Ye KhaMosh Rahegi
Sine Se Laga Lunga To Ye Kuch Na Kahegi
ArMaan Wo Kya Degi Jo Tadpa Na Sakegi

Ye Ankhein Hain Thehri Hui Chanchal Wo Nigahein
Ye Haath Hein SehMe Hai Aur Mast Wo Baahein
Parchhayi To Insaan Ke KaaM Aa Na Sakegi

In Honthon Ko Main Kuch De Na Sakoonga
Is Zulf Ko Main Haath Mein Bhi Le Na Sakoonga
Uljhi Hui Raton Ko Ye Suljha Na Sakegi...!

Yeh Dil Yeh Pagal Dil Mera kion bujh gaya awargi
Is dasht mein ik shehar tha wo kia huwa awargi

Kal shab mujhe Be shakal see awaz ne chonka diya
Mein ne kaha tu kon hai us ne kaha awargi

ik tu ke sadiyoon se mere humrah bhi humraaz bhi
Ik mein ke tere naam se na Ashna Awargi

Yeah durd ki tanhaiyan yeah dasht ka weeran safar
Hum log to ukta gay apni suna awargi

Ik ajnabi jhonkay ne jab poocha mere ghum ka sabab
Sehra ki tapti rait per mein ne likha awargi

Kal raat tanha chaand ko dekha tha mein ne Khawab mein
Mohsin Mujhe raas aye gi shayad sada awargi...!

chupaye dil mein gamon ka jahan baithey hain
tumhari bazm mein hum bezuban baithey hain

yeh aur bat k manzil pe ham pohanch na sakey
magar yeh kam hai k raahon ko chhaan baithey hain

ab aur gardish-e-taqdir kya sataye gi
luta k ishq mein naam-o-nishan baithey hain

hai maikadon ki baharon se dosti Saghar
baraye had e yaqin o guman baithey hain...!

khud apney dil main khowishain utaarna hongi
abhi to jaag k raatain guzaarna hon gi

terey liye mujhe hans hans k bolna hoga
merey liye tuje zulafain sanwarna hongi

teri sada se tujhi ko tarashna hoga
hava ki chaap se shakalain ubhaarna hongi

abhi to teri tabyat ko jeetnay k liye
dil o nigah ki shartain bhi haarna hongi

terey vasal ki khowishon k tez rangon se
terey firaaq ki subhain nikhaarna hongi

yeh shairy yeh kitabain yeh ayatain dil ki
nishaniyan yeh sabhi tujh pe vaarna hongi...!

khud apney dil main khowishain utaarna hongi
abhi to jaag k raatain guzaarna hon gi

terey liye mujhe hans hans k bolna hoga
merey liye tuje zulafain sanwarna hongi

teri sada se tujhi ko tarashna hoga
hava ki chaap se shakalain ubhaarna hongi

abhi to teri tabyat ko jeetnay k liye
dil o nigah ki shartain bhi haarna hongi

terey vasal ki khowishon k tez rangon se
terey firaaq ki subhain nikhaarna hongi

yeh shairy yeh kitabain yeh ayatain dil ki
nishaniyan yeh sabhi tujh pe vaarna hongi...!