Search

Koi mousam bhi hum ko raas nahin
woh nahin hay tou kuch bhi paas nahin

aik muddat say dil k paas hay woh
aik muddat say dil udas nahin

jub say daikha hay shaam aankhon mein
tub say meray qaim hawaas nahin

meray lehjay mein us ki khushbo hay
us ki baaton mein meri baas nahin

Jitna Shaffaf hay tera aanchal
Utna ujla mera libaas nahin

samnay meray aik darya hay
hont sokhay hain phir bhi pyas nahin

jis ko chaha hay dil-o-jan say saqi
janay woh kion nazar shinaas nahin

Zindagi main to sab hi pyaar kiya karty hain
Main to mar kar bhi meri jaan tujhe chahon ga
Tu mila hay to yeh ahesas huwa hay muj ko
Yeh meri umar mohabbat k liye thori hay
Ik zara sa gam_ e_ doraan ka bhi haq hay jis par
Main ne woh saans bhi tere liye rakh chori hay
Tuj pe ho jaoun ga qurban tujhe chahon ga
Main to mar kar bhi meri jaan tujhe chahon ga
Apne jazbbat main nagmaat rachane k liye
Main ne dharkan ki tara dil main basaya hay tujhe
Main tasawar bhi judayi ka bhala kaise karon
Main ne kismat ki lakiron se churaya hay tujhe
Pyaar ka ban k nagebaan tujhe chahon ga
Main to mar kar bhi meri jaaan tujhe chahon ga
Teri har chaap se jalty hain khiyaloon main charag
Jab bhi tu aye jagata huwa jadou aye
Tuj ko choo loun to phir ae jaan tumana muj ko
Deer tak apne badan se teri khushbo aaye
Tu baharoon ka hay unwan tujhe chahon ga
Main to mar kar bhi meri jaan tujhe chahon ga