Search

Rastoun Pe Kub Talak Rangoun Ke Paiker Deekhte
Roo Baroo Ho Ker Kabhi Apna Bhi Manzer Deekhte

Tum Ne Deekha Hai Faqt Bahir Se Dewaroun Ka Rang
Dil Pe Kiya Guzri, Pas-e-dewar Aa Ker Deekhte

Ankh Ke Shabnam To Barse Badloun Ke Os Main
Kitna Gehra Hai Dil-o-jaan Ka Samander Deekhte

Kheench Lein Khud Hi Lakeerein Hum Ne Apne Hathoun Per
Kis Ko Fursat Thi Ke Hathoun Ka Muqader Deekhte

Dil Ke Bahar To Wohi Berangi Ka Sheher Hai
Apne Ander Ke Kharabe Mein Uter Ker Deekhte

Chaar So Apne He Logoun Ke Hawa Mein Haath The
Kon Si Janib Se Aya Kis Ka Phathar Deekhte

Zard Patoun Ki Tarhaan Kub Se Hawa Ki Zad Pe Hein
Ik Zara Andhi Jo Thamti, Tujh Ko Mur Ker Deekhte.,

Kis Darja Haseen Tha Mere Mahool ka Gham Bhi..!!
Main Bhool Gaya Aap ka Andaaz-e-Sitam Bhi....!!

Ek Lamha Toa Dum Leney Dhe Aaghoosh-e-Sukoon Main..!
Aae Gardish-e-Haalat Kisi Moorr per Thamm Bhi….!!

Palkoon peh Sajaye Howey Zakhmoon k Nagenay...!!
Guzrain Gey Kisi Rooz Tere Sheher Sey Hum Bhi…….!!

Kyun Dard ki Qandeel Jalaye koi Dil Main……..?
Halaat ki Talkhi Toa Ziada Bhi... Hai kam Bhi……!!

Manzar Toa Zara Dekhe'ye Ruswayi-e-Fan ka…..!!
Bikney Lagey BaZaar Main Arbab-e-Qalam Bhi……!!

Kuch Dair Toa Phoota Hai Lahoo Meri Jabeen Sey..!!
Kuch Dair Toa Chamkey Gaa Tera Sang-e-Haram Bhi………!!

Ek Umar Jisey Zehen Ney Pooja Hai Beher Toar….!!
Mohsin Wo Sitam-kush Khuda Bhi Hai Sanam Bhi…!!,

Paani Aankh Main Bhar Kar Laya Ja Sakta Hai
Ab Bhi Jalta Shehr Bachaya Ja Sakta Hai

Aik Mohabbat Aor Wo Bhi Nakaam Mohabbat
Lekin Is Se Kaam Chalaya Ja Sakta Hai

Dil Par Pani Peenay Aati Hain Ummeedain
Is Chashmay Main Zehr Milaya Ja Sakta Hai

Mujh Gumnaam Se Poochtay Hain Farhaad-O-Majnoon
Ishq Main Kitna Naam Kamaya Ja Sakta Hai

Ye Mahtaab Ye Raat Ki Paishaani Ka Ghao
Aisa Zakhm To Dil Par Khaya Ja Sakta Hai

Phata Purana Khwab Hai Mera Phir Bhi Tabish
Ismain Apna Aap Chupaya Ja Sakta Hai
,

Uss Nay Jab Bhi Mujhy Dil Say Pukara Mohsin,
Main Nay Tab Tab Ya Bataya K Tumhara Mohsin,

Log Sadiyon Ki Khataon Pay Bhi Khush Baste Hain,
Hum Ko Lamhon Ki Wafaon Nay Ujarra Mohsin,

Ho Gaya Jab Ya Yaqeen Ab Wo Nahin Aye Ga,
Aanson Aur Gham Nay Diya Dil Ko Sahara Mohsin,

Woh Tha Jab Pass To Jeenay Ko Bhi Dil Karta Tha,
Ab Tu Pal Bhar Bhi Nahi Hota Guzara Mohsin,

Uss Ko Pana Tou Muqadar Ki Lakeeron Mein Nahin,
Uss Ka Khona Bhi Karen Kaisay Gavara Mohsin…….,

Na Tuje Chor Saktay hain Tere ho bhi nhi saktay,
Ye Kesi Bebasi hy Ham ro bhi nhi saktay,

Ye Kesa Dard Hy Hmein Pal Pal Tarpaey Rakhta Hy,
Teri Yaad Aati Hy To Phr So Bhi Nhi Saktay,

Chupa Saktay Hain Na Dikha Saktay Hen Logon Ko,
Kuch Aesay Daagh Hain Dil Per Ham Dho Bhi Nhi Saktay.

Kaha To Tha Chor Deingay Ye Nagar Phr Ruk Gaey Lakin,
Tumhein Paa To Nhi Saktay Lakin Kho Bhi Nhi Saktay.

Hmara Aik Hona Bhi Nhi Mumkin Raha Ab To,
Jein Kesay Keh Tum Se Door Reh Bhi Nhi Saktay.,

Muhabbaton Mein Kuch Aise BHi Haal Hotay Hain
Khafa Hon Jinse Un Hi K Khayal Hotay Hain,

Machaltay Rehtay Hain Zehnon Mein Waswason Ki Tarah
Haseen Log Bhi Jaan K Wabaal Hotay Hain,

Main Dil Ka Zakham Chupaon Teri Tarah Kaise
K Tere Paas Toh Lafzon K Jaal Hotay Hain,

Bas Aik Tu HI Sabab Toh Nahi Udasi Ka
Tarah Tarah K Dilon Ko Malal Hotay Hain,

Siyaah Raat Mein Jaltay Hain Jugnuon Ki Tarah
Dilon K Zakham Bhi Kitnay Kamaal Hotay Hain,

Yeh tajarubaa bhi karon yeh bhi ker dikhlaon main
K khud ko yaad rakhon us ko bhool jaaon main

Faraib-e-kaar mein kuchh to hai koi baat to hai
K jaan boojh k itne faraib khaon main

Woh pal kahaan hain ju duniyaa se jorta tha mujhe
Jo paon tujh ko to sab ke qareeb aaon main

Kabhi to ho mere ehasaas-kam-tarii mein kami
Kabhi to ho ki use khul ke paaon main

Wo shakhs hai ki naseem-e-sahar kaa jhonka hai
Bikhar hi jaon ju us ko gale lagaaon main

Azaan ke baad duaa ko jo haath uthaye woh
"Imam" apni namaazein bhi bhool jaon main,

Dushman bhi pesh aaye hain dildar ki tarah
Nafrat milee hai unsey mujhe pyaar ki tarah

Kaise milengey chahne waley bataiye
Duniya kharhi hai raah mein deewar ki tarah

Woh bewafai kar ke bhi sharminda na huwe
Sooli pe hum charhhe hain gunahgar ki tarah

Toofan mein mujh ko chorh kar woh laug chal diye
Sahil pe they jo sath mein patwaar ki tarah

Chehre pe hadson ne likheen woh ibaratein
Parhta hai har koi mujhe akhbar ki tarah

Dushman bhi ho gaye hain maseeha sifat JAMAL
Milte hain toot kar woh galey yaar ki tarah,