Search

Hua hai haal yeh barish ki meherbaani se
Zameen k zakham haray ho gaye hain paani se

Dhale hain ashak shab e ghum bari rawani se
charagh ham ne jalaye hain iskey paani se

Na kaam aayi meri jurrat e lab-e-izhaar
Woh badgumaan hi hua aur khushbayani se

Main chahta hun tumhara bharam rahe qayam
Nikaal do mere kirdaar ko kahani se

Mujhe bhi chehra shinasi ka agaya hai hunar
Mila kamaal ye dushman ki meherbani se

Kisi se kuch na kaha aur keh diya sab kuch
Zuban ka kaam liya maine be zubaani se

Abhi zameen se nahi rabta mera AIJAAZ
Guzar raha hoon abhi daur-e-asmaani se

Hijr k mosam main yeh barish ka barasna kesa,
Aik sehra sey samandar ka guzarna kesa?,

Aey mere dil na pareshan ho, tanha ho kar,
Woh terey sath chala kab tha, bicharna kesa?,

Log kehtey hain gulshan ki tabahi dekho,
Main to veeran sa jangal tha, ujarna kesa?,

Dekhney main to koi dard nahin, dukh bhi nahin,
Phir yeh aankhon main youn ashkon ka ubharna kesa?,

Be-wafa kehney ki jurrat bhi na karna us ko,
Us ney iqrar kiya kab tha, mukarna kesa?....

BARISH KI YEA PEHLI BOONDAIN
KESA JADO KARTI HAIN
DIL SAY KHOON KAY QATRAY LAY KAR
MERI AANKHIN BHARTI HAIN
BARISH KAY IS DEEBACHAY SAY
KITNAY MANZER KHILTAY HAIN
KHWAAB SA AALAM, LAHJA MADHAM,
AANKHIN NUM NUM,BHEEGA MOUSAM,
PEHLI BARISH ,PEHLI KHWAHISH,
PEHLA JAZBA,PEHLA WAADA,
PEHLI KUSHBOO, PEHLA AANSOO
CHUP CHUP REHNA
SOOCH MAIN PERNA
JO BHI KAHNA TISHNA KAHNA
TOTA FIQRA , AADHA JUMLA
JALTI SANSAIN, THANDI AAHAIN
BOJHAL PULKAIN, SAAHIR AANKHIN
DHANI JORA,SABZ DOPATTA
LAMBE GAISU , QATIL KHUSHBOO
AIK PEHER MAIN ٫
AIK JUG BEETA
DONOO KAY DIL ZOOR SAY DHARKAY
BIJLI CHAMKI ,BADAL GARJA
DER KAY MUJH SAY LIPAT GAYEE TUM
MAIN NAY TUM KO ZOOR SAY THAMA
WASL KI IS PEHLI BARISH MAIN
KIA KUCH KHOYA, KIA KUCH PA YA
BARISH KI YEA PEHLI BOONDAIN
KESA JADU KARTI HAIN
DIL SAY KHOON SAY QATRAY LAY KAR
MERI AANKHIN BHARTI HAIN
BARISH KAY IS DEEBACHAY SAY
KITNAY MANZAR KHILTAY HAIN

barish hui tou phoolon kay tan chaak hogaye
mousam kay hath bheeg kay safaaq hogaye

badal ko kya khabar hai keh barish ki chah mein
kaisay buland o baala shajar khaak hogaye

jugno ko din kay waqt parkhnay ki zid karien
bachay hamaray ehad kay chalaak hogaye

lehra rahi hai barf ki chadar hata kay ghaas
sooraj ki sheh peh tinkey bhi bebak hogaye

bastii mein jitnay aabb guzida thay sab kay sab
darya kay rukh bdalty he tairaak hogaye

sooraj dimagh log bhi Ablaagh fikar mein
Zulf-e-shab-e-firaaz kay pechak hogaye

jab bhi Ghareeb-e-shehar say kuch guftagu hui
lehjay hawaye shaam kay nmnak hogaye

Aj Phir Mujhko Uski Yaad Dila Di Barish Ne,
Dil Mein Jo Bhool Ki Aag Thi Bujha Di Barish Ne,

Main Tanha Thi Apne Ghar Mein Zamanay Se Bekhabar,
Magar Mere Ghar Ki Dewar Gira Di Barish Ne,

Uskau Zikar Se Hogai Aankhein Num,
Magar Doston Mein Yeh Sari Baat Chupa Di Barish Ne,

Suna Hai Woh Bhi Roya Hai Aaj Buhat,
Lagta Hai Unko Meri Yaad Dila Di Barish Ne,

Woh Bewefa Hai Toh Phir Kya Hua,
Aaj Mere Sath RO Kar Wafa Nibha Di Barish Ne...!!!,

Aj Bhi Barish khoob Hui
Aur Baadal Toot k Barsa tha
Galiyan koochy jal thal thay
Per soach ka sehra piyasa tha
Band
Darwazon k sheeshoon per
Jb boondain dastak deti thien
Ehsaas hua ....
Tum aaye ho
Andaaz tmharay jaisa tha!!!

Hua Hai Haal yeh Barish Ki Mehrbhani Se,
Zameen K Zakham Haray Hogaye Hain pani Se,

Dhalay Hain Ashak Shab-e-Gham Bari Rawani Se,
Abhi Charagh Jalaye Hain Humne Pani Se,

Na Kaam Ayi Meri Jurrat-e-Lab-e-Izhar,
Woh Badgumaan Hi Hua Aur Khushbayani Se,

Main Chahta Hun Tumara Bharam Rahay Qayim,
Nikaal Do Mere Kirdaar Ko Kahani Se,

Mujhe Bhi Chehra Shinasi Ka Agaya Hai Hunar,
Mila Kamaal Yeh Dushman Ki Mehrbhani Se,

Kissi Se Kuch Na Kaha Aur Kehdiya Sab Kuch,
Zubaan Ka Kaam Liya Maine Be-Zubani Se,

Abhi Zameen Se Nahi Rabta Mera "AIJAAZ",
Guzar Raha Hun Abhi Dor-e-Asmaani Se......!!!!

Barish me hum thy aur ghani ho rahi thi sham

Tm ne liya tha kanptay hountoon se mera nam

Main ne kaha tha aoo yunhi bheegty chalain

In rastoon main dair tak ghoomtay rahin

Meri kamar main yah hath phoolon sa daal kr

kandhe pe mery yunhi rakhy raho apna sar

Hathoun ko main kabhi! Kabhi baloun ko chum loun

Daikho meri traf tu ankhoon ko chum loun

Pani k yah jo phol hain ruksaar pe khilay hoy

In main Dhanak k rang hain sary ghulay hoy

Hontoon se in ko chuntay rahen khush dilly k sath

Yunhi kisi darakht k neechay kharay rahen

Barish k dair baad Bhi liptay kharay rahen

Nasha sa charooun oorh phelta geya

Pher us k baad main ne tumain kuch nahi kaha!

AAJ HALKI HALKI BARISH HAI

AUR SARD HAWA KA RAKS BHI HAI..

AAJ PHOOL BHI NIKHRE NIKHRE HAIN

AUR UN MEIN TERA AKS BHI HAI..

AAJ BAaDAL KaALeY GEHRY HAIN

AUR CHAaND PER LAKHON PEHRaY HAIN..

KUCH TUKRaY TUMHARI YADOON KE

BARI DAIR SE DIL MEIN TEHREY HAIN..

AAJ YADEIN ULJHI ULJHI HAIN

AUR AB TAK YE NA SULJHI HAIN..

AAJ YAAD BOHAT TUM AATEY HO

SUCH.. MUJHE YAAD BOHAT TUM AATEY HO