Search

Na Koi Rang Na Hathoon Pay Hina Meray Baad
Wo Mukammal He Siya Posh Howa Meray Baad

Le Kay Jata Raha Her Shaam Wo Phool Or Chiragh
Bus Yehi Us Ne Kia, Jitna Jia Meray Baad

Roz Ja Kar Wo Samander Kay Kinaray Chup Chaap
Nao Kaghaz Ki Bahata He Raha Meray Baad

Us Kay Hontoon Se Mera Naam Nikl Jata Tha
Jis Ne Apnaya Usay Choar Dia Meray Baad

Mai Ne Girnay Na Deye Thay Kabhi Ansoo Us Kay
Shaid es Wastay Wo Roo Na Saka Meray Baad

Mai Bhi Waisa Na Raha Us Kay Bicher Janay Se
Koi Us Ko Bhi Na Pehchaan Saka Meray Baad

Sari Dunya Ne Usay Maal-e-Ghanimat Samjha
Jo Na Socha Tha Kabhi Wo Bhi Howa Meray Baad

Us Ka Hansna Mujhay Bhata Tha So Wo Shaks Adeem
Baal Khulay Howay Hansta He Raha Meray Baad

BOHAT DINON BAAD,
MEIN NAY SOCHA TO YAAD AAYA,
Ke MERAY ANDER KI RAAKH KAY DHAIR PAR ABHI TAK,
TERAY ZAMAANAY LIKHAY HUAY HAIN,
SABHI FASANAY LIKHAY HUAY HAIN

Is Dil Ne Tere Baad Mohabbat Bhi Nahi Ki
Had ye k Dharakne Ki Jasarat Bhi Nahi Ki

Tabeer Ka Ayzaaz Hua Hai Ussey Haasil
Jis ne Mere Khuabon Mein Sharakat Bhi Nahi Ki

Ulfat To Bari Baat Hai Humse To Sar-e-Shehar
Logon Ne Kabhi Dhang se Nafrat Bhi Nahi Ki

Aadaab-e-Safar Ab Wo Sikhate Hain Jinhon Ne
Do Chaar Qadam Tay, Yeh Musaafat Bhi Nahi Ki

Kya Apni Safai Mein Bayaan Dete K Humne
Na Karda Gunaah ki Wazaahat Bhi Nahi Ki

Khaamosh Tamashayi Ki Maanind Sar-e-Bazm
So Zakham Sahay Dil Pe , Shikayat Bhi Nahi Ki

is Ghar K Sabhi Log Mujhey Chorney Aaye
Dehleez Talak Uss Ne Yeh Zehmat Bhi Nahi Ki

Ussne Bhi Ghulamoon Ki Safoon Mein Humein Rakha
is Dil Pe Kabhi Jis Ne Hakoomat Bhi Nahi Ki

Guzray Huay Taweel Zamanay Kay Baad Bhi
Dil Main Raha Woh Choar Kay Janay Kay Baad Bhi

Pehlu Main Reh Kay Dil Nay Dia Hai Bohat Faraib
Rakha Hai Us Ko Yaad Bhulanay Kay Baad Bhi

Qurbat Kay Baad Aur Bhi Qurbat Ki Talash
Dil Mutmain Nahin Hai Teray Aanay Kay Baad Bhi

Go Tu Yahan Nahin Hai Mager Tu Yahen Pe Hai
Tera Hi Zikar Hai Teray Janay Kay Baad Bhi

Lagta Hai Kuch Kaha Hi Nahin Hai Ussay Adeem
Dil Ka Tamam Haal Sunanay Kay Baad Bhi

Aansu Bhar Aaye Aankh Main Har Ik Hansi Ke Baad
Gham Ban Gaya Naseeb Mera Har Khushi Ke Baad

Nikla Tha Kaarwaan Mohabat Ki Rah Main
Har Morh Peh Nafrat Khari Thi Har Gali Ke Baad

Socha Tha Piyar Ka Main Sajaoun Ga Gulsitaan
Har Phool Jal Gaya Mera, Bankar Kali Ke Baad

Chahat Ki Bebasi Ka Ye Qissa Hay Muktasar
Dil Ne Sakoon Na Paya Kabhi Dil Lagi Ke Baad

Ab Raakh He Samait Ta Hoon Aashiyane Ki
Khud Hi Jala Diya Tha Jisey Aajazi Ke Baad

Suntey Hain Baad Marne Ke Milta Hai Sab Sila
Dekhain Ge Kia Milega Humain Zindagi Ke Baad

zindagi ko na bana lain woh saza mere baad
hosla dena unhain mere Khudaa mere baad

haath uThate hue un ke na koi daikhe gaa
kis ke aane kii karain ge vo duaa mere baad

kaun ghooNghaT ko uThaaye gaa sitamgar keh kar
aur phir kis se karain ge vo haya mere baad

phir zamaane main muhabbat ki na pursish ho gi

roye gi siskiyaaN le le ke vafaa mere baad

Woh jo kehta tha ke 'Nasir' ke liye jiitaa hon
Uss ka kya jaaniye kya haal hua mere baad

zindagi ko na bana lain woh saza mere baad
hosla dena unhain mere Khudaa mere baad

haath uThate hue un ke na koi dekhega
kis ke aane kii karain ge vo duaa mere baad

kaun ghonghat ko uthaye ga sitamgar keh kar
aur phir kis se karain ge vo haya mere baad

phir zamaane main muhabbat ki na pursish ho gi
royegi siskiyaaN le le ke vafaa mere baad

Woh jo kehta tha ke 'Nasir' ke liye jiitaa hon
Uss ka kya jaaniye kya haal hua mere baad ,

Bohat he muddat kay baad jab
Kitab-e-Mazi ko mainay khola
Bohat say cheray nazar main utray
Bohat say namoun pay dil paseeja
Aik aisa safa bhee is main aya
Likha houa tha jo ansoouon say
Kay jis ka unwan "HUM SAFAR" tha
Jo safa sab say he moutabir tha
Kuch or ansoo phir is pay tapkay
Phir iss say agay main par na paya
Kitab-e-Mazi ko band kar kay
Thumari yadoun main kho gaya main
Agar tou milta tou kaisa hota
Inhee khayaloun main soo gaya main..,