Search

ishq mein behta hai jo darya ba darya, kon hai
ham bhi dekhein, dard k sehara mein aisa kon hai

aik lamha hi guzar jaaye kaheen tairay baghair
dil ko samjhaya to hai, lekin samjhta kon hai

meri be aawaaz tanhaai bataye kiya mujhe
shehar mein hai jis ki khaatir shor barpaa, kon hai

sar pe yeh jaltay huwe suraj ko andaazaa nahi
bay talab es dasht mein ghar se nikalta kon hai

kho gayee hai waqt ki lehron mein sachai to kiya
waqt hi khud faisla kerta hai, sacha kon hai

aik se es shehar mein hain aashna na aashna
kiya bataain tujh ko meri jaan ke kaisa kon hai

din ka suraj kiya uthaye ga meri raaton ka gham
aur phir khalid kisi ka bojh uthaata kon hai

Ba-Naam E Taqat Koi Ishara Nahi Chalega
Udas Naslon Pe Ab Ujaara Nahi Chalega

Hum Apni Dharti Se Apni Har Simt Khud Talashain
Humari Khatir Ko Sitara Nahi Chalega

Hayaat Ab Shaam E Ghum Ki Tashbeeh Khud Bane Gi
Tumhari Zulfon Ka Isteara Nahi Chalega

Chalo Saron Ka Kharaaj Nok Sinaan Ko Bakhshain !
Kh Jaan Bachaney Ka Isstikhara Nahi Chalega

Humarey Jazbey Baghavaton Ko Tarashtain Hain
Humarey Jazbon Pe Bas Tumhara Nahi Chalega

Azal Se Qayem Hain Dono Apni Ziddon Pe Mohsin
Chalega Pani Magar Kinara Nahi Chalega

Yaar Ko Humne Ja Ba Ja Dekha
Kahin Zahir Kahin Chupa Dekha

Kahin Mumkin Hua Kahin Wajib
Kahin Fani Kahin Baqa Dekha

Kahin Woh Baadshah e Takht Nashin
Kahin Kasa Liye Gada Dekha

Kahin Woh Dar Libaas e Mashuqan
Bar Sar e Naaz Aur Ada Dekha

Kahin Ashiq Niaz Ki Surat
Seena Bariyaan O Dil Jala Dekha !!!,

ELAAN_E_AAM
doston te mitro, markazi royat-e-pyar commity ne elaan kya hay k velentine day ka chand nazar agya hai. lehaza 14 feb. ko.......
2 rakaat namaz-e-ishq, farz saath 4 larkiyon k, peechay apni mashooq k, moon taj mahal ki taraf, ba awaz-e-buland
***I LOVE YOU***