Search

Naam le le ker na mera shehar ki nazron mein aa
mujh se milna hai to mere dil ke sehraon mein aa

us safar mein dekh ghul jaata hai mitti ka badan
mujh se milne ki na khuwahish ker na barsaton mein aa

log tujh ko gungunayein meri khuwahish ki tarah
ik achhote shehar ki soorat meri gazal mein aa

be hunar logon ne phir maanga mere fun ka saboot
aa meri sachayi ki khushbu mere lafzon mein aa

ghar ke darwaze pe aakar kion qadam rakhne lage
aa meri tanhayi, meri muntazir bahon mein aa

aa gayii yaad sham Dhalte hii
bujh gayaa dil chiraaGh jalte hii

khul gaye shahr-e-Gham ke darvaaze
ek zaraa sii havaa ke chalte hii

kaun thaa tuu ke phir na dekhaa tujhe
miT gayaa Khvaab aaNkh malte hii

tuu bhii jaise badal saa jaataa hai
aks-e-diivaar ke badalte hii

Ranjish hi sahi dil hi dukhanay k liye aa

aa phir e mjhy choar k jany k liye aa

pehly se marasim na sahi phir b kabi to

rasm o raah dunya hi nibhany k liye aa

kis kis ko bataen ge judai ka sabab hum

tu mujh se khafa hai to zamany k liye aa

ab tak dil-e-khush fehem ko tujh se hain umeeden

ye aakhri shammen b bujhany k liye aa

ye din bahaar ke ab ke bhii raas na aa sake
kay Ghunche khil to sake khil ke muskuraa na sake

merii tabaahii dil par to raham khaa na sakii
jo raushanii men rahi raushanii ko paa na sake

rahein Khulus-e-muhabat ki hadsat jahan
mujhe to kya mere naqsh-e-qadam mita na sake

karenge mar ke baqa-e-dawaam kya hasil
jo zinda rah ke muqam-e-hayat pa na sake

naya zamaana banane chale the diwaane
nai zamin, naya asaman bana na sake

Aaina Hoon Merey Samney Aa Kar Dekho
Khud Nazar Aaogay Jo Aankh Mila Kar Dekho !

Merey Gham Mein Meri Taqdir Nazar Aati Hai
Dagmagao Gay Merey Dard Utha Kar Dekho !

Youn Tu Aasan Nazar Aata Hai Manzil Ka Safar
Kitna Mushkil Hai, Meri Raah Se Ja kar Dekho !

Bazm Ka Meri Charaghaan Hai Nazar Ka Dhoka
Kin Andheron Mein Bhatakta Hoon Mein Aa Kar Dekho

Aa Kay Lay Jaain Meri Aankh Ka Pani Mujh Say
Kiun Hasad Karti Hay Darya Ki Rawani Mujh Say

Gosht Nakhun Say Alag Kar Kay Dikhaya Main Nay
Us Nay Poochay Thay Judaai K maani Mujh Say

Teri Khushbu KI Lehad Par Main Bara Tanha Tha
Ro Pari Mil K Galay Raat Ki Raani Mujh Say

Khatam Honay Laga Jab Khoon Bhi Ashkon Ki Tarah
Kar Gaay Khawab Meray Naqal Makani Mujh Say

Sirf ik Shakhs K Gham Main Mujhay Barbaad Na kar
Roz Rotay Huay Kehti Hai Jawani Mujh Say...

tere dur pe vo aa hii jaate hain
jin ko piine kii aas ho saaqii

aaj itanii pilaa de aaNkhon se
Khatm rindon kii pyaas ho saaqii

halqaa halqaa suruur hai saaqii
baat koii zaruur hai saaqii

terii aaNkhen kisii ko kyaa dengii
apanaa apanaa suruur hai saaqii

terii aaNkhon ko kar diyaa sajdaa
meraa pahalaa qusuur hai saaqii

tere ruKh pe ye pareshaaN zulfen
ik aNdhere mein nuur hai saaqii

piine vaalon ko bhii nahiin maaluum
maikadaa kitanii duur hai saaqii

Lo aa gaye saqi tere maikhaane me
Daal de jee bhar ke aaj paimaane me

Bana leti ho tum apna deewana
Charcha hai aaj saare zamaane me

Suna hai vo ilm hai tujhme e saqi
Jo kaam aaye use bhulaane me


Raat bhar madhoshi bani rahe, aur
Um'r beet jaaye sahar ke aane me


Dil ki besaakhta khushi ko to dekho, jaise
Naachta hai moR badal ko rijhaane me


Mil gayee 'ishk' ko aaj vo haseen daulat
Dhoondta firta tha jise saare zamaane me

mahshar mein paas kiyon dam -e- faryaad aa gaya
reham iss nay cab kya tha keh ab yaad aa gaya

uljha hai paon yaar ka Zulf -e- daraaz mein
lo aap apnae daam mein sayyad aa gaya

nakamiyoo mein tum nay jo Tashbih mujh say di
sheeren ko dard farhaad aa gaya

dil ko qlq hai tark muhabbat kay baad bhi
ab aasmaa ko Shewa -e- beddad aa gaya

jab ho chuka yqin keh nahi Taqat -e- wisaal
dam mein hamaray woh sitam ijaad aa gaya

ذکرِ sharaab o hoor kalaam khuda mein daikh
momin mein kya kahon mujahe kya yaad aa gaya