Naraz Hain Ghamon Se

Jab Se Qareeb Ho K Chaly Zindagi Se Hum,
Khud Apny Aainey Ko Lagy Ajnabi Se Hum.

Wo Kon Hai Jo Paas Bhi Hai Aur Door Bhi,
Har Lamha Mangty Hain Kisi Ko Kisi Se Hum.

Ehsas Ye Bhi Kam Nahi Jeenay K Waasty,
Har Dard Jee Rahy Hain Tumhari Khushi Se Hum.

Kuch Door Chal K Raasty Sab Aik Se Lagy,
Milny Gaye Kisi Se, Mil Aaye Kisi Se Hum.

Kis Morr Per Hayat Ne Pohncha Diya Humen,
Naraz Hain Ghamon Se Na Khush Hain Khushi Se Hum.