Adhori Baatain

Adhori Baatain Hi Zindagi Hain
Woh Guzri Baatain Hi Zindagi Hain
Agarcha Dil Ki Ujri Hovi Rutoon Mei
Bikhar Gai Hain
Kai Zamanoon Se Saari Baatain
Woh Guzri Baatain
Sulagti Shammon Ke Jaltay Bujhtay Alao Hi Mei
Pigal Gai Hain
Adhori Baatain...
Zarrori Baatain...
Yeh Khushk Hoti Howi Ragoon Ki Siya Qabroon Mei Neem Murda
Dasi Howi Khwahishoon Ke Hamra
Gundhi Hovi Hain
Yeh Aankh Ki Putliyoon Mei Thak Ke
Khatakti Palkoon Par Soo Gaeen Hain
Tamaam Baatain Durast Hain
Tamaam Khadshay Baja Hain Lekin
Har Ik Imkaan-E-Zindagi Mei
Ragoon Mei Or Roh Ki Zameen Mei
Unhi Ki Yaadain Bhatak Rahi Hain
Unhi Ke Dum Se Zaeef Jazboon,Thithartay Lafzoon
Bujhi Tamanaoon Mei Ramaq Hai
Adhori Baatain Hi Zindagi Hain
Woh Guzri Baatain Hi Zindagi Hain
Khayal Rakhna....!
Adhori Baatain Bhula Na Dena
Woh Guzri Baatain Bhula Na Dena
Zarrori Baatain....
Wo Guzri Baatain Bhula Na Dena
Khayal Rakhna.....
Khayal Rakhna...!