Love

Zehan Ke Khialoon Main
Rooh Ke Ujaloon Main

Zindgi Ki Jheeloon Main
Zaat Ki Fasiloon Main

Ratjagoon Ke Daman Main
Khawahishoon Ke Aangan Main

Dil Ke Khushk Sehra Main
Chashm-E-Tar Ke Darya Main

Dard Ke Jahan Main Bhi
Ashk-E-Be-Zaban Main Bhi

Aur Kuch Nahi Rehta
Teri Yaad Rehti Hai

Mere Sath Tum Bhi Dua Karo,Yuoon Kisi Ke Haq Me Bura Na Ho
Kaheen Aur Ho Na Ye Hadsa,Koi Raste Me Juda Na Ho

Meri Chahat Se Raat Ki Seij Tak Koi Aansoun Ki Lakir Hai
Zara Barh Ke Chand Se Pochna Wo Issi Taraf Se Gea Na Ho

Issi Ehtiat Me Woh Raha,Issi Ehtiat Main Me Raha
Woh Kahaan Kahaan Mere Sath Hai Kisi Aur Ko Ye Pata Na Ho

Woh Husn-E-Mujassam Kamal Uski Aankhein,
Saraapa Muhabbat Jamaal Uski Aankhein,

Jhukein To Lagti Hain Zaywar Haya Ka,
Uthein To Karein Phir Sawaal Uski Aankhein,

Milein To Mein Dono Jahaan Day Ke Le Loo.N,
Woh Chehra Woh Zulfein Woh Gaal Uski Aankhein,

Agar Koi Poochay Ke Duniya Mein Kya Hai,
Deewaana Kahey Ga Misaal Us Ki Aankhein,

Un Aankhon Ke Kaajal Mein Dooba Hoon Shayad,
Ajjab Phir Chali Hain Yeh Chaal Uski Aankhein.

Suno Pagal Si Aye Lerki
Kahi Aur Un Kahi K Darmiyan
Soli Pe Latki Ho
Tumhein Maloom Hay Tum Jaan Ker
Manzil Se Bhatki Ho?
Yeh Maana Tum Buhhat Khuddar Ho
Per Yeh Haqeeqat Hay
Anaa Ik Had Tak Achi Hay
Magar Uss Had Se Agay
Yeh Mehaz Ik Khud Faraibi Hay
Aziyat Seh Rahi Ho Aur Chup Ho
Kiya Qayamat Hay
Tum Akhir Kioun Nahin Kehti
Tumhein Muhabat Hay!!!

Muhabbat Jin Se Hoti Hai
Unhain Khone Ka Der Her Waqt DAMAN GEER Rahta Hai
Yaqeen Ki Akhri Manzil Pe Aa Kar Bhi
Koi Khadsha, Koi Shak, Koi Andesha
Buhat Bechain Rakhta Hai
Muhabbat Jin Se Hoti Hai
Unhain Khone Ka Dar Har Waqt DAMAN GEER Rahta Hai
Kahin Yeh Visaal Ke Lamhe
Badal Jayain Na Furqat Main
Kahin Ye Qurb Ki Gheriyan
Judai Main Na Dhal Jayain
Kahin Aisa Na Ho K Koi Usko Badgumaa Kar De
Kahin Aisa Na Ho K
Jis Ko Hum Ne Hasil-E-Umr-E-Rawan Samjha
Jhatak Kar Hath Wo Bedard Sab Kuch Raigaan Kar De
Kahin Aisa Na Ho K
Wo Meharbaan Ankhain Badal Jayen
Kahin Aisa Na Ho K
Ye Garamjoshi Sard Par Jaye
Tapaak-E-Jaa’n Se Milne Ki Rawish
Yakh Basta Ho Jaye
Ada’e Dilbarana Berukhi Ka Roop Dhare
Aur Dil Ka Dard Ban Jaye
Muhabbat Jin Se Hoti Hai
Unhain Khone Ka Dar Har Waqt DAMAN GEER Rahta Hai
Kabhi Mahfil Mai Sab Ke Samne Wo Ahtiyatan Bhi
Agar Nazrain Churaye Tou Dil Pe Thees Lagti Hai
Ansoo’n Ka Mena Barasta Hai
Kabhi Masrofiat Mai, Mahwiyat Main
Phone Ki Ghanti Ka Wo Notice Na Le
Aur Rabte Ka Silsila Moqoof Ho Jaye
Dharak Uthta Hai Dil
Kya Janiye Kya Ho Gaya Us Ko
Tawajja Main Kami Kyun Agai…?
Kyun Us Ki Janib Ik Sannata Sa Chaaya Hai….?
Jo Apna Is Qadar Apna Tha
Akhir Kyun Paraya Hai..?
Muhabbat Jin Se Hoti Hai
Unhain Khone Ka Dar Har Waqt DAMAN GEER Rahta Hai

Chalo Khain Door Chalty Hain...
Jaha Sirf Hum Aur Tum Hon..
Jaha Koi Ghum Na Huwa Kary..
Sapno Ka Jaha Basa Kary
Chalo Aisi Jagah Chalty Hain..
Jaha Per Pyar Rehta Ho
Jaha Ehsaas Zinda Ho..
Jaha Tery Mery Jazbat Huwa Karien
Chalo Na Kissi Aisi Jagah Chalty Hain..
Jaha Hum Tum Main Gum Ho Kar
Sara Jaha Bhula Dein..
Khushiyaan Hi Khushiyaan Huwa Karien
Chalo Aisi Jagah Chalty Hain

Main Tum Ko Chahta Hoon
Junoon Ki Dehshat Main
Jaan Se Ghuzar Jane Ki Had Tak

Main Tum Ko Janta Hoon
Rooh K Bay Unt Saagar Main
Utar Jane Ki Had Tak

Main Tum Ko Poojta Hoon
Mohabbat Ki Haseen Devii Se
Sir Takra K Mar Jane Ki Had Tak

Main Tum Ko Souchta Hoon
Kabhi Duniya Kabhi Khud Se
Magar Jane Ki Had Tak

Main Tum Ko Dekhta Hoon
Faseel Dard Par Rakhay
Mehaktey Khuab Ki Khushboo
Bikhar Jane Ki Had Tak

Yakin Janoo K Main Ye Jurm
Ek Pal Main Hazaroon Baar Karta Hoon
Tumhain Maloom Hota Kaash
K
Main Tum Se Kitna Pyaar Karta Hoon

Khud Ko Is Dil Main Basane Ki Ijazat Day Do
Mujh Ko Tum Apna Bananay Ki Ijazat Day Do

Tum Meri Zindagi Ka Ek Haseen Lamha Ho
Phoolon Say Khud Ko Sajanay Ki Ijazat Day Do

Main Kitna Chahta Hoon Kis Tarha Bataoon Tumhain
Mujhay Yeh Aaj Batanay Ki Ijazat Day Do

Tumhari Raat Si Zulfon Main Chand Sa Chehra
Mujhay Yeh Sham Sajanay Ki Ijazat Day Do

Mujhay Qaid Kar Lo Apnay Ishq Main
Yeh Jaan Tum Pe Lutanay Ki Ijazat Day Do

rasta shayad thak sa gyia hai

baras baras say

tera rasta taktee ankhien

palkein jhapak jhapak kay tujh ko khoj rahi hain

lekin janan !

mairay dur tak anne wala

rasta shayad thak sa gyia hai