Search

Suna Hoga
Bohat Tum Ne
Kahin Ankhon
Ki Rim Jhim Ka
Kahin Palkon Ki
Shabnam Ka
Parha Hoga
Bohat Tum Ne
Kahin Lehjay Ki
Barish Ka
Kahin Sagar K
Ansoo Ka
Magar Tum Ne
Kabhi Humdum
Kahin Dekhey?
Kahin Parhey?
KISI TEHREER K AANSO ?
Mujhey Teri Judai Ne
Yahi Meraj
Bakhshi Hai
K Main Jo
Lafz Likhta Hon
Woh Sarey
LAFZ ROTEY HAIN
K Main Jo
Harf Bunta Hon
Woh Sarey
BATAIN KARTE HAIN
Mere Sang
es Judai Mein
MERE
ALFAZ MARTaY HAIN!

Dil main phir dard howa dair talak

Na mili es ko dawa dair talak

Mein nay khoshboo ki haqeqat poochi

Phool khamosh raha dair talak

Tum nay to sirf suna hee ho ga

Mein nay jo dard saha dair talak

Shab ko phir mein nay sulagta paya

Mun ka khamosh diya dair talak

Uss nay kuch aur kaha tha shayed

Mein nay kuch aor suna dair talak

Uss nay poocha k mujhe yaad kiya?

Mein nay tab hans k kaha dair talak

Janay wala nahi ek pal bhi ruka

Aks aankhoon main raha dair talak

Maslahat reh gaee hontoon pay Batool

Rooh main shor macha dair talak

bat phulon ki suna karte the
ham kabhi sher kaha karte the

mashalen leke tumhare gam ki
ham andheron mein chala karte the

ab kahan aisi tabiyat wale
chot kha kar jo dua karte the

tark-e-ehsas-e-muhabbat mushkil
han magar ahl-e-wafa karte the

bikhri bikhri zulfon wale
qafile rok liya karte the

aj gulshan mein shaguf-e-sagar
shikwe baad-e-saba se karte the

SUNA HAI YEH MEIN NAY AURON SAY IN DINON WO MUJHAY,
BULA RAHA HAI MGAR DAIR HO GAEE SHAYAD,
WO MUJH KO JAGTI RAATON K UN KAHAY QISSAY,
SUNA RAHA HAI MGAR DAIR HO GAEE SHAYAD,
WO MUJH KO APNAY BICHARNAY KI NAGUZEER WAJAH,
BATA RAHA HAI MGAR DAIR HO GAEE SHAYAD,
WO MUJH KO YAAD KAR K CHEHRAY PAR JHURIYON K NISHAAN,
DIKHA RAHA HAI MGAR DAIR HO GAEE SHAYAD,
WO AIK SHAMA GHAM E ZINDAGI MITANAY KO,
JALA RAHA HAI MGAR DAIR HO GAEE SHAYAD,
WO GHAM JO HASIL E UMR E RAWAAN HAI AB WO USAY,
BHULA RAHA HAI MAGAR DAIR HO GAEE SHAYAD

suna hai teray shaher may nazool-e-wafa ka mousam hota hay
muhabat ka sawan aur rang-o-noor ka aalam hota hai

suna hai wahan diloon ka milan hota hai
rohoon ka visal aur hijar ka inkar hota hai

wahan zulf bikhray tu raat ka aalam
jo simtay tu savera hota hai

suna hai ashk jab koi bahaye tu
wahan sawan ka mousam hota hai

taara jab bhi tootay kaheen asmaan may
nazuk hatoon may kashkool-e-dua hota hai

suna hai wahan kalaam karti hain Mohabbatein
nafratoon ka qatal-e-aam hota hai

suna hai wo bhi makeen hai teri basti ka
jo sadiyun se rooh-e-jaan hamari hota hai

usko salam-e-muhabat kehna
jiski ankh may ashk meray naam ka hota hai

wo bhi shayed mehsoos karta ho
dard jo firaaq may yahan hota hai

uski muskaan ka bhi aalm kuch biyaan ho
kia ab bhi usay dekh kar chandni ka guman hota hai

suna hai ab bhi wo nazar jhuka kar milta hai
kaheen ankh may uski piyar ka rang hota hai

chalo us basti ki janib chaltey hain Qais
jahan rang-e-qos qazah, aur raqs ishq may hota hai

Suna Hay Log Usay Aankh Bhar Kay Dekhtay Hain
So Us Kay Shaher Main Kuch Din Thehar Kay Dekhtay Hain


Suna Hay Rabt Hay Us Ko Kharab Haloon Say
So Apnay Aap Ko Barbaad Kar Kay Dekhtay Hain


Suna Hay Dard Ki Gaahak Hay Chash m Naaz Us Ki
So Hum Bhi Us Ki Gali Say Guzar Kay Dekhtay Hain


Suna Hay Us Ko Bhi Hay Shair o Shairy Say Shaghaf
So Hum Bhi Mojze Apnay Hunar Kay Dekhtay Hain


Suna Hay Bolay Tu Batoon Say Phool Jhartay Hain
Ye Baat Hay Tu Chalo Baat Kar Kay Dekhtay Hain


Suna Hay Raat Usay Chaand Takta Rahta Hay
Sitaray Baam Falak Say Utar Kay Dekhtay Hain


Suna Hay Raat Ko Usay Titliyaan Satati Hain
Suna Hay Raat Ko Jugno Thaher Kay Dekhtay Hain


Suna Hay Hashar Hain Us Ki Ghazal See Aankhain
Suna Hay Us Ko Heran DashT Bhar Kay Dekhtay Hain


Suna Hay Raat Say Bhar Kar Hain Kaaklain Us Ki
Suna Hay Shaam Ko Saaye Guzar Kay Dekhtay Hain


Suna Hay Us Ki Siya chashmagi Qyamat Hay
So Us Ko Surma Frosh Aah Bhar Kay Dekhtay Hain


Suna Hay Us Kay Labon Say Gulab Jaltay Hain
So Hum Bhi Bahar Pay Elzaam Dhar Kay Dekhtay Hain


Suna Hay Aaina Tamsaal Hay Jabeen Us Ki
Jo Saada Dil Hain Usay Ban Sanwar Kay Dekhtay Hain


Suna Hay Jab Say Hamail Hain Us Ki Gardan Main
Mezaaj Or Hi Lal o Guhar Kay Dekhtay Hain


Suna Hay Chashm Tasawur Say Dasht Imkaan Main
Palang Zaviye Us Ki Kamer Kay Dekhtay Hain


Suna Hay Us Kay Badan Ki Tarash Aisi Hay
Keh Phool Apni Qabaye Kutar Kay Dekhtay Hain


Bas Ak Nigaah Say Lutta Hay Qafla Dil Ka
So Rahzan Tamanna Bhi Dar Kay Dekhtay Hain


Suna Hay Us Kay Shabistaan Say Mutasil Hay Bahisht
Makeen Edhar Kay Bhi Jalway Udhar Kay Dekhtay Hain


Ruke Tu Gardishain Us Ka Tawaf Karti Hain
Chalay Tu Us Ko Zamanay Thehar Kay Dekhtay Hain


Kesay Naseeb Kay Bay Pairhan Usay Dekhay
Kabhi Kabhi Dar o Dewaar Ghar Kay Dekhtay Hain


Kahaniyaan Hi Sahi Sab Mubalghay Hi Sahi
Ager Wo Khowab Hay Tabeer Kar Kay Dekhtay Hain


Ab Us Kay Shaher Main Theray Kay Kooch Kar Jaye
Faraz Aao Sitaray Safer Kay Dekhtay Hain


Abhi Kuch Or Karishmay Ghazal Kay Dekhtay Hain
Faraz Ab Zara Lehja Bdal Kay Dekhtay Hain


Judaiyaan Tu Muqaddar Main Hain Phir Bhi Jaan -e- Safer
Kuch Or Dorr Zara Saath Chal Kay Dekhtay Hain


Rah -e- Wafa Main Hareem Khayal Koii Tu Ho
So Apnay Aap Say Aagay Nikal Kay Dekhtay Hain


Tu Samnay Hay Tu Phir Yaqeen Kyun Nahi Aata
Yeh Bar Bar Jo Aankhon Ko Mal Kay Dekhtay Hain


Yeh Koun Log Hain Mujood Teri Mehfil Main
Jo Lalchon Say Tujhay , Mujh Ko Jal Kay Dekhtay Hain


Yeh Qurb Kia Hay Keh Yak Jaan Howay Na Dorr Rahay
Hazaar Ak Hi Qalib Main Dhal Kay Dekhtay Hain


Na Tujh Ko Maat Hoii Na Mujh Ko Maat Hoi
So Ab Kay Dono Hi Chalain Bdal Kay Dekhtay Hain


Yeh Koun Hay Sar -e- Sahil Kay Dobanay Walay
Samandaron Ki Tahon Say Uchal Kay Dekhtay Hain


Abhi Talak Na Kundan Howay Na Raakh Howay
Hum Apni Aag Main Har Rooz Jal Kay Dekhtay Hain


Bohat Dino Say Nahi Hay Kuch Us Ki Khair Khaber
Chalo Faraz Koye -e- Yaar Chal Kay Dekhtay Hain,

Suna Hy Is Jahan Men

Zindgi Ki Qeht Saali Hy

Yahan 2, 4 Din Jeenay Ka Aksar Zikr Hota Hai

Yahan Her Cheez Fani Hy

Sabhi Ko Mot Ani Hy

Yahan Izhar Kya Krna

Yahan Pr Pyar Kya Krna

Mgr Kuch Youn Bhi Sunta Hun

K Aisa Ik Jahan Hoga

K Jis Men Mot Aany Ka

Koi Dharka Nhi Hoga

Hayat-E-Javedan K Wahan Asbab Rakhy Hain

Ye Mera Tumse Wada Hy

Agr Dono Wahan Mil Gye

Wahin Iqrar Kr Lain Gy

Wahin Izhar Kr Lain Gy

Wahin Phr PYAR Kr Lain Gy . . . ;->

Jo Uter K Zeena_E_Sham Say
Teri Chashm_E_Ter Mein Sama Gaye

Wohe Jaltay Bujhtay Charagh Say
Mere Baam_O_Dar Ko Saja Gaye

Wo Ajeeb Phool Say Lafz Thay
Teray Hont Jin Say Mehak Uthay

Meray Sehn_E_Dil Mein Door Tak
Kai Baagh_E_Dil Laga Gaye

Ye Ajeeb Khail Hai Pyar Ka
Main Ne Aap Dekha Ye Mo'ajza

Wo Jo Lafz Meray Gumaan Mein Thay
Wo Teri Zubaan Pe Aa Gaye

Wo Jo Geet Tum Ne Suna Nahi
Meri Umer Bhar Ka Raiz Tha

Meray Ghum Ki Thi Wo Dastaan
Jisay Tum Hansi Mein Urra Gaye....

Apne Hone Ka Ham Iss Tarha Pata Dete Thay
Khak Muthhi Mai Uthhate Thai Urha Daite Thay

Be Samar Jaan K Ham Kaat Chuke Hain Jo Shajar
Yaad Aate Hain K Be Chare Hawa Daite Thay

Uski Mehfil Mai Wahi Such Tha Wo Jo Kuch Bhi Kahey
Ham Bhi Goongon Ki Tarah Haath Uthha Daite Thay

Abb Se Pehle Jo Qatil Thai Boht Achhey Thay
Qatl Se Pehle Jo Pani Tau Pila Daite Thay

Wo Hamain Kosta Rehta Tha Zamane Bhar Mai
Aur Ham Apna Koi Shair Suna Daite Thay

Ghar Ki Ta'meer Mai Ham Barson Rahe Hain Pagal
Roz Deewar Uthhate Thay Gira Daite Thay

Hamm Bhi Abb Jhoot Ki Paishani Ko Bosa Daingey
Tum Bhi Sach Bolne Waley Ko Dua Dete Thay