Search

Baat phoolon ki suna kerte thay,Hum kabhi shair kaha kerte they,Mashalen le ker tumhare gham ki,Hum andheron main chala kerte thay,Ab kahan aesi tabiyat wale,Chot kha ker jo dua kerte thay,Tark_e_ehsaas_e_mohabbat mushkil,Haan, magar ahl_e_wafa kerte thay,Bikhri bikhri zulfon waale,Qaafile rok lia kerte thay,Aaj gulshan main shagoof_e_Saagar,Shikwe baad_e_saba se kerte thay...

Meri Daastaan-e-Hasrat Wo Suna Suna K Roye....
Meray Aazmaanay Walay Mujhay Aazmaa K Roye,,,,,

Sunai Jo Anjuman Mien Shab-e-Gham Ki Aap Beeti.....
Kai Ro K Muskuraaye Kai Muskuraa K Roye,,,,,

Mil Kar To Mujh Sey Wo Meri Haalat Pay Hai Afsurda....
Chahat Ki Jeet Ho Ge K Wo Mujh Ko Bhulaa K Roye,,,,,

Suna hey shehar walon sey mera SAHIR nahi badla...
key wo AANKHAIN nahi badleen key wo PAIKAR nahi badla...

HASEEN AANKHON ko parhney key abhi tak shoq hain mujhko
mohabat main ujar kar bhi mera andar nahi badla....

main PATHAR sey hoi HEERA mujhey aisa TARASHA hey
badal dala mujhey lekin mera AAZAR nahi badla....

main pehron sochti hon ye jo mujhko bhool betha wo
sabab najaney kia hoga , wo kuch keh kar nahi badla....

bhatakti sham sey kehna puraney dar dareechey hain
akeli raat sey keh do hamara ghar nahi badla.....

meri qismat ney jo likha zakham aakhir nahi badla..
faqat bazoo hi badley hain magar nashtar nahi badla...

ussey kehna shikasta zaat honay sey mohabat mar nahi jati
aienay toot janey sey kabhi manzar nahi badla....

tumharey dairoon main ik umrr sey mehv-e-gardish hon
mera markaz nahi badla mera mehver nahi badla.....

meri jaan doob key ubhri hey meri sans bhi jaisay
mera matam nahi badla mera mehshar nahi badla.....

suna hey aaj bhi sab log ussey hi sajdah kartey hain
Mathay hi badaltay hain magar wo darr nahi badla....

abhi tak apney lafzon sey wo baazi jeeta jata hey
wohi andaz hain us key .... mera shatir nahi badla...!

suna hoga bohat tum ne ….

kahiN aankhoN ki rim jhim ka

kahin palkoN ki shabnam ka…

parha hoga bohat tumne ….

kahiN lehjay ki barish ka

kahiN sagar ke aansoo ka…

magar tum ne kabhi humdam …

kahin daikhay? kahin parkhay?

kisi tehreer ke aansoo??…!!

mujhe teri judaai ne …

yehi mairaaj bakhshi hai…

ke main jo lafz likhta hooN …

woh saray lafz rotay hain

ke main jo bhi bunta hooN …

woh saray tawaf kartay hain

mere sang es judaai main …

mere alfaz martay hain

sabhi tareef kartay hain …

meri tehreer ki lekin..

kabhi koi nahin sunta …

mere alfaz ki siski…

falak bhi jo hila daalay..

mere lafzoN main hain shamil …

usi taseer ke aansoo…

kabhi daikho mere humdam…

meri tehreer ke aansoo..!!!

Kisi Mein Youn Hi Zoq-e-Shairana Dhoond Lety Hain
Chalo Mil Baithnay Ka Bahana Dhoond Lety Hain

Suna Hai In Dino Us Ko Tasawuf Sy Hai DilChaspi
To Achha Hai Kalam-e-Arifana Dhoond Lety Hain

Haqaiq Talkh Hotay Hein Ye Ik Zinda Haqeeqt Hai
Koi Meetha, Raseela Sa Fasana Dhoond Lety Hain

Ye Do Din Zindagi K Kat To Jain Gay Musarat Mein
Chalo Hum Bhi Koi Sapna Suhana Dhoond Lety Hain

Kisi K Sath To Chalna Hai Aakhir DarBaDar Ho Kar
Koi Apni Tarha Ka Be Thikana Dhoond Lety Hain

Unhain Shikwa Hai Shaam-e-Gulistaan Mein Shair K Doraan
Andheray Mein Bhi Kuch Pathar Nishana Dhoond Lety Hain....

Suna hai woh shehar me aaya hai
Suna hai woh sath wafa laaya hai
Suna hai woh phool sung apnay chund murjhaaye laaya hai
Suna hai woh askh bhari muskrahtain bhi laaya hai
Uss say kaho
Yahan koi kharidar nahi
Yahan koi beqarar nahi
Yahan koi sogwar nahi
Uss say kaho
Loat jaaye
Ke
Yeh shehar-e-khamosh hai
Yahan sub baasi khamosh hain
Yahan koi dard nahi koi chubhan nahi
Yahan bus meethi neend sotay hain
Teray chahnay waley
Ab nahi rotey hain....!

Suna Hoga
Bohat Tum Ne,
Kahin Ankhon
Ki Rim Jhim Ka,
Kahin Palkon Ki
Shabnam Ka,
Parha Hoga
Bohat Tum Ne
Kahin Lehjay Ki
Barish Ka,
Kahin Sagar K
Ansoo Ka..
Magar Tum Ne
Kabhi Humdum..
Kahin Dekhey?
Kahin Parhey?
KISI TEHREER K AANSO ?
Mujhey Teri Judai Ne..
Yahi Meraj
Bakhshi Hai..
K Main Jo
Lafz Likhta Hon..
Woh Sarey
LAFZ ROTEY HAIN.
K Main Jo
Harf Bunta Hon,
Woh Sarey
BATAIN KARTE HAIN.
Mere Sang
es Judai Mein,
MERE
ALFAZ MARTAY HAIN….!!!!

Suna he aaj kal woh pareshan rehti hay
us se kehna befikar hm bhi nahi hain

suna he woh gum sum rehti hay
us se kehna hosh me hm bhi nahi hain

suna he woh raaton ko jaaga karti hay
us se kehna sote hm bhi nahi hn

suna he woh chuup chuup k roti hay
us se kehna hanste hm bhi nahi hain

suna he woh mujhe bohat yaad karti hay
us se kehna bhoole hum bhi nahi hain

suna he us ne wafa ka daawa kiya hay
us se kehna bewafa hum bhi nahi hain...

Suna Hai Log Usay Aankh Bhar Kay Dekhtay Hain
So Hum Bhi Hoslay Apnay Jigar Kay Dekhtay Hain

Ragon Men Dourta Phirta Hai Wo Lahu Ban Kar
Usay Hum Apnay He Dil Men Utar Kay Dekhtay Hain

Suna Hai Sabr Say Jo Bhi Milay Wo Nourus Hai
So Hum Bhi Zaiqay Apnay Samar Kay Dekhtay Hain

Suna Hai Us Kay Bhi Dil Men Khayal Paltaay Hain
So Es Khayal Ko Tehreer Kar Kay Dekhtay Hain

Suna Hai Us Ki Maseehai Ka Hai Rang Juda
So Aaj Hum Bhi Hawa Men Bikhar Kay Dekhtay Hain

Suna Hai Uski Nigaahen Bhi Shair Kehti Hain
So Aaj Hum Bhi Qareenay Nazar Kay Dekhtay Hain

Suna Hai Zoam Hai Usko Kuch Apnay Khowabon Par
So Us Kay Khvab Ko Tabeer Kar Kay Dekhtay Hain

Suna Hai Muunh Say Jo Niklay Qabool Hota Hai
So Hum Bhi Moajzay Lail e Qadr Kay Dekhtay Hain

Wo BayWafa Hai Usay Pas e Ishq Raas Nahi
Muhabbaton Say Hum Apni Mukar Kay Dekhtay Hain.

Koi Ghazal Suna Kar Kya Karna
Yoon baat barha Kar Kya Karna

Tum Mere Thay Tum Mere ho
Duniya Ko bata Kar Kya Kerna

Tum Ehad Nibhao Chaahat Say
Koi Rasm Nibha Kar Kya Karna

Tum Khafa bhi Achay Lagtay ho
Phir Tum Ko Mana Kar Kya Karna

Tere Dar Pe Aa K bethay hain
Ab Ghar bhi Ja Ker Kya Karna

Din Yaad Se Acha Guzray Ga
Phir Tum Ko bhula Ker Kya Karna?