Poetry / Love

Muzammil Shahzad

Main Lafzon Main Kuch Bhi Izhaar Nahi Karti

Main Lafzon Main Kuch Bhi Izhaar Nahi Karti
Is Ka Matlab Ye Nahi Keh Main Tujh Say Pyaar Nahi Karti

Chahati Hoon Main Tujhay Aaj Bhi Per
Teri Soch Main Apna Waqt Barbaad Nahi Karti

Tamasha Na Ban Jaye Kahii Mohabbat Meri
Is Liye Apna Dard Ko NamoDaar Nahi Karti

Jo Kuch Mila Hay Usi Main Khush Hoon Main
Teray Liye KHUDA Say Taqrar Nahi Karti

Per Kuch Tu Baat Hay Teri Fitrat Main Zalim
Warna Main Tujhay Chahanay Ki Khatta Baar Baar Nahi Karti

· 1 Like · Jan 30, 2017 at 04:01
Category: love
 
Poetry / Love

Muzammil Shahzad

Nazar Main Zulmat, Badan Main Thandak, Jamaal Kitna Ajeeb Sa Tha

Nazar Main Zulmat, Badan Main Thandak, Jamaal Kitna Ajeeb Sa Tha
Main Us Ki Chahat Main Ghar Say Nikla, Tu Haal Kitna Ajeeb Sa Tha

Na Main Nay Us Ko Khatoot Likhay, Na Us Nay Meri Panah Chahi
Dono Ko Apni Be Khudi Pay, Malaal Kitna Ajeeb Sa Tha

Wo Meri Raaton Main Chand Dekhay, Main Apni Raaton Main Us Ko Socho
Badaltay Lamhon Main Soch Ka Ye Wisaal Kitna Ajeeb Sa Tha

Ye Zeest Tanha Hi Kaat Lo Gay, Jo Main Nay Pucha To Ro Dia Wo
Jawab Kitna Ajeeb Sa Tha, Sawal Kitna Ajeeb Sa Tha

· 1 Like · Jan 26, 2017 at 20:01
Category: love
 
Poetry / Love

Muzammil Shahzad

Ye Soch Kar K Teri Jabeen Par Na Bal Paday

Ye soch kar k teri jabeen par na bal paday !
Bus door hi se dekh liya or chal paday !

Dil mein phir ik kasak si uthi muddaton k baad !
Ek umar k ruke hue aansu nikl paday !

Seene mein be-qaraar hein murda muhabbatein !
Mumkin hai ye charaag kabhi Khud hi jal paday !

Ay dil tujhe badalti hui rut se kya mila ?
Poudoun mein phool or darakhton mein phal paday !

Ab kis k intazaar mein jagain tamaam shab ?
Wo saath ho to neend mein kaise Khlal paday ?

'Shehzad' dil ko zabt ka yaara nahein raha !
Nikla jo Maah taab samundar uchal paray !

· 1 Like · Jan 24, 2017 at 07:01
Category: love
 
Poetry / Love

Muzammil Shahzad

Aye Kuch Abr Kuch Sharab Aye

Aye kuch abr kuch sharab aye
us ke bad aye jo azab aye

baam-e-miina se maahtab utre
dast-e-saaqi meN aftab aye

har rg-e-KhuuN meN phir charaGhan ho
saamne phir wo be naqab aye

kar raha tha dil Gham-e-jahan ka hisab
aj tum yaad be hisab aye

na gai tere Gham ki sardari
dil men yuun roz inqilab aye

is tarah apni Khamoshi gungi
goya har simt se javab aye

Faiz thi raah sar ba sar manzil
ham jahan pohunche kaamyaab aye

· 1 Like · Jan 20, 2017 at 19:01
Category: love
 
Poetry / Love

Muzammil Shahzad

Ap Duniya Bhar Se Ulfat Kejiye

Ap duniya bhar se ulfat kejiye
mujh ko mera dil inayat kejiye

zabt se kya Khuun-e-hasrat kejiye
aik nala kar ke fursat kejiye

zoaq kahta hai ke manzil duur hai
shauq kahta hai ke himmat kejiye

gharq hi hona tha manzoor-e-Khuda
naa Khudaa ki kya shikayat kejiye

hazrat-e-Natiq jahan tak ho sake
apne dil meN zabt-e-ulfat kejiye

· 1 Like · Jan 19, 2017 at 10:01
Category: love
 
Poetry / Love

Muzammil Shahzad

Aina Ban Ke Baat Karti Dhuup

Aina ban ke baat karti dhuup
dil ki divar par barasti dhuup

mere andar bhii dhuup kaa aalam
mere baahar bhii raqs kartii dhuup

us ki aaNkhoN meN Khemaazan dekhi
aik ek buuNd ko tarasti dhuup

aina dekh kar ThiThakti hai
ghar kii diivaar se utarti dhuup

taaq-e-maazii meN chhup ke baithi hai
Khauf se kaaNpti larazti dhuup

apna lahjaa Mateen aisa hai
jaise dariyoun me utarti dhuup

· 1 Like · Jan 17, 2017 at 07:01
Category: love
 
Poetry / Love

Muzammil Shahzad

Aao K Koi Khuwab Bunain Kal K Vaaste

aao k koi Khuwab bunain kal k vaaste
warna ye raat aaj k sangeen daur ki

Duss legi jaan o dil ko kuch aise k jaan o dil
ta umr phir na koi hasein Khuwab bun sakein

go hum se bhaagti rahi ye tez gaam umr
Khuwaabon k asray pe kati hai tamaam umr

zulfon k Khuwab, honton k Khuwaab, aur badan k Khuwab
meraaj-e-fn k Khuwab, kamaal-e-sukhan k Khuwab

tahzeeb-e-zindagi k, farog-e-wattan k Khuwab
zindaan k Khuwaab, koocha-e-daar o rasan ke Khuwab

ye Khuwab hi to apni jawaani k paas they
ye Khuwab hi to apne amal k asaas they

ye Khuwab mar gaye hain to be rang hai hayaat
yun hai k jaise dast-e-tah-e-sang hai hayaat

aao k koi Khuwab bunein kal ke wastay
warna ye raat aaj k sangeen daur ki

Duss legi jaan o dil ko kuch aise k jaan o dil
taa umr phir na koi haseen Khuwab bun sake

· 1 Like · Jan 15, 2017 at 04:01
Category: love
 
Poetry / Love

Muzammil Shahzad

Wo Jo Harf Harf Chiraag Tha

wo jo harf harf chiraag tha

usse kis hawa ne bujha diya ?

kabhi lab helain gey to poochna !

abhi kya kahein abhi kya sunaye

yunhi khuwahishon k fishaar mein

kabhi be'sabab kabhi be'khalal

kahaan kon kis se bichar gya ?

kise kis ne kaise ganwa diya ?

kabhi phir milein gey to poochna

· 1 Like · Jan 14, 2017 at 16:01
Category: love
 
Poetry / Love

Muzammil Shahzad

Mujhe Teri Mohabbat Mein Kho Jaane Do

Mujhe teri mohabbat mein kho jaane do
Har lamha mar ke aaj phir jee jaane do

Isse mahobbat ne dil ko aaj phir dhadkaya hai
Mujhe ishq ki baaho mein so jaane do

Tadap ki aag hai judaai ki baahon mein
Mujhe aaj iss mohabbat se mil jaane do

Meri saans chalti hai tere naam ki aahat pe
Mujh benaam ko iss naam mein kho jaane do

Kasam tujhe chalne wali hawaon ki mehboob
Mujhe iss mohabbat ki aag mein jal jaane do

· 1 Like · Jan 14, 2017 at 09:01
Category: love
 
Gunahon ki Maghfirat
Posted by faisal razzaq
Posted on : Jul 29, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS