Search

Chahay hamara ghar kitna bhi barra ho, hamare kapray kitne hi mehnge hon, hum kitne hi ameer hon lekin hum sab ki qabrain aik si hon gi.

Me ne Chupke Se us ki Ankhon Pe Hath Rakh Ke
Pochon Btao Kon Hun Mein
Wo Muskura Kar Dheeme Se Keh De "Meri Zindigi Ho Tum"

#poetry #lovepoetry />

haath par haath rakh kar beth jana tawakkal nahee susti hoti hai, tawakkal hota hai ke ham ne kaam shuru karna hai uss ke honay ya na honay ka fesla Allah par chhore dena.

Itna hi yaad rakh mujhe
Jaise beetay dinon ki kisi kitab mai
Koi phool rakha ho
Rang urra urra sa ho
Par wo ajnabi na ho

Duniya Ne Ham Pe Jab Koi iLzaam Rakh Diya

Ham Ne Muqaabil Oske Tera Naam Rakh Diya


Ik Khaas Had Pe Aagayi Jab Be-Rukhi Teri

Naam Oska Ham Ne Gardish-e-Ayyaam Rakh Diya


Mein Larkhara Raha Hun Tujhe Dekh Dekh Kar

TU Ne Tou Mere Saamnay Ik Jaam Rakh Diya


Kitna Sitam Zareef Hai Wo Saahib-e-Jamaal

Osne Diya Jalaa Ke Lab-e-Baam Rakh Diya

Meray har amal ko nazer main rakh, meri chahatoon ka silla na dey
Main chragh-e-aakhir-e-shab sahi, mujhey berukhi ki saza na dey

Mujhey dushmanoo sey gila nahi, sila dostoon sey mila nahi
Mujhey jitna jeena tha jee chukka, mujhey aur jeenay ki dua na dey

Ye gaye dinoo ki baat hai, issi rah pe tum meray saath thay
Main naye safar pe hoon ga gamzan, mujhey duur jaa kay sadaa na dey

Mera hurf hurf hai dil-nasheen, kahin tu tau es main makeen nahi
Ye junoon-e-shooq-e-sukhan kahin, tera chehra sub ko dikha na dey

Ye talaash-e-baab-e-wafa sufer, mujhey tum sey duur tha lay gaya
Palat ker aaon ga yaad rakh, tera shehar mujh ko bhula na dey

Main bhula nahi bura sahi, mujh sey koi gila sahi
Tera baat baat pe roothna, naii rah mujh ko dikha na dey...!

Apney jazbaat ankh mein rakh lo
Bus yehi baat ankh mein rakh lo

Zindagi to safar hai sehra ka
Thori barsaat ankh mein rakh lo

Din se jana kabhi chhupa k mujhey
Sirf ik raat ankh mein rakh lo

Main hu mehwar tumhari chahat ka
Tum meri zaat ankh mein rakh lo

Jin se khawabon mein rang bhar jayen
Aisey lamhaat ankh mein rakh lo

Shahi hum se wafa paraston ki
Koi to baat ankh mein rakh lo...!

Itna he yaad rakh mujhe

Jesay kisi kitaab mein

Beetay dino k dost ka

Aik khat para hua mile

Lafz mitey mitey sahi

Rung urha urha sahi

Lekin wo ajnabi na ho...!!!!

Boseeda purane kisi samaan main rakh de
Ya phir kisi toote hoye guldaan main rakh de

Chahat k chiraaghon ko to jalna hai jalenge
To in ko uthha ker bhale toofaan main rakh de

Qadmon main taray maslay hoye phool nahi hain
Chahat ki chita hai kisi shamshaan main rakh de

Saansen na chuka paai hain qayamat jo wafa ki
Ab jism ki mitti ko bhi tawwan main rakh de

Mohsin tere jazbaat yahan kon sune ga
Be rabt khayalaat ko deewan main rakh de