Search

Pathar Say Wafa Mout Se Sada mang Rahi Hon
kyu Aj Mai Sehra Se Ghata Mang Rahi Hon
Muddat Se Koi DIL Ko Dukhane Nahi Aya
Ajao Koi Zakham Naya Mang Rahi Hon
Jo Jurm Muhabbat Mein Tujhe Mera Bana De
Aisi Hi Koi Pyari Saza Mang Rahi Hon
Maalom Hy
Tum Ghair K Ho Jao Gay Shakir
Phr Bhi Tumain Panay Ki Dua Mang Rahi Hon...!

Roz taaron ki numaaish men khalal parta hay
Chand pagal hay andheray men nikal parta hay

Ek deewana musafir hay meri aankhon men
Waqt bay waqt thehar jata hay, chal parta hay

Apni tabeer k chakar men mera jaagta khawab
Roz suraj ki tarah ghar say nikal parta hay

Roz pathar ki himayat mein ghazal likhtay hein
Roz sheeshon say koi kaam nikal parta hay

Uski yaad aai hay saanso zara aahista chalo
Dharkanon say bhi ibadat me khalal parta hay....!

pathar k khuda, pathar k sanam,pathar k hi insaan paaye hain
tum shehr-e-mohabt kehte ho,hum jaan bacha kar aaye hain

butt khaana samajhte ho jisko poocho na wahan kya haalat hai
hum log wahein se laute hain,bus shukar karo laut aaye hain

hum soch rahe hain muddat se ab umar guzarein bhi to kahaan
sehra mein khushi k phool nahein,shehron mein ghamon k saaye hain

hoton pe tabassum halka sa,aankhon mein nami si
hum ehal-e-mohabt par aksar aise bhi zamane aaye hain

Sur jhukaoge to pathar devta ho jaayeGa
itna mat chaho use wo bewafa ho jaayeGa

hum bhi dariya hai hame apna hunar maloom hai
jis taraf bhi chal padenge rasta ho jaayeGa

kitni sachaai se mujhse zindagi ne keh diya
tu nahi mera to koi dusra ho jaayeGa

rooth jaana to mohabbat ki alaamat hai magar
kya khabar thi mujh se wo itnaa khafaa ho jaayeGa

Aa k pathar to mere sehan mei Do-Chaar giray
Jitne us pairh k phal thay Pas-e-Deewar giray


Aisi dehshat thi fizaon mei Khule pani ki
Aankh jhapki b nahe hath se Patvar giray


Mujhe girna hai to mei apne he Qadmon mei giron
Jis tarah Saaya-e-Deewaar pe deewar giray


Tergi chor gaye din mei ujale k Khutoot
Yeh sitare mere ghar toot k Bekar giray


Dekh ker apne Dar-o-Baam laraz uthta hon
Mere humsaye mei jab b koi Deewar giray


Waqt ki dor Khuda jane kahan se tooti
Kis ghari sar pe ye latki hoi talwaar giray


Hum se takra gai khud barh k Andhere ki chattan
Hum sambhal_ker jo bohat chalte thay Nachar giray


Hath aya nahe kuch raat ki Daldal k siva
Haye kis mor pe khuwabon k Parastar giray


Kya kahon Deeda-e-Tar yeh to mera Chehra hai
Sang kat jate hain barish ki jahan Dhaar giray


Dekhte kion ho ’Shakeb’ itni Bulandi ki taraf
Na uthaya karo sar ko k yeh Dastaar giray..........,

Pathar he sahi, raah mein hayal tu rahoon ga
Kuch dair taira mud'e muqabal tu rahoon ga

Jab tuk tairi bakhshish ka bahram khul nahi jata
Aye mairay sakhee, mein taira sayaal tu rahoon ga

Iss wastay zinda hoon sar maqtal e yaraan
Wabasta e kam zarfi e qatal tu rahoon ga

aye taiz hawa maira dhowaan daikh kay jana
Bujh kar bhi nishaan e rah e manzil tu rahoon ga..!

Dushman he sahi naam tu lay ga maira tu bhi
Youn mein tairi awaaz mein shamil tu rahoon ga

Jab tum mein baghawat na karoon jabar o sitam say
Zindaan mein hoon paband e salasal tu rahoon ga

Mohsin Zad e ada say agar mar bhi gaya mein
Mayaar e tameez e haq o batil tu rahoon ga...!!!,