Search

manzar hai vahii thathak rahii hun
hairat se palak jhapak rahii hun

ye tuu hai ke meraa vaham hai
band ankhon se tujh ko tak rahii hun

jaise ke kabhii na thaa taarruf
yun milte hue jhijhak rahii hun

pahachaan main terii roshanii hun
aur terii palak palak rahii hun

kyaa chain milaa hai sar jo us ke
shaanon pe rakhe sisak rahii hun

ik umr huii hai Khud se larte
ander se tamaam thak rahii hun

Khushi ki baat hai ya dukh ka manzar dekh sakti hoon,
Teri awaaz ka chehra main chuu kar dekh sakti hoon,
Abhi tere labon pe zikar fasl-e-gul nahin aya,
Magar ik phool khilte apne andar dekh sakti hoon,
Kinaara dhoondne ki chaah tak mujh mein nahin hogi,
Main apne gird aik aesa samandar dekh sakti hoon,
Vasaal-o-hijar apne yaksaa’n* hain, woh manzar hai chahat mein,
Main aankhain band kar ke tujh ko aksar dekh sakti hoon,
Abhi tere siwaa duniyaa bhi hai maujood is dil main,
Main khud ko kiss tarah tere baraabar dekh sakti hoon..

Manzar-e-Aam pe aa jaata FaSaana Mera
Kaash ho jaata ghalat aaj Nishaana mera

Aah kis TooTe huye dil ne mujhe yaad kiya
Dard ka phool mahaktaa hai puraana mera

Gar yaqeeN tumko na ho Sang uThaao mujh par
Aake wo khud hee kahe ga hai deewaana mera

Kitne logon ko Mere yaar garaaN guzraa hai
Teri mehfil meiN kabhee bhool se aana mera

Gham, alam, dard, sitam, soz, jafaa, ruswai
Bus In he lafzoN meiN Gum hai taraana mera...!

kabhi tm khud b aa k dekho ye manzar sham se pehly
ye lab kesy larazty hain tmhary nam se pehly
nhi mumkin main raah e shoq se palat jaon
pArinday to nhi lotay kbi ghar sham se pehly
nahi malum kb se hai taluq ustawar apna
tmhara aks tha dil main tmhary naam se pehly....

Aankhain khuli rahain gi toh manzar bhi ayeenge
Zinda hai dil toh aur sitamgarr bhi ayeenge

Pehchaan lo tamaam faqeeron kay khadd-o-khaal
Kuch log shab ko bhais badal kar bhi ayeenge

Gehri khamosh jheel kay paani ko yun na chairh
Cheenthay uday toh teri qaba par bhi ayeenge

Khud ko chhupa na sheesha garoon ki dukhaan mai
Sheeshay chamak rahey hain toh pathar bhi ayeenge

Ay shehr yaar dasht say fursat nahi magar
Niklay safar pay hum toh teray ghar bhi ayeenge

Mohsin abhi saba ki sakhawat pay khush na ho
Jhonkay yehi basoorat-e-sar sar bhi ayeenge

karb ke shahar se nikle to ye manzar dekha
ham ko logon ne bulaya hamen chhuu kar dekhaa

jab bhi chaha hai ke malbous-e-vafa ko chu len
misl Khushbuu koi uDta hua paikar dekha

vo barsat men bhega to nigahen uThin
yon laga hai koi tarasha huaa patthar dekha

zindagii kitanii pareshaaN hai ye sochaa bhii na thaa
is ke ataraaf men sholon kaa samandar dekha

aa gai Gam ki hava phir tere gesuu choukar
hamane virana-e-dil phir se muattar dekha

vo jo uDati hai sadaa dasht-e-vafaa men "Afzal"
usi miTi men nihaaN dard kaa gauhar dekha

Yehi Manzar The Anjane Se Pehle,
TuMhare Shaher Mein Aane Se Pehle,

ZaMeen Ki Dhadkane Pechan Lena
Koi Dar-O-Deewar Banane Se Pehle,

Na Jane Kitni Aakhein Muntazir Thi,
Sitarein BaaM Par Aane Se Pehle,

Dareeche Band Ho Jate Hai Kitne,
Yahan Manzar Badal Jaane Se Pehle...,