Search

Shab-e-wehshat ki aadat ho gayi hai,
Mujhe tum se mohabbat ho gayi hai,
Kisi ka lamss hai jis ke hunnar se,
Mukammal sab ibaadat ho gayi hai,
Koi din ke liye deewangi bhi,
Mere dil ko ghaneemat ho gayi hai,
Bohat behaal rehte they magar ab,
Humain hijrat ki aadat ho gayi hai,
Gulaab asaar rastey muntazir hai,
Ke mausam ki inaayat ho gayi hai,
Zameen se aasman tak roshni hai,
Meherbaan hum pe fitrat ho gayi hai.

Yahi huaa k hawaa le gayi uraa k mujhe
Tujhe to kuch na mila khaak mein milaa k mujhe

Bas ek goonj hai jo saath-saath chaltii hai
Kahaan ye choar gaye faasale sadaa k mujhe

Chiraagh thaa to kisi taaq hi mein bujha rehta
Yeh kya kia k havaale kiyaa, hawaa ke mujhe

Ho ek adaa to usay naam doon tamanna kaa
Hazaar rang hain es shola e hina k mujhe

Buland shaakh se uljha thaa chand pichle pehar
Guzar gayaa hai koi Khwaab sa dikhaa k mujhe

Hazaar baar khula zehan baadbaan ki tarah
Naqash-e-paa na mile umr-e-baad paa k mujhe

Main apni mauj mein dooba huaa jazeera hoon
Utar gayaa hai samandar buland pa k mughe...!

Raah Aasaan Ho Gayi Hogi,
Jaan Pehchan Ho Gayi Hogi,

Phir Palat Kar Nigaah Nahi Aayi,
Tujhpe Qurbaan Ho Gayi Hogi,

Teri Zulfon Ko chairte Hai Saba,
Khud Pareshan Ho Gayi Hogi,

Maut Se Tere Dard Mandoon Ki,
Mushkil Aasaan Ho Gayi Hogi,

Un se Bhi Chean Loge Yaad Apni,
Jinka IMaan Ho Gayi Hogi,

Dil Ki Taskeen Puchhte Hai Aap,
Haan Meri Jaan Ho Gayi Hogi...!

Baharon se adawat reh gayi hai
hawaon mein baghawat reh gayi hai

teri aankhon mein jo duniya meri hai
Ussi me ab MOHABBAT reh gayi hai


Koi roye to aansoo ponch dena
kahan mujh si sharafat reh gayi hai


ager che pass mere tu nahi hai
mager teri Shabahat Reh gayi hai

Jane Kaise Subha Se Shaam Ho Gayi,
Ye Zindgi Bas Yu Hi Tammam Ho Gayi.

Karte Rahe Hum Kosish Manzil Ko Pane Ki,
Har Kosish Magar Aaj To Nakam Ho Gayi.

Dil Ke Kisi Kone Me Chupaya Tha Aapko,
Phir Ulfat Meri Kaise Badnam Ho Gayi.

Jis Khushi Ke Liye Uthaya Tha Har Ek Gam,
Wo Khushi Kisi Aur Ki Mehmaan Ho Gayi.

Acha Hua Ye Gam Mere Kareeb Aa Gaya,
Apne Paraye Ki To Hume Pechan Ho Gayi.

Ek Waqt Tha Hum Saath The Din Raat Ke Liye,
Kyu Duriya Ab Apne Darmiyan Ho Gayi.

Ye Zindgi Bas Yu Hi Tamaam Ho Gayi,
Mera Wajood, Hasti Meri Benam Ho gai,
Jane Kaise Subha Se Shaam Ho Gayi.

Mohabbat Ho Gayi Hum Ko
Tumhi Se Pyar Krtay Hain

K Har Lamhay Ki Ahat Par
Tumhi Ko Dhondha Krtay Hain

Mohabbat Cheez Aesi Hai
Judai Hai Yahan Mumkin.

Magar Sach Hai Yehi Jana
Na Ji Saken Ge Tere Bin

Mohhabat Kr To Li Hum Ne
Magar Ab Kya Karen Hum Bi

Tumhin Ko Yaad Kartay Hain
Yahi Faryaad Krtay Hain

K Bahen Mil Jayen Teri
Panahen Mil Jayen Teri

K Bs Hum Chor K Sb Kuch
Teri Bahon Mein A Jaen,

Kathin Andheron Ki RahGuzar Pe Chirag-e-Subah Jala Jala K,
Qasam Se Aankhein Bhi Thak Gayi Hain Tumaray Aansu Chupa Chupa K,

Kya Khabar Thi K Ek Chehray Se KItnay Chehray Kasheed Hongay,
Main Thak Gaya Hoon Tumaray Chehron Ko Ainon Mein Saja Saja K,

Hum Itnay Sada Mizaj Kab Thay Magar Sarabon Ki RahGuzar Pe,
Fareeb Deta Raha Zamana Tumari Surat Dikha Dikha K,

Ajab Tanasub Se Zehan-o-Dil Mein Khayal Taqseem Ho Rahay Hain,
Mujhe Muhabbat Si Ho Gayi Hai Tumein Muhabbat Sikha Sikha K.....!!!,