Search

Kal shab tera khayal bari dair tak raha

Dil gham se nidhal bari dair tak raha.

Kuchi Bhi Kar Guzarnay Mein Dair Kitni Lagti Hai ?

Barf Ke Pighalnay Mein Dair Kitni Lagti Hai ?


Os Ne Hans Kar Dekha Tou Muskura Dye Ham Bhee

Zaat Se Nikalnay Mein Dair Kitni Lagti Hai ?


Hijr Ki Tamaazat Se Wasl Ke Alao Tak

Larkion Ke Jalnay Mein Dair Kitni Lagti Hai ?


Baat Jaisi Be-Maainay Baat Aur Kia Hogi ?

Baat Ke Mukarnay Mein Dair Kitni Lagti Hai ?


Zaim Kitna Kartay Ho Ik Charaagh Per Apnay ?

Aur Hawa Ke Chalnay Mein Dair Kitni Lagti Hai ?


Jab Yaqeen Ki Baanhon Per Shak Ke Paaon Par Jaayein

Choorian Bikharnay Mein Dair Kitni Lagti Hai ?

Dard kuch dair he rehta hy bht dair nahi
Jis tarhaa shakh sy toray hoe ek patty ka rang
Maand parr jata hy kuch roz alg shaakh sy reh kr
Shaakh sy toot kr ye dard jiye ga kb tk?
Khatm ho jaye gi jb es ki rasad
Timtemay ga zra dair ko bujhty bujhty
Or phir lambi si ek saans dhunway ki ly kr
Khatm ho jaye ga ye dard bhi bujh jaye ga
Dard kuch dair he rehta hy bht dair nahi...!!

hamesha dair kar deta hun main

zaruri bat kahni ho
koi wada nibhana ho
usay awaz deni ho
usay wapas bulana ho
hamesha dair kar deta hun main

madad karni ho uski
yar ki dharas bandhana ho
bahut dairina raston par
kisi se milne jana ho
hamesha dair kar deta hun main

badalte mausamon ki sair main
dil ko lagana ho
kisi ko yad rakhna ho
kisi ko bhool jana ho
hamesha dair kar deta hun main

kisi ko maut se pahle
kisi gam se bachna ho
haqiqat aur thi kuch
us ko ja k ye batana ho

hamesha dair kar deta hun main...!

Abhi kuch dair baqi hai…!!
Khizan k beet janay main,
Guloun k Muskuranay main,
Khushi k geet ganay mein,
Baharon k zamanay main,
Abhi kuch dair baqi hai..!
Main tum ko bhool jaonga..!
Na tum ko Yaad aaonga..!
Main tum se dour reh k bhi,
Tumhain jee ker dikhaonga..!
Tumhain maloom hay laikin,
Yeh sub main kar na paaonga,
K tum ko bhool janay main,
Abhi kuch dair baqi hay..!

Chalo Kuch Dair Hastay Hain
Muhabbat par Inayat par
K bebunyad baten hain
Sabhi rishtay Sabhi Natay
Zarurat ki Hain ijadain
Kahin Koi nahi merta Ksi k Wastay jana
K sub hai Phair lafzoon ka
Hai sara Khail harfon ka
Nahi hai mehboob koi bhi
Sabhi Jumlay say kastay hain
Chalo Kuch dair Hastay hain
Usi ko Yaad kertay Hian
jisay hum Zeest Kehtay hain
K lena Sans Bin jis k
Humain Ik Jurm Lagta Tha
Bala ka taiz Lagta Tha
Jo Saya Bun k Rehta Tha
Juda Ab Us k rastay hain
Chalo kuch Dair Hastay hain

Dil main phir dard howa dair talak

Na mili es ko dawa dair talak

Mein nay khoshboo ki haqeqat poochi

Phool khamosh raha dair talak

Tum nay to sirf suna hee ho ga

Mein nay jo dard saha dair talak

Shab ko phir mein nay sulagta paya

Mun ka khamosh diya dair talak

Uss nay kuch aur kaha tha shayed

Mein nay kuch aor suna dair talak

Uss nay poocha k mujhe yaad kiya?

Mein nay tab hans k kaha dair talak

Janay wala nahi ek pal bhi ruka

Aks aankhoon main raha dair talak

Maslahat reh gaee hontoon pay Batool

Rooh main shor macha dair talak

Lagta nahin K Saath nibha'aye ga Dair Tak
Lekin woh mujh ko bhool na Paye ga Dair Tak

Ju bhi Qareeb aye ga us k, Usay Zaroor
Woh meri Daastaan sunaye ga Dair Tak

Dhoonde ga woh mujhe in hi Galion main aik Din
Dhoonde ga aur mujh ko na Paye ga Dair Tak

Main Saahilon ki Rait pe Likhoon ga us ka Naam
Paani pe mera Naqsh Banaay ga Dair Tak

Kis haal mein hoon us se bichernay k Baad main
Sun k usay Yaqeen na aye ga dair Tak,