Mujh Se Bicher K Mujh Ko Rula Ker Udaas Tha

Mujh se bicher k mujh ko rula ker udaas tha,
Meri tarah wo khud ko jala ker udaas tha,

Aisay ajeeb dard k pehre thay chaar soo,
Ab k wo mere shehar main aa ker udaas tha,

Mujh ko bhi us ki yaad satati rahi bohat,
Wo Bhi diyaar-e-ghair main ja ker udaas tha,

Mere ilawa bhi hai koi us ka shaher main,
Itni see baat mujh ko bata ker udaas tha,

Us ko udaas ker gayi beete dinon ki yaad,
Guzri rafaqaton ko ganwa ker udaas tha...!!!