Jawani

Aaker Le Jaye Meri Aankh Ka Pani Mujhse,
Kyun Hasad Karti Hai Darya Ki Rawani Mujhse,

Gosht Nakhun Se Alag Kar K Dikhaya Main Ne,
Usne Puche Thay Judaai K Maani Mujhse,

Teri Khushbu Ki Lehed Par Main Bara Tanha Tha,
Ro Pari Milke Gale Raat Ki Rani Mujhse,

Khatam Hone Laga Jab Khoon Bhi Ashkon Ki Tarha,
Kar Gaye Khuwab Mere Naqal Makani Mujhse,

Sirf Ek Shakhs K Ghum Main Mujhe Barbad Na Kar,
Roz Rotay Hue Kehti Hai Jawani Mujhse..!