Shukria

Raah-e-wafa ki saleeb pr do qadam uthane ka shukria,

Bara pur'khatar tha ye rasta tere loat jane ka shukria.

Jo udas hain tere hijr mein, jinhen bojh lgti hy zindgi,

Sar-e-bazm unko dekh kr mounh chupane ka shukriya.

Teri yad kis kis bhais mein mere sher-o-naghma mein dhal gai

Ye kamal hai teri yad ka mjhe yad aane ka shukria.

Mjhe khasta haal dekh kr tere phool se hont khil uthy,

Mjhe gham nhi is baat ka tere muskurane ka shukria.