Andaz ho bahoo teri awaz e paa ka tha

Andaz ho bahoo teri awaz-e-paa ka tha.
Dekha nikal k ghar se to jhonka hawa ka tha.

Utha ajab tazad se insan ka khameer,
Aadi fana ka tha to pujari baqaa ka tha.

Is rishta-e-lateef k israr kya khulen,
Tu samny tha aur tasawar khuda ka tha.

Toota tou kitny aaina khano peh zad pari,
Atka hua galy men jo pathar sadaa ka tha.

Chhup Chhup k roun aur sar-e-anjuman hansoon,
Mujh ko ye mashwra mere dard aashna ka tha.

Dil raakh ho chuka to chamak aur barh gai,
Ye teri yad thi k amal kemiya ka tha.

Is husn-e-ittifaq pe lut k bhi shaad hoon.
Teri razaa jo thi, wo taqaza wafa ka tha.

Heran hoon k daar se kaisy bacha Nadeem,
Wo shakhs to ghareeb-o-ghayoor intihaa ka tha.