Lab E Faryaad

Tu Jo chahy Bhi tou siyyaad nahi honay ko,
Lab hamary Lab-E-Faryad nahi honay ko.

Koi achi B khabar kaan men aaye ya rab,
Aisi khabron se tou dil shaad nahi honay ko.

Tu rahy hum se khafa kitna hi chahy lekin,
Hum kabhi tujh se tou nashaad nahi honay ko.

Kaar-E-Dunia ko hain darkaar hamari umren,
Kaar-E-Dunia se tou aazad nahi honay ko.

Anginat Jagtay chehry gaye mati k talay,
Ab naye zulm tou aijad nahi honay ko.

Ta Qayamat wohi ek naam rahy ga aabad,
Hum kabhi mustaqal aabad nahi honay ko.

KhAak ho Jaye ga ye muqadar apna,
Hum mgr wo hain k Barbad nahi honay ko.

Chahy nimrood ho, firon ho ya k ho yazeed,
Sahib-E-Shijra-O-Aulad nahi honay ko.

Us k koochy men miyaan khaak urraty kion ho,
Tum se majnu tou usy yad nahi honay ko.

Wo zamany k ADEEL hum Bhi thay us ki pehchan,,
Wo zamany tou usy yad nahi honay ko~...