Ayaat

jo log iman lanay ke baad kaafir hogaye, phir kufr me barhtay gaye, aison ki tauba hargiz qabool nahe hogi aur ye log gumraah hain (90)
jo log kafir huay aur kufr hi ki haalat mein mar gaye woh agar (nijaat hasil karna chahen aur) badlay mein zameen bhar sona dein to hargiz qabool nahee kiya jayega un logon ko dardnaak azab hoga aur unki koi madad nahee karega. (91)

Surah Al-Imran

jo eman laye ho shetan ke naqash e qadam par nah chalo jo koi is ki perawi karega to wo usay fahash aur badi hi ka hukum de ga

al noor 21

tum par haram hai har murdar, (behta hua)khoon, soor ka gosht aur har woh cheez jo ghair Allah ke naam se mansoob kar di gai, albatta jo shakhs mehaz majboori mein hain, baghawat wa nafarmani mein nahee, uss me se kha le to uss par koi gunah nahee, yaqeenan Allah taala bohat hi maaf karnay wala aur reham farmanay wala hai.

Al Baqra 173

"ae iman walo! yaqeenan sharab, jua, astanay aur faal nikalnay ke pansay ye sab gandi baten aur shetan ke kaam hain pass un se door raho takay falah pa jao. sheta to yahi chahta hai ke sharab aur juay ke zariye tumharay darmiyan bughuz aur dushmani dalde aur tumhen rok de allah ke zikar aur salat se, so ab bhi baaz ajao. Allah ki ata-at karo aur rasool ki ata-at aur (un cheezon se) door raho, phir agar tum (deen se) phir jatay ho to yaad rakho ke hamaray rasoolon par khuli baat pohncha dena hai."

surah Al-Maida 9 to 29

farmaan e ilahi:
Tarjuma: Allah ko apni qasmon ka nishana nah banao keh tum nekion, taqwa aur logo ki islaah hi ko chhore betho aur Allah khoob sun-nay aur jan-nay wala hai
Al Baqara 224

Tarjuma: tum mein se jo khush-haal hain unhen yeh qasam nahee khani chahiye kay wo rishta daron aur miskeenon aur Allah ki rah mein hijrat karnay walon ko kuch nah denge, balkay unhen chahiye hai kay wo maaf aaur dar guzar karden. kya tumhe ye pasand nahee kay Allah tumhe maaf farmade, aur Allah bada bakhsnay wala aur be hadd reham karnay wala hai.
Al-Noor:22