Love

Suno Ae Chand Si Lerki
Abhi Tum Keh Rahi Thi Na
Tumhain Mujh Se Mohabbat Ho Nahin Sakti
Chalo Maana K Yeh Sach Hai
Mager Aye Chand Si Lerki
Mujhe Itna Batao Tum
K Jab Mousam Badalte Hain
Gulon Mein Rang Bherte Hain
Tou Phir Kuon Muztrib Ho Ker
Aikele Pan Se Ghabra Ker
Hawa Ko Raaz Deti Ho
Mujhe Awaz Deti Ho
Suno Ae Chand Si Lerki
Tumhare Samne Koi Mera Jab Naam Leta Hai
Tou Phir Kuon Chonk Jati Ho
Chalo Maana Tumhain Mujh Se Mohabbat Ho Nahin Sakti
Mager Itna Samjh Lo Tum
Jahan Chahat Nahin Hoti
Wahan Nafrat K Hone Ka Koi Imkaan Nahin Hota
Mera Dawa Hai Chahat Mein
Jahan Nafrat Nahin Hoti
Wahan Akser Yeh Dekha Hai
Ager Kuch Waqt Kat Jaye
Samay Ki Dhool Jhat Jaye
Tou Wehshat Bhag Jati Hai
Mohabbat Jaag Jati Hai

Us Ne Kaha Kon Hai Tumhay Bohat Aziz

Main Ne Kaha DIl Pay Jis Ka Ikhtiyar Hai

Us Ne Kaha Kon Sa Tofha Doun Main Tumhay

Main Ne Kaha Wahi Sham Jo Abhi Tak Udhaar Hai

Us Ne Kaha Khizan Main Milnay Ka Jawaz

Main Ne Kaha Qarb Ka Mutlab Bahaar hai

Us Ne Kaha Seinkron Gham Zindagi Main Hain

Main Ne Kaha Ghum Nahi Jub Sath Ghum Guzaar Hai

Us Ne Kaha Sath Kahan Tak Nibhao Gay

Main Ne Kaha Jub Tak Yah Sanson Ki Taar hai

Abhi Kuch Din Mujhe Meri Muhabbat Azmane Do
Mujhe Khamosh Rehne Do

Suna Hai Ishq Sacha Ho To
Khamoshi Laho Ban Kar Ragon Mien Nach Othti Hai

Zara Uss Ki Ragon Mien Khamoshi Ko Jhoom Jane Do
Abhi Kuch Din Mujhe Meri Muhabbat Azmane Do

Usey Mien Kuyn Bataon Us Ko
Mein Ne Kitna Chaha Hai
Bataya Jhoot Jata Hai

K Sach Baat Ki Khusbo To
Khud Mehsoos Hoti Hai

Meri Baaten Meri Sochen Usey Khud Jaan Jane Do
Abhi Kuch Din Mujhe Meri Muhabbat Azmane Do

Raat Ki Chandni Main Kuch Khas Baat Hai
Wo Meray Saath Hain Wo Meray Saath Hai

Kuch Baatain Kahi Sitarou Nay
Kuch Baatain Kahi Nazarou Nay

Aaj Chand Ki Roshni Kuch Khas Hai
Wo Meray Saath Hain Wo Meray Saath Hai

Kuch Madham Baat Karou Iss Chandni Raat Main
Raat Ki Chandni Main Kuch Khas Baat Hai

Baitho Meray Pahlou Main Tum Raat Bhar
Aaj Chand Ki Rooshni Hai Khob Tar

Kuch Baatain Karou Nai Wo Purani
Iss Raat Main Je Lay Gay Zindagi Suhani

Muhabat Ki Baatain Karni Hain Suhani
Iss Raat Main Je Lay Gay Zindagi Suhani

Aaj Chand Ki Rooshni Kuch Khas Hai
Raat Ki Chandni Main Kuch Khas Baat Hai

Tum Mere Hoke Raho
Apni Khatir Jagey Ho Soye Ho
Apni Khatir Hansey Ho Roye Ho
Kis Liye, Aaj Khoey Khoey Ho
Tum Ne Ansoo Bohat Piye Apne
Tum Bohut Saal Reh Liye Apne
Tum Azal Se Dokhoon Ke Derey Ho
Chahey Khud Ko Ghumoon Main Gheiray Ho
Jub Se Paida Hoye Ho Mere Ho
Aaj Kholengey Lab Siye Apne
Tum Bohut Saal Reh Liye Apne
Ab Mere, Sirf Mere Hoke Raho
Dil Ki Or Baat Dil Se Kehne Do
Meri Bahoon Main Khud Ko Beney Do
Moddaton Zakham Khud Siye Apne
Tum Bohut Saal Reh Liye Apne
Ab Mere Sirf Mere Hoke Raho

Husn He Husn Ho, Zeenat Ho
Ishq Hon Main Tou Tum Muhabbat Ho
Tum Meri Bus Meri Amanat Ho
Jee Liye, Jis Qadar Jiye Apne
Tum Bohut Saal Reh Liye Apne
Ab Mere Sirf Mere Hoke Raho
Rehte Ho Ranj-O-Gham Ke Gharon Main
Dukh Ke, Aasaib Ke Baseron Main
Kaise Chhoron Tumhey Andhero Main
Tum Ko De Donga Sub Diye Apne
Tum Bohut Saal Reh Liye Apne
Ab Mere Sirf Mere Hoke Raho
Tum Bohut Saal Reh Liye Apne
Aab Mere Sirf Mere Hoke Raho

Zamane Ko Jalne Do Chalo Ek Sath Chalte Hain
Nayi Dunia Basane Ko Chalo Ek Sath Chalte Hain

Hamain Jivan Ka Har Lamha Tumhare Naam Karna Hai
Yehi Waada Nibane Ko Chalo Ek Sath Chalte Hain

Suna Hai Mil K Chalne Se Muqaddar Jaag Uthte Hain
Yehi Sach Hai Aazmane Ko Chalo Ek Sath Chalte Hain

Mere Ishk De Wich Mashkook Na Ho
Nai Aj Tak Ghalat Nigah Kitti

Teri Har Mulakat Main Ainj Kitti
Jevain Musa Naal Khuda Kitti

Nai Fark Kitta Teri Pooja Wich
Nai Khatraan Di Parwa Kitti

Ik Tenu Rab Nai Keh Sakda
Baki Sari Rasam Ada Kitti

Shaam K Ujalo Par
Apne Narm Hathon Se
Koi Baat Achi Si
Koi Khawab Sacha Sa
Koi Bolti Khushbu
Koi Sochta Lamha
Jab Bhi Likhna Chaho Ge
Soch K Darichon Se
Yaad K Hawalon Se
Mera Naam Chhup Chhup Kar
Tum Ko Yaad Aaye Ga
Hath Kaanp Jaingay
Shaam Teher Jaye Gi
Meri Yaad Aaye Gi
Meri Yaad Aaye Gi

Mujh Se Miltay Hain To Milte Hain Chura Kar Aankhain
Phir Wo Kis K Liye Rakthe Hain Saja Kar Aankhain

Mein Unhain Dekhta Rehta Hun Jahan Tak Daikhoon
Ek Wo Hain Jo Dekhain Na Utha Kar Aankhain

Uss Jagha Aaj Bhi Beitha Hoon Akaila Yaaro
Jis Jagha Chhor Gaye The Wo Mila Kar Aankhain

Mujh Se Nazrain Wo Aksar Chura Letay Hain Faraz
Mein Ne Kagaz Peh Bhi Dekhi Hain Bana Kar Aankhain