Search

Baat Din Ki Nahi, Ab Raat Se Dar Lagta Hai
Ghar Hai Kachaa Mera, Barsaat Se Dar Lagta Hai

Tere Tohfay Ne Tou Bas Khoon Ke Aansoo Hi Diye
Zindagi Ab Teri Saughaat Se Dar Lagta Hai

Pyaar Ko Chor Ker Tum Aur Koi Baat Karo
Ab Mujhay Pyaar Ki Har Baat Se Dar Lagta Hai

Meri Khaatir Na Wo Bandnaam Kahein Ho Jaein
Iss Liye Unn Ki Mulaqaat Se Dar Lagta Hai

Bohat hi yaad aata hai mere Dil ko tarpaata hai
woh tera paas na hona bohat mujh ko rulaata hai

woh mera teri aankhon k samander main uttar jaana
aur teri muskurahat ke bhanwar main doobte jaana

teri awaaz k sehar se na nikal paana
tujh ko dekhna aur bey khudi se dekhte jaana

bohat chaha in guzre hue lamhon ko na sochoon
na teri yaad main reh k tere saath ka sochoon

bhoola doon saari yaadon ko ke jin se Dil tarapta hai
k jin se thees uthti hai k jin se dard hota hai

magar jab raat aati hai tou teri yaad aati hai
terey hi khuwaab hote hain teri hi baat hoti hai

tou tay paaya ab mumkin nahi tujh ko bhoola dena
teri yaad main rehna tujhe hi sochte rehna

tujhe jab yaad karte hain tou Dil apna tarapta hai
woh tera paas na hona bohat mehsoos hota hai...

Woh pathar dil sahi hamara bhi ye dawaa hai
Hamaray lab jinhe chu lein wo pathar bol uthay

Raaz-e-hasti kuch nahi aksar yehi dekha gia
Bey khabar hanste rahe aur ba khabar rotay rahe

Mey khanay ki tauheen hai rindo ki hatak
Kam zarf ke haath mein agar jaam diya jaye

Hum karain baat daleelon se tou rud hoti hai
Iss ke honton ki khamoshi bhi sanad hoti hai

Abhi mitti na khunki thi abhi paani na barsa tha
Magar bazm-e-anasir mein tere hone ka charcha tha

Yehi Wafaa ka silaah hai, tou koi baat nahi
Yeh dard tum ne diya hai, tou koi baat nahi

Yehi bohot hai ke tum dekhte ho sahil se
Safeena doob raha hai, tou koi baat nahi

Rakha tha aashiyana-e-dil main chhupa ke tumko
Woh ghar tumne chor diya hai tou koi baat nahi

Tum hi ne aayena-e-dil mera banaya tha
Tum hi ne tod diya hai tou koi baat nahi

Kis kii majaal kahe koi mujh ko deewana
Agar yeh tumne kaha hai tou koi baat nahi

Kuchh adhuri khwahishon ka silsila hai zindagi,
Manzilon se ek musalsal fasala hai zindagi !

Mere darwaze pe dastak de ke chhup Jane ka khel,
Kab talak khelegi eh kya bachpana hai zindagi !

Tere afsane tou mai sunta raha Hun baar haan,
Naam kya tune kabhi mera suna hai zindagi !

Zinda Hun doston ki duaaon ke bawajud,
Roshan hai kitani tez hawaon si zindagi !

Apani tamam shokh adaaon ke bawajud,
Behla saki na jee mera eek pal bhi zindagi !

Bojhal hai rat chaand sitaron ke bawajud,
Suraj ke bawajud andhera hai zindagi !

Barbaad hamko hona tha barbad ham huye,
Duniya hai sari nek salahon si zindagi !

Kaatil thay jitne mere sabhi ho gaye bari,
Aur chup khadi thi chasmdeed gawahon si zindagi !

Mushkilon ko karta Jo aasan hai,
WO asal mein hi tou ek insan hai !

Gham se ghabra ke Jo himmat chhod de,
Buzdili ki uski tou pahchan hai !

Zindagi hai ek dariya dard ka,
Dard se khele wahi insan hai !

Khushali mein sab yaha jee lete hai,
Ghum mein jeena tou alag ek shan hai !

Ham bana saktey hain khud takdeer ko,
kam ham hi mein josh ka elan hai !

Kahte hain k waqt hai ek dhup chaaon,
phir bhala kyon aadami hairan hai !

Khud ko Jo samjhe k ham kamzor hain,
WO bahut nadan hai anjan hai !!

Jo bhi iss dil peh guzarti hai wo sab janta hai,
Koi jaane ke na jane mera rab janta hai !

Jaaney kab usko faqiron peh taras aajye,
Kuchh milega ye mera dast e talab janta hai !

Hazaar bar usse tod ke aajaun mai reet,
Magar wo hamko bulane ka hunar janta hai !

Mai usko bhool ke zinda rahunga kaise ae saqi
WO meri sanso ki talab ki wajah janta hai !

Mera hasna use achha nahi lagta shayad,
Warna wo meri udasi ka sabab janta hai !!

Jo khusboo ban ke dil mein bas gaya hai,
Khuda jaane woh mujhse kyon khafa hai !

WO chehra gam se kumlane na paye,
Mere hoton pay ab bhi ye duaa hai !

Tabassum hai labon pe dil mein nafarat,
Yahi iss daur ka naks e wafa hai !

Judaa hokar bhi sabke sath Hun mai,
Nahin maloom yeh kaisi saza hai !

Zamana chup hai aur bole hai zakhmi
Yah uski bezubaani ka sila hai !!

Kisi ke kam na aaye wo zindagi kya hai,
Adab jisme na ho shamil wo bandagi kya hai !

Mahaj tarkon se dalilon sey bat banti nahi,
Wazan jisme na shagufta wo bat hi kya hai !

Unche mahalon me guzar karte hai jehan roshan,
WO kya samjhege muflishon ki muflishi kya hai !

Sukhe adhnange badan fakon ko majboor hai Jo,
Gaor se socho jara e bhi zindagi kya hai !

Mauj masti ko honge dost hajaron lekin,
Bure din me na aaye kam wo dosti kya hai !

Kare Jo darj apana nam nahi safahon me,
Makam jiska martaba na wo hasti kya hai !

Aman aur chain shakun ka jaha na dera ho,
Basera khaak hai “Saqiâ€‌ wo basti kya hai !!