Sad

Tera dard tha, teri yaad thi
Main jahan raha, main jidhar gaya
Mera din to yunhi guzar gaya
Junhi shaam hoi main bikhar gaya

es Abar ka mere yaar se
bara milta julta mizaaj hai
Kabhi toot kar baras gaya
Kabhi berukhi se guzar gaya

Jab main choar dunga wo gali
Usay yaad aayegi tab meri
Khojay ga wo jab mujhay
Usay khabar mile gi main mar gaya

Abhi tang hai wo mere naam se
Mere baad aaye ga wo dostoo
Wo tumhi ko rok kar puchay ga
Wo kahan pe hai, wo kidhar gaya...!

Dard kuch dair he rehta hy bht dair nahi
Jis tarhaa shakh sy toray hoe ek patty ka rang
Maand parr jata hy kuch roz alg shaakh sy reh kr
Shaakh sy toot kr ye dard jiye ga kb tk?
Khatm ho jaye gi jb es ki rasad
Timtemay ga zra dair ko bujhty bujhty
Or phir lambi si ek saans dhunway ki ly kr
Khatm ho jaye ga ye dard bhi bujh jaye ga
Dard kuch dair he rehta hy bht dair nahi...!!

jis tarah shabnam
raat k ghup andheray main
anjaani raahon par chal kar
kissi phool ki saij pe sajti hai
bilkul ussi tarah
main bhi deis, deis ka pardesi
teray naam ki surkhi ban-na chaahon
yeh jantay hoe bhi
k subah hotay hi
yeh shaffaaf mootiyun ka shehar
baad e naseem main gum ho jayega
aur suraj ki pehli kiran se
mom ka shehar pighal jayega,...!

Jis ko chaha wohi kehta hai wafa
"kuch bhi Nhi"

Aisa lagta hai mere paas raha
"kuch bhi Nhi"

Yun bhi usne mjhe faramosh kiya!
Sun kar Hr baat meri Jaisy suna
"kuch bhi Nhi"

Boht wiraan si ho Gayi hai zindagi meri!
Wo Jb sy choar kr Gaya mere paas
"kuch bhi Nhi"

Mujh sy puchey koi kya Dil pe mere beet Gai!
Us sy kya puchtey ho Jis ka Gaya
"kuch bhi Nhi...!

Wiraan Sa Ujra Sa Tanha Koi Shakhs
Kal Raat Akailay Mein Shayad
Kuch Warq Jala Raha Tha..
...Uthte Huwe Sholon Mein
Khud Bhi Ik Shola Nazar Aa Raha Tha..
Jhatak Raha Tha Sar Woh
Aansu Baha Raha Tha..
Aise Mein Kisi Ne Guzarte Huwe Pucha...
Pagal! Kitaab Jala Rahe Ho..?
Tarap Kar Bola Nahi......Khawab...!

DIWANA KEH KE KHUD KO DIWANA BANA LIYA
HER HUSN KO CHAHA HER ADA KO APNA LIYA

HUME BHI SHAUK HAI TAFREEH KA YE DOST
ZINDAGI KI HER MOD PE EK AFSANA BANA LIYA

HUME TO NASIHAT MILI BAHUT RAAH E RAAST KI
AUR EK HUM HAIN KI DIL KO PATTHAR BANA LIYA

HUME TAMIZ HAI NA IBTEDA AUR NA INTEHA KI
JAHA SE JEE CHAHA SABAK SUNA LIYA

TAPISH TO HAI HUMARE MIZAAJ ME BHI
JO RUTHA KOI HUMSE USAY MANA LIYA

SOCHA JO KABHI APNE MUSTAKBIL KI YE
GHAM E HAYAT ME CHUPKE CHUPKE AASOON BAHA LIYA....!

MAI JEEVAN SE NHI, JEEVAN MUJHSE HAARA HAI
DOSTO NE NAHI, MUJHE MERI DOSTI NE MAARA HAI

WO HAnSTAY HAIN MERE, DARD KI DASTAAN SUNKAR
YEHI WO DARD HAI, JISNE MERA JEEVAN SAWARA HAI

TUM NE PUCHHO MERA HAAL TO ACHHA HAI
MAINE JEEVAN KA HER LAMHA, MAR-MAR KE GUZARA HAI

TASKEEN MUJHE DETA HAI TERA HI DIYA YE GHAM
TOOFAN ME KASHTI KO KHUD, HUMNE UTARA HAI...!

Manzar-e-Aam pe aa jaata FaSaana Mera
Kaash ho jaata ghalat aaj Nishaana mera

Aah kis TooTe huye dil ne mujhe yaad kiya
Dard ka phool mahaktaa hai puraana mera

Gar yaqeeN tumko na ho Sang uThaao mujh par
Aake wo khud hee kahe ga hai deewaana mera

Kitne logon ko Mere yaar garaaN guzraa hai
Teri mehfil meiN kabhee bhool se aana mera

Gham, alam, dard, sitam, soz, jafaa, ruswai
Bus In he lafzoN meiN Gum hai taraana mera...!

jeena parta ha kabhi zarf se kamtar ho kar
bheek daryaon se maangi ha samandar ho kar

haan ye tasweer kabhi baat kiya karti thi
dekhti rehti hain ankhein jise pathar ho kar

umar bhar mere tassawur ne tarasha tha jise
ab wo saya kahi gum ho gaya paikar ho kar

mera es ishq men nuqsaan hua ha kitna
khud se mehroom hua tujh ko mayassar ho kar

mere ehsaas pe ghalib hi rahi ik wahshat
mushkelain kam na huin ranj ka khoogar ho kar

es se behtar ha ke ik baar utar ja dil men
kyun ulajhta ha, mere zakhm se, nashtar ho kar

mera dukh ye ha, ke sab shaad samajhte hain mujhe
is aziyat se guzra hoon, sukhanwar ho kar...!