Sad

bas ek raat mulakat ka hua wada
woh din aur aaj ka din, phir neend nahe i

shiddat e gham ko tabssum se chhupanay walay
dil ka har raaz aankhon se ayan hota hai

Shikasta dil ko haathon mai tatoltay hoe

aesa mehsoos hota hai ke kambakht ab nahi bachay ga

magar kiya hi quwat-e-iraadi ka pekar hai ye...

Ghum sahay ja rha hai ...

Aur

Dharakta ja rha hai .......... !!!

kitni muddat baad tumhari yaad aai hai
yun lagta hai jaisay dil yeh ruk jaye ga
yun lagta hai jaisay ankhain
apnay saaray ansu ro kar
bilkul banjar ho jayen gi
yun lagta hai jaisay pichaly mousam phir say lout aaye hain
janan yeh dil khush rehnay kay
tour tareeqay bhool chuka hai
is par aisay yaad ki dastak
yun lagta hai jaisay dil par
aik qiyamat guzar rahi ho
koi tufaaan aan khara ho
jaisay aik akeli nao
beech bhanwar kay aan phansi ho
yun lagta hai jaisay sapnay
aik haqeeqat ban baithy hon
itni muddat baad tumhari yaad aai hai
soch raha hon kya is ki tazeem karoon mein
palkon pr, ashqo kay deep jala laita hon
dil kay ujrre aangan ko mehka laita hon
dil kehta hai phir khud ko taqseem karoon mein
itni mddt baad tumhari yaad aai hai
yun lagta hai jaisay pichaly mousam phir say lout aaye hon

mujhay apnay zabt peh naz tha , sar bazm raat yeh kya howa
meri aankhh kaisay chhalak gai , mujhay ranj hai yeh bura howa

meri zindagi k chairag ka yeh mizaaj koy naya nahi
abhi roshni abhi tayragi , nah jala howa nah bujha howa

mujhay jo bhi dushman jaa mila , wohi pukhta kaare-e-jafaa mila
nah kise ki zarb ghalat pari nah kise ka teer khata howa

mujhay aap kiyon nah samajh sakay , kabhi apnay dil say bhi poochiye
meri daastaa’n-e-hayaat ka tou varq varq hai khula howa

jo nazar bacha kay guzar gaye mairay samnay say abhi
yeh mairay he shehar kay log thay , mairay ghar say ghar hai mila howa

hamein is ka koy bhi haq nahi k shrik-e-bazm-e-khuloos hon
nah hamaray paas naqaab hai , nah kuch aasteen mein chhupa howa

mairay aik goshaa-e-fikar mein , meri zindagi say aziz tar
mera ik aisa bhi dost hai , jo kabhi mila nah juda howa

mujhay ik gali mein para howa , kisi badnaseeb ka khat mila
kahin khon-e-dil say likha howa , kahin aansooun say mita howa

mujhay hum safar bhi mila koi tou shikasta haal meri tarah
ky manzlon ka thaka howa , kahin raaston mein luta howa

hamein apnay ghar say chalay hoe , sar-e-raah umar guzar gai
koi justojoo ka sila mila , nah safar ka haq he ada howa

kiyon kisi aur ko dukh dard sunaoun apnay
apni aankhon say bhi mein zakhm chhupaao apnay

mein tou qaim hon tere gham ki badolat warna
yun bikhar jaoon k khud hath nah aon apnay

sher logon kay bohat yaad hain ouron kay liye
tou milay tou mein tujhay sher sunaoun apnay

sochta hon k bujha duun mein yeh kamray ka diya
apnay sayay ko bhi kiyon sath jagaon apnay

is ki talwar ne woh chaal chali hai aisi
paon katete hain agar hath bachaoo apnay

judaie
bay basi,
tanhaaee
kise ki aas
khowish
ishq ,
laa haasil
yeh sab kya hai..?
junoon kay rastay
aur ,
bay nishaa manzil

yeh kaisi reet hai raahi
k jis mein dard aisa hai
k jab mehsoos hota hai
koi hamdard nahi hota
yeh kiasa khail duniya ka
k jis mein jeet bhi jao
safar aakhir nahi hota
smh chahay badal jaye
fiza zarron mein dhal jaye
nishaan ki mout hai nah peed
fiza soog hai barpaa
khushi zindaan mein hai qaid
hawae sath mein apnay hazaron teer layte hain
tabassum noch layte hai
khushi ki chhoti chhoti motiyon ko
janay kaisay khoj layte hain
hussain o dil-nasheen pouday
khizaa kay waar sahte hain
sisaktay hain bilaktey hain
magar chup chaap rehtay hain
darakhton par udasiyoon ki
jaisay bail hai chhai
yeh kiasa khail hai raahi
har ik chehray peh
teh dar teh kayi parday
zuba khamosh hai sab ki
koi akaar dua karday
koi tou sukut raftagan ko
toar kay jaye
koi tou aaye
jo toota howa pal joor kay jaye
jidhar daikho hai mayoosi
jidhar jao hai tanhaaee
nah he mousam suhana hai
nah he afkar mein tabinda
nah he sochon mein ranayi
mazaar dil howa khasta
hai har ik nafs lab basta
bari mushkil mein hain maula
tera he aasra hai ab
tujhi say mangte hain rabbe
jahan dekhin woh daldal hai
jahan jayen wahein khayi
yeh kaisi reet he raahi

Dard Itna Tha K Kal Raat,

Dil -e- Wehshi Nay,

Her Rag-e-Jan Say,

Ulajhna Chaha ,

Her Bin Moo Say,

Tapakna Chaha,

Or Kahin Door,

Teray Sehan Main Goya,

Patta Patta Meray Afsurda,

Lahoo Main Dhul Kar,

Husan -e- Mehtab Say Azarda Nazar Anay Laga,

Meray Viran -e- Tan Main Goya ,

Saray Dukhtay Howay,

Reshon Ki Tanabain Khul Ker ,

Silsila War,

Pata Denay Lagi,

Rukhsat -e- Qafila -e- Shoq Ki Tayari Ka,

Or Jab Yaad Ki Bujhti Hoi,

Shamo Main Nazar Aaya,

Kahin Ak Pal, Aakhri Lamha,

Teri Dil Daari Ka ,

Dard Itna Tha K,

Us Say Bhi Guzarna Chaha,

Hum Nay Chaha Bhi,

Mager ,

Dil Na Theharna Chaha.